Македонија
Царовска го посети Дневниот центар за Даунов синдром во Скопје

Министерката за труд и социјална политика, Мила Царовска, Софи Беамонт, преставничка на Делегацијата на ЕУ во Скопје, и Роберт Кроис, тим лидер на проектот, денеска во Дневниот центар за Даунов синдром во Скопје со симболичен настан го означија стартот на проектот „Поддршка за модернизација и деинституционализација на социјалните услуги“. Проектот е финасиран од Делагацијата на ЕУ во Скопје, а го спроведува „Ептиса“.
Целта е преку проектот да се обезбеди поддршка на процесот на одржлива деинституционализација и децентрализација во социјалните услуги преку воспоставување социјални услуги базирани во заедницата низ целата земја, подобрување на лицата со попреченост кои живеат во пошироката заедница и независно живеење.
Министерката за труд и социјална политика, Мила Царовска, истакна дека со актуелниот усвоен Закон за социјална заштита повеќе не постои правна пречка со што се отвортаат можности за лицата со попреченост да го збогатат својот живот.
„Признавањето на правото да живеат во заедницата, да им се овозможи на луѓето да го живеат својот живот во целост во општеството и да пристапат до јавната сфера е предуслов секој да ги ужива своите човекови права, во домот и меѓу заедницата. Затоа ние како влада посветено изминатите две години работиме на развој на сервиси на локално ниво, кои ќе им го олеснат животот на лицата со попреченост, но и ќе придонесат за нивна поголема видливост и инклузија во општеството“, изјави Царовска.
Софи Беамонт, претставничка на Делегацијата на Европската Унија во Скопје, изјави дека ЕУ многу ја поздравува посветеноста на министерката Царовска за деинституционализација и унапредување на услугите засновани во заедницата.
„Преку овој проект финансиран од ЕУ ‘Поддршка за социјални услуги засновани во заедницата и деинституционализација’, заедно со други мерки финансирани од ИПА II во овој сектор, ЕУ активно го поддржува Министерството за труд и социјална политика и работи со општините и акредитирани даватели на услуги на социјална услуги, како и со клучни развојни партнери за да донесе позитивна промена на локално ниво“, рече Беамонт.
Роберт Кроис, тим лидер на проектот, вели дека проектот ќе трае 2,5 години, а неговата цел е да помогне во децентрализацијата на социјалните услуги. „Проектот ќе се осврне на одржливо и координирано делување на Министерството и нејзините институции, активно вклучени во процесот на деинституционализација, децентрализација и плурализам, преку конкретни мерки и континуиран развој на алтернативни услуги засновани во заедницата во општините во Република Северна Македонија “, изјави Роберт Кроис, тим лидер на проектот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Има предлог за средба со Бугарија, треба Софија да се изјасни, рече Мицкоски

Премиерот Христијан Мицкоски денеска информираше дека е во тек комуникација со Канцеларијата на Европската комисија во земјава околу иницијативата за средба со бугарската страна, и дека веќе постои предлог-термин, за кој сè уште се чека потврда од официјална Софија.
„Имаме комуникација со канцеларијата на Европската комисија и вчера и денес, се уште немам повратен одговор. Има предлог термин, да почекаме да се изјаснат од бугарската страна“, рече Мицкоски на новинарско прашање дали стапил во контакт со претседателот на Советот на ЕУ Антонио Кошта и дали Бугарија ќе прифати ваква средба.
Паралелно со ова, претседателката Гордана Сиљановска Давкова вчера изјави дека иако вообичаено се одржуваат средби со хомолозите, таа нема проблем да разговара и со бугарскиот премиер Росен Жељазков на претстојниот Самит на НАТО во Хаг. Таа појасни дека нејзиниот бугарски колега, претседателот Румен Радев, нема да присуствува на Самитот, што отвора можност за разговор со Жељазков во насока на деблокирање на евроинтеграциите на Македонија.
„Јас за евентуална средба разговарав со господинот Антонио Кошта, негов беше предлогот. Во меѓувреме, јас не знам, ќе бидам таму ако ми е мене редот. Инаку, се знае, ред е да се разговара со хомологот, но еве нема проблем, меѓутоа не зависи од мене туку зависи од нашите соседи“, рече Сиљановска Давкова.
Македонија
ВМРО-ДПМНЕ: СДСМ грубо ја злоупотребува трагедијата во Кочани за политички поени

ВМРО-ДПМНЕ денеска реагираше на обвинувањата од страна на СДСМ во врска со истрагата за трагичниот пожар во Кочани, при што загинаа деца, обвинувајќи ја партијата дека прави „груба злоупотреба“ на трагедијата со цел собирање политички поени.
„СДС прави груба злоупотреба на трагедијата во Кочани со цел да добие политички поен плус. Обвинувањата на СДС дека институциите постапуваат под притисок на опозицијата се безочна лага,“ велат од ВМРО-ДПМНЕ во писмената реакција.
Од партијата нагласуваат дека институциите сега постапуваат професионално и неселективно, и дека во истрагата се опфатени над 60 лица, меѓу кои актуелни и поранешни функционери, градоначалници, бизнисмени, вработени во институции и членови на Министерството за внатрешни работи, а дел од нив се веќе во притвор.
„МВР и институциите на системот ги доставија сите потребни докази и информации до Јавното обвинителство уште пред еден месец. Обемната документација, со над 60 опфатени лица, е доказ за темелна и сеопфатна постапка“, стои во соопштението.
Од ВМРО-ДПМНЕ посочуваат дека постапувањето на институциите денес е спротивно на тоа што, според нив, се случувало во минатото за време на владеењето на СДСМ и Оливер Спасовски.
„Сега има одговорност за секој, без разлика кој е и од каде е. За разлика од МВР под Спасовски, каде што никој не одговараше за модуларната болница, Беса Транс или Ласкарци – случаи каде што имаше голем број жртви“, додаваат од ВМРО-ДПМНЕ.
Скопје
Арсовска: Претседателката на „Комунална“ е осудена за убиство и 3 години саботира нова опрема

Градоначалничката на Скопје, Данела Арсовска, денеска остро ја обвини Јулијана Спировска, претседателка на Управниот одбор на ЈП „Комунална хигиена“, дека ја саботира работата на претпријатието и со години опструира одлуки од витално значење за функционирањето на службите за одржување на јавната чистота.
Во своја објава на Фејсбук, Арсовска посочи дека Спировска е осудено лице за кривично дело убиство и дека, како што тврди, три години не поддржала ниту една инвестиција за нова механизација, ниту решенија за вработување на работниците кои со години работат на терен.
„Јулијана е осуден криминалец со казна затвор за убиство. Таа три години не гласа за нови камиони, за инвестициска програма, за вработените кои пет години ги чистат улиците да можат да земат решение“, напиша Арсовска.
Според неа, Спировска делува под директива на политичките партии ВМРО-ДПМНЕ и Вреди, чиј што кадар е поставен во Управниот одбор преку Советот на Градот. Арсовска директно ги обвинува овие партии дека преку Спировска ја саботираат работата на претпријатието и придонесуваат за влошување на состојбата со отпадот во Скопје.
„Јулијана по наредба на ВМРО континуирано прави опструкции додека градот не се удави во смет. Не биди ѓубре, не биди криминалец, не биди Јулијана“, додаде Арсовска.
Таа истакна дека вработените во „Комунална хигиена“ се едни од највредните работници во градот и дека заслужуваат институционална поддршка, а не, како што вели, саботажа од партиски кадри.