Македонија
Царовска: ВМРО-ДПМНЕ исплаќале 11 наместо 12 пати социјална помош секоја година

Министерката Мила Царовска во одговор на пратеничко прашање го обвини ВМРО-ДПМНЕ дека за време на нивното владеење исплаќале 11 наместо 12 пати социјална помош секоја година. Покрај кратењето на еден месец исплата, тие тоа го правеле секогаш со доцнење од два месеци, за што Царовска приложи извадоци од системот на исплати од Министерството за труд и социјална политика.
Царовска посочи дека во сите релевантни извештаи на меѓународната заедница се критикувала ниската социјална помош која ја обезбедувала владата на ВМРО-ДПМНЕ.
Актуелната влада, истакна Царовска, работи интезнивно на воведување на минимален адекватен приход од околу 12.000 денари што ќе претставува повеќе од двојно покачување на сегашниот износ на социјалната помош. Министерката Царовска рече дека забрзано се подготвува новиот закон за социјална заштита кој се планира да стапи на сила во 2019 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Пронајдени двете девојки од Португалија кои се изгубија во реонот на Водно – Матка

Денес околу 17.00 часот од страна на Центарот за управување со кризи бевме известени за две изгубени туристки во реонот од врвот на Водно кон Матка, извести директорот на ДЗС, Стојанче Ангелов.
Како што информираше Ангелов, Дирекцијата за заштита и спасување итно извршила мобилизација на тимот за спасување на планина од Тетово и истиот веднаш бил упатен во пребарување на теренот.
Во 18.40 двете девојки од Португалија беа пронајдени и однесени до ресторанот Матка каде ги пречека Конзулот на Република Португалија, додава Ангелов.
Македонија
Дел од Ѓорче Петров утре без струја

Од ЕВН Македонија АД известуваат дека утре без електрична енергија ќе останат:
– во периодот од 09.00 до 15.00 часот, корисниците од улиците Веле Марков, Ибе Паликуќа, Воин Драшковиќ, Рафаел Батино. (општина Ѓорче Петров)
Македонија
Меџити прими жители од Страчинце: Анализите на експертите јасно покажаа дека отворањето на каменоломот ќе има сериозни последици врз животната средина

Првиот заменик-претседател на Владата и министер за животна средина и просторно планирање, Изет Меџити, денес ги прими во својот кабинет жителите од селото Страчинце, со кои одржа отворен состанок за одлуката за одбивање на барањето за отворање на каменолом во оваа скопско село.
Министерот Меџити ги информираше жителите за професионалните и институционалните причини што доведоа до оваа одлука. Анализите на експертите јасно покажаа дека отворањето на каменоломот ќе има сериозни последици врз животната средина, ризик од поплави и негативно влијание врз јавното здравје, велат од Министерството.
На состанокот беше истакнато дека приоритет е заштитата на животот и благосостојбата на граѓаните над секој економски интерес.
Меџити истакна дека следниот чекор е конечно поништување на концесијата во Влада, со што ова прашање ќе добие трајно решение.
Жителите на Страчинце се заблагодарија за одлуката и за приемот што го оствари министерот Меџити, нагласувајќи дека овој состанок е пример за владеење со отворен дијалог и чесна соработка со граѓаните.