Македонија
ЦУК: Вчера имаше вкупно 19 пожари на отворено и сите се изгаснати до утрово
Центарот за управување со кризи информира дека до утрово имало 19 пожари на отворено и сите се изгаснати од страна на територијалните противпожарни единици во државата.
Регионалниот ЦУК Скопје ја пренесува информацијата од БППЗ на Град Скопје дека во текот на изминатото деноноќие имале две противпожарни интервенции на отворено: од 15.10 до 16.10 часот, со пет пожарникари и две противпожарни возила гаснеле запаленa ниска вегетација на површина од 5 хектари во атарот на селото Моране, општина Студеничани; од 20.20 до 21.55 часот, 3 пожарникари со едно возило гаснеле запалено стрниште на површина од три хектари во атарот на селото Брњарци, општина Гази Баба.
Регионалниот ЦУК Битола известува дека на територијата што ја покрива имало два пожара од 7 часот и во текот на целиот ден ТППЕ „Демир Хисар“, со еден пожарникар и едно возило, како и тројца вработени во ЈКП „Комуналец“ – Демир Хисар, со градежна машина интервенирале поради запален отпад на градската депонија во Демир Хисар.
Регионалниот ЦУК – Штип известува дека од ТППЕ „Штип“ интервенирале двапати: од 19.45 до 21.40 часот, со 3 пожарникари и едно возило гаснеле запалено стрниште помеѓу селата Долни Балван и Крупиште. Пожарот за кратко се реактивирал по што на интервенција заминале со 6 пожарникари и две возила, кои го изгаснале во 1.15 часот. Опожарена е поголема површина на ниска вегетација, стрниште и нива насадена со пченка.
Регионалниот ЦУК – Куманово известува дека ТППЕ „Куманово“ во текот на изминатото деноноќие имала седум интервенции поради запалени стрништа и ниска вегетација, и тоа: од 12.25 до 13.35 часот, во атарот на селото Речица; од 13.30 до 14.15 часот, кај месноста Менкова Колиба; од 16.45 до 20.50 часот, во село Никуштак; од 18.20 до 22.40 часот, кај местото наречено Пироќански Лозја; од 18.35 до 21.50 часот до Спомен-костурницата; од 20.50 до 00.40 часот кај селата Слупчане и Опае и од 6.40 до 8.30 часот во селото Ваксинце. Во сите случаи интервенирале со 3 пожарникари и едно возило.
Инаку, ТППЕ „Старо Нагоричане“, со двајца пожарникари и едно возило, од 19.40 до 22.40 часот гаснеле опожарена куќа во село Руѓинце, село од разбиен тип населби.
Регионалниот ЦУК – Тетово известува дека ТППЕ „Тетово“ во текот на изминатото деноноќие на територијата што ја покрива имало пет противпожарни интервенции: од 9.15 до 10.45 часот, со 3 пожарникари и едно возило. гаснеле запалена ниска вегетација во село Палчиште; од 11.17 до 11.50 часот, со двајца пожарникари и едно возило. гаснеле запалена ниска вегетација до комплексот „Арабати баба-теќе“; од 12.45 до 13.05 часот, со 3 пожарникари и едно возило, изнервирале поради пожар во стан на улицата Иво Лола Рибар; од 16.11 до 17 часот, со двајца пожарникари и едно возило, гаснеле запалена меѓа помеѓу селата Фалише и Стримница; од 19.30 до 21 часот, со 3 пожарникари и едно возило, гаснеле запалени грмушки и ниска вегетација кај село Горно Палчиште.
ТППЕ „Гостивар“, од 11.30 до 12.30 часот, со тројца пожарникари и едно возило, гаснеле запалена ниска вегетација помеѓу селата Чајле и Форино.
Инаку, пожарникарите на целата територија на државата, паралелно со интервенциите на пожари на отворено, имале и повеќе интервенции на објекти во населени и урбани места, додаваат од ЦУК.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Учениците од училиштата во близина на Трубарево една недела ќе следат настава онлајн, кажа Алиу
Министерот за здравство, Азир Алиу, изјави дека основните училишта што се наоѓаат во непосредна близина на местото на пожарот во Трубарево ќе преминат на онлајн настава во траење од една недела.
