Македонија
Царовска се сретна со негувателките и персоналните асистенти

Носителката на листа на пратеници во ИE 1 и потпретседателка на СДСМ, Мила Царовска, вечерва се сретна со негувателките од „Хуманост” и персоналните асистенти на лицата со попреченост ангажирани преку Црвениот крст.
На средбата Царовска разговараше за социјалната реформа со којашто се воведоа персонални асистенти и нега во домашни услови, но и за следните активности со кои е предвидено отворање и развој на социјални сервиси на локално ниво.
Царовска на средбата истакна дека изминатиот период како одговорна влада којашто се грижи за сите граѓани подеднакво е направено многу за лицата со попреченост коишто ја добија потребната помош и поддршка значајна за поголема инклузија во општеството. На состанокот се зборуваше и за можноста негувателките за нега во домот да се лиценцираат исто како и персоналните асистенти, за што трошокот за обуките и испитите ќе биде покриен од државата.
На ниво на држава во моментот 153 лица со попреченост користат услуга од персоналните асистенти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Герасимовски: Поставени шест куќи засолништа за бездомни животни во Паркот на франкофонијата

Општина Центар доби шест куќички-засолништа за бездомни животни како донација од Амбасадата на САД. Куќичките, изработени од локални архитекти, се поставени во Паркот на Франкофонијата во рамки на проектот „Унапредување на благосостојбата на животните преку волонтерство“, соопштија од општината.
Проектот, како што велат, има за цел подобрување на условите за бездомните животни и поттикнување на инклузивноста во јавните простори.
Градоначалникот на Општина Центар, Горан Герасимовски вели дека ова е пример за вистинска соработка помеѓу граѓанскиот сектор, меѓународната заедница и локалната самоуправа.
„Благодарни сме на Амбасадата на САД за поддршката, како и на организацијата Хумани градови за иницијативата и за тоа што ја препознаа Општина Центар како партнер за реализација на овој хуман проект. Оваа донација е поттик и обврска да продолжиме со политики што ја промовираат грижата за животната средина и за сите живи суштества што делат простор со нас”, рече Герасимовски.
Со поставувањето на засолништата, според него, Паркот на Франкофонијата добива нова, хумана димензија, простор за заштита на животните и пример за одговорно и инклузивно уредување на јавните површини.
Македонија
Утре, без вода делови од Ѓорче Петров

Од ЈП Водовод и Канализација известуваaт дека утре ( среда ) поради промена на затварач од ф – 250 мм во пумпна станица Волково, во периодот од 09.00 часот па се до завршување на работата без вода ќе останат корисниците од населбите Ново Село, Даме Груев, Стопански Двор и Волково. ( општина Ѓорче Петров )
Македонија
Бесплатни униформи, ранци и прибор за учениците, во тек е целосна дезинфекција на училиштата во Центар

Градоначалникот на Општина Центар, Горан Герасимовски, денеска одржа работен состанок со директорите на сите општински основни училишта по повод започнувањето на новата учебна година. На состанокот се разгледуваа финалните подготовки за првиот училишен ден.
Во сите училишта во тек се активности за темелно чистење, а во наредните денови ќе се спроведе и задолжителна дезинфекција, дезинсекција и дератизација, со цел обезбедување на безбедни и хигиенски услови за учениците и наставниот кадар.
За прв пат оваа година, Општина Центар обезбеди бесплатни униформи за сите ученици во општинските основни училишта. Носењето на униформите ќе биде задолжително за сите ученици.
Дополнително, трета година по ред, сите првачиња ќе добијат бесплатни ранци и училишен прибор, како дел од заложбата на општината за поддршка на учениците и нивните семејства.
„Вложуваме во образованието, вложуваме во нашата иднина. Сакаме да им овозможиме на децата еднакви услови за учење и да покажеме дека образованието е еден од нашите највисоки приоритети,“ истакна градоначалникот Горан Герасимовски.