Македонија
Царовска во Крива Паланка и Радовиш: Ги зголемивме пензиите 700 денари, а платите растат

Потпретседателката на СДСМ, Мила Царовска, вечерва се сретна со граѓаните на Крива Паланка и Ранковци. Тема на разговор беа мерките што Владата предводена од СДСМ ги спроведува во интерес на граѓаните и следните предизвици.
„Навистина сум среќна што од идната недела секој пензионер во државата ќе добие зголемена пензија од 700 денари. Ова зголемување ќе влезе во основицата на пензијата и ќе се исплаќа секој месец, што значи дека за една година пензионерите ќе добијат дополнителни приближно 9.000 денари на своите сметки“, рече Царовска.
Царовска истакна дека изминатиот период силно се работеше на намалување на сиромаштијата. Со имплементацијата на социјалната реформа помошта кон најранливите е зголемена во просек 300 отсто.
„За две и пол години минималната плата е зголемена 60 отсто и сега изнесува 14.500 денари. Имаме постојан раст на просечната плата, а со мерките за субвенционирање на придонесите 20.000 компании во декември им ја зголемиле платата на 106.000 работници. Со неколку законски измени материјално обезбедивме 12.000 стечајци до пензионирање. Продолжувам понатаму со посветена работа. Продолжуваме да ја движиме економијата напред“, рече Царовска.
Потпретседателката Царовска истакна дека Крива Паланка и Ранковце инфраструктурно се зајакнуваат со изградба на нови капитални објекти и патишта што се во интерес на граѓаните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Вреди“ за кандидатурата на Алиу: На здравството му е неопходна дигитализација а предизвикот може да се заврши само со него

„Нашата кандидатура за министер за здравство е Азир Алиу, докажан професионалец и визионер во областа на технологијата и современата организација на здравствените услуги“, го појаснуваат од „Вреди“ новиот предлог на Алиу.
Азир Алиу, истакнуваат од таму, доаѓа со современ и неопходен пристап за времето во кое живееме.
Нагласуваат дека негов приоритет како министер ќе биде целосна дигитализација на здравствениот систем, гарантирајќи транспарентност, ефикасност и лесен пристап за сите граѓани.
„Сега е време за модерна, ефикасна и дигитализирана здравствена заштита, а со овој тим тоа ќе се постигне.
Нагласуваме дека Алијансата за Албанците останува дел од „Вреди“, а нашата соработка е посилна, постабилна и појасна од кога било досега. „Вреди“ се движи обединето кон заеднички цели: достоинствено претставување, вистински реформи и опипливи промени за граѓаните“.
Како што потенцираат со ваквата одлука, се прави конкретен чекор кон модерна здравствена заштита во служба на пациентот.
Македонија
(Видео) Тренчевска за изборот на Славески: Партиски послушник кој барањето за повисоки плати го нарекуваше „фолклор“

Пратеничката од СДСМ, Јована Тренчевска, на седница во Собранието реагираше на предлогот за избор на Трајко Славески за гувернер на Народната банка, оценувајќи дека станува збор за партиски послушник на ВМРО-ДПМНЕ и несоодветен избор за ваква значајна функција.
„Наместо независна и непартиска личност, за гувернер на Народната банка се предлага партиски војник, долгогодишен истакнат член и функционер на ВМРО-ДПМНЕ, во моментов член на Извршниот комитет на партијата. Овој предлог сериозно го доведува во прашање принципот на независност на институциите и создава сомнежи за политичко влијание врз клучните економски процеси во земјата“, рече Тренчевска.
Таа потсети дека Народната банка досега беше водена од гувернерка, непартиска личност со неспорен углед, Анита Ангеловска-Бежоска, првата жена на таа функција, која, како што рече, седум години ја извршуваше должноста без ниту една дамка во својата работа. Според Тренчевска, со предлогот Славески да биде гувернер, власта ја партизира и последната институција што ја водеше независен експерт.
„Што знаеме за Славески како политичар и функционер? За неговото име се врзани скапото задолжување на државата во 2009 година, за време на неговиот мандат како министер за финансии, кога беше издадена еврообврзница во вредност од 175 милиони евра со највисока досега каматна стапка — 9,87%. Во време на светската економска криза во 2008 година, наместо силни антикризни мерки — владата продолжи со скапи проекти, не понуди доволна поддршка на граѓаните, бизнисот и работниците. Даночната политика на Славески беше во корист на побогатите, воведувајќи го рамниот данок од 10.
Трајко Славески, член на Извршниот комитет на ВМРО-ДПМНЕ и претседател на Советот на Град Скопје од редовите на ВМРО-ДПМНЕ, беше најгласниот противник на зголемување на минималната плата. Славески го нарекуваше барањето за повисоки плати „фолклор“, а зголемувањето на минималецот го сметаше за економски крах“, посочи Тренчевска.
Таа се осврна и на неговите, како што рече, дискриминаторски ставови и објави на социјалните мрежи, кон Ромите и кон странските работници. А како претседател на Советот на Град Скопје, според неа, ќе остане запаметен како „лицето што го уништи градот, човекот што прави театар од седниците, свесно го блокираше функционирањето на градот, како човекот што ги водеше битките на ВМРО-ДПМНЕ со Арсовска откако им пропаднаа бизнис-зделките, и по изјавите со кои ги оправдува едностраните трошоци за скапи авионски билети во бизнис класа, додворувајќи се очигледно на премиерот, за да може да биде поставен на функцијата гувернер“, рече Тренчевска.
Македонија
Водовод – Скопје најави стратешка и технички сложена интервенција за унапредување на водоснабдителниот систем

ЈП Водовод и Канализација – Скопје информира дека ќе реализира стратешка и технички сложена интервенција која претставува клучен чекор во насока на унапредување на водоснабдителниот систем на градот.
„АДКОМ-Здружение на даватели на комунални услуги на Република Северна Македонија со особена гордост ги следи активностите на своите членки кои, преку вакви комплексни и визионерски зафати, го подигнуваат квалитетот и сигурноста на јавните услуги за сите граѓани. Монтажата на игличест регулационен вентил и поврзувањето на магистралните цевководи се дел од оперативен план со јасна цел: суштински придобивки за целиот систем и сите граѓани – прецизна регулација на притисокот, подобрен проток, намалени загуби на вода и можност за пофлексибилно справување со идни предизвици во мрежата“, се наведува во соопштението.
Ваквите потфати, велат од АДКОМ, кои бараат прецизност, координација и техничка подготвеност, се резултат на долгогодишна посветеност и експертиза.
„ЈП Водовод уште еднаш потврдува дека е лидер во секторот, со капацитет да спроведе активности од највисок степен на одговорност и значење за граѓаните. Проектот подразбира вклучување на голем број стручни тимови и механизација, и се реализира со максимална подготвеност за да се заврши ефикасно и во најкраток можен рок. Оваа активност е дел од поширокиот процес на модернизација на водоснабдителната мрежа – инвестиција во сигурноста, одржливоста и квалитетот на услугите што секојдневно ги користиме“, велат од Водовод.