За точката ќе се дискутира на денешната владина седница.
Мерката е препорачана со цел заштита на учениците и наставниот кадар од можни здравствени ризици по горењето на електронски отпад и пластика, а се работи за најблиските четири училлишта во околината.
Алиу појасни дека во реално време се следи квалитетот на воздухот преку повеќе мерни станици и дека бројките засега не покажуваат потреба за дополнителни ограничувања, иако на терен се чувствува миризба од чадот.
Македонија
ИЈЗ: Нема радиоактивни отстапувања по пожарот во Трубарево, граѓаните да ги почитуваат препораките
По пожарот во Трубарево, каде што гореше складиште за електронски отпад, директорката на Институтот за јавно здравје, Марија Андоновска, изјави дека ова е ситуација со која државата за првпат се соочува и повика таа да не се политизира и да не се создава паника.
Андоновска нагласи дека сите институции работат во рамките на своите надлежности и се координираат меѓусебно. Таа истакна дека Институтот издал општи препораки во согласност со меѓународните стандарди и дека нивното почитување, особено од страна на ранливите групи, може да помогне да нема здравствени последици.
„Како Институт сме обврзани да вршиме мониторинг на радијацијата и располагаме со современа опрема. Имаме 12 мерни станици кои во секунда покажуваат дали има отстапувања. Во моментов нема никакви отстапувања што се однесува до радиоактивност во воздухот“, изјави Андоновска.
Таа додаде дека ќе се вршат проверки и на почвата и водата, како и на алтернативните извори на вода што ги користат граѓаните. Појасни дека мерењето на квалитетот на воздухот не е во рамки на ИЈЗ, туку тие се задолжени за радиоактивност во воздухот и физички и хемиски својства во почвата и водата, а во тој дел нема отстапувања.
Апелира граѓаните внимателно да ги следат веќе дадените препораки.
Македонија
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за електронски отпад каде избувна пожарот. Министерот за здравство, Азир Алиу, информира дека таа е задржана поради симптоми на вртоглавица и кашлица, но е надвор од животна опасност и се очекува наскоро да биде пуштена на домашно лекување.
Според Алиу, останатите три лица кои побарале лекарска помош – припадник на Армијата, директорот на Центарот за управување со кризи Мухамед Али и еден полициски службеник – веќе се пуштени на домашно лекување.
Министерот истакна дека Министерството за здравство уште вчера формирало кризен штаб кој ја следи состојбата, а Институтот за јавно здравје изготвил препораки кои и денеска остануваат во сила.
Алиу апелираше сите граѓани кои чувствуваат симптоми како вртоглавица или кашлица да побараат лекарска помош.
Учениците од училиштата во близина на Трубарево една недела ќе следат настава онлајн, кажа Алиу
Министерот за здравство, Азир Алиу, изјави дека основните училишта што се наоѓаат во непосредна близина на местото на пожарот во...
На Клиника задржана жителка на Трубарево, лекарска помош побарале и директорот на ЦУК, војник и полицаец
Во моментот на Клиниката за токсикологија е хоспитализирана една жителка на Трубарево, која живее во непосредна близина на магацинот за...
Анализа на вода, ограничување на ученици и мерење на загадувањето – Министерството за животна средина по пожарот во Трубарево
Министерството за животна средина и просторно планирање, во соработка со Институтот за јавно здравје, Кризниот штаб на Владата и Државниот...
Денес ќе бидат објавени резултатите од мерењата на воздухот, кажа Меџити прашан кога ќе се знае што дише населението
Министерот за животна средина и вицепремиер, Изет Меџити, на прес-конференција во Владата информира дека за следење на состојбата со воздухот...
Четворица повредени во пожарот во Трубарево – се чекаат детали од Министерството за здравство
Четири лица се здобиле со повреди во пожарот што вчера избувна во компанијата „Ф-Групација“ во Трубарево, која се занимава со...
Обвинителство чешла документи, Армијата мери токсини по пожарот во Трубарево, се чека и на резултатите од министерството на Меџити
Во врска со големиот пожар што зафати магацински објекти во селото Трубарево, Основното јавно обвинителство Скопје соопшти дека презеле дејствија...
МВР трага по лице кое се обидело да запали „ауди“ и „јагуар“ во Куманово, ги испрскало возилата со бензин, но кога го виделе побегнал
Маж од Долно Којнаре, кумановско, пријавил дека во неговиот двор едно лице со бензин ги испрскало возилата „јагуар” и „ауди”...
(Видео) Се’ уште чади во Трубарево преку песокот со којшто е затрупан отпадот, спречено е ширење на пожарот
Благодарение на брзата и координирана акција на скопските пожарникари, спречено е ширење на големиот пожар што вчера избувна во Трубарево,...
Како ќе реагира Европа на ултиматумот на Трамп
Американскиот претседател Доналд Трамп упати ултиматум до сојузниците во НАТО, барајќи воведување „големи“ санкции кон Русија и целосен прекин на...
Меџити доцна синоќа се огласи за Трубарево: фирмата има дозвола за работа, резултатите од мерењата се очекуваат
Министерот за животна средина и просторно планирање, Изет Меџити, доцна синоќа се јави од Трубарево, каде што вчера избувна голем...
Тошковски: Жителите во непосредна близина на пожарот да ги напуштат живеалиштата поради штетните супстанци, радијација нема
Локализиран е пожарот кој избувна во складиштето за електроника во Трубарево, пришто опожарена е и пластика. Министерот Панче Тошковски вечерва...
Движењето „Стоп за Вардариште“ во понеделник наутро ќе го блокира мостот „Близнаци“
Движењето „Стоп за Вардариште“ ја информира јавноста дека на ден 15.09.2025, понеделник, покрај протестот во 18:00 часот, ќе се одржи...
Електронскиот отпад што гори во Трубарево ќе се гасне со песок
Електронскиот отпад што гори во Трубарево ќе се гасне со песок, информира директорот на Дирекцијата за заштита и спасување, Стојанче...
ИЈЗ објави препораки: Ако сте во непосредна близина на пожар останете дома и затворете ги прозорците
Институтот за јавно здравје, во насока на заштита на здравјето и благосостојбата на сите граѓани, соопшти дека во случај да...
Опасен отпад гори во Трубарево, нема насоки од властите за заштита од чадот
Во Трубарево горат електронски отпад и пластика, во делови од главниот град се чувствува силна миризба, а засега нема предупредувања...
Во Трубарево гори и пластичен отпад, Ангелов рече дека пожарот е подметнат и нема повредени лица
Директорот на Дирекцијата за заштита и спасување, Стојанче Ангелов, изјави дека големиот пожар кој денеска избувна во фабриката „Ф –...
(Видео) Драматични снимки од пожарот во Трубарево кадешто горат објекти за складирање на електронски отпад
Сериозен е пожарот што избувна во Трубарево и ги зафати објектите на Ф – ГРУПАЦИЈАТА која се занимава со електронски отпад....
(Видео) Ангелов: Се затрупува изворот на чад во Дрисла, термални камери и патроли во Вардариште, нов пожар избувна во Трубарево
Директорот на Дирекцијата за заштита и спасување, Стојанче Ангелов, денеска информираше за повеќе паралелни интервенции поврзани со пожари на скопските...
(Видео) Гори фабрика во Трубарево, црн чад се издигна над Скопје
Голем црн чад се издигна над главниот град, алармираат граѓаните од повеќе скопски населби. Директорот на Дирекцијата за заштита и...
ВМРО-ДПМНЕ со готови листи за советници и кандидати за градоначалници
ВМРО-ДПМНЕ објави дека целосно ги комплетирала листите за советници и кандидати за градоначалници за претстојните локални избори. Генералниот секретар на...
