Македонија
ЦУК: Има активни 13 пожари

Центарот за управување со кризи информира дека има активни 13 пожари, од вкупно 28-те пожари на отворено во последното деноноќие, што се во општините:
– Општина Чашка с.Јаболчишта и с.Дреново врв Лисец (високостеблеста вегетација)
-Општина Велес кај с. Калањево (нискостеблеста шума)
-Општина Росоман кај с.Сирково и с. Подлест (нискостеблеста шума и ниска вегетација)
– Општина Студеничани место викано Бегово Поле (ниска вегетација и шума);
– Општина Штип помеѓу селата Драгоево и Селце, с.Пухче и с. Пиперово (ниска вегетација и грмушки )
-Општина Чашка кај с.Габровник префрлен пожар од с.Слепче, (мешана шума и ниска вегетација)
-Општина Македонски Брод с. Слатина , кај Грешница (нискостеблеста шума, ниска вегетација)
-Општина Проби Штип кај с.Гајринци(нискостеблеска и висока трева)
-Општина Чашка, кај с.Подлес (ниска стеблеста,деградиране шума и ниска вегетација)
-Општина Битола кај м.в Смолево (ниска вегетација и шума)
-Општина Прилеп, с.Небрегово(ниска вегетација и шума)
-Општина Долнени с. Небрегово (Нискостеблеста шума) удар од гром
-Општина Штип, кај Пепелиште(ниска вегетаицја)
Пожари под контрола
Вкупно 4
– Општина Долнени с. Слепче и с.Гостиражни (ниска вегетација и дабова шума)
– Општина Делчево (градска депонија)
– Општина Македонски Брод : с.Девич (дабова шума)
– Општина Радовиш ,с. Штурово ( мешовита шума)
Пожари локализирани
Вкупно 2
-Општина Василево : помеѓу селата с.Вељуса и Ангелци (ниска вегетација)
-Општина Конче: с Горни и Долни Липовиќ (нискостеблеста шума)
Изгаснатии пожари
Вкупно 9
– Општина Росоман 2 пожари:с.Трстеник, с.Манастирец (ниска вегетација)
– Општина Ново Село: с.Бадилен (дабова шума и борова шума)
– Општина Зелениково: с.Вражале (ниска вегетација и шума)
– Општина Виница: Ромско маало (ниска вегетација)
– Општина Струга 2 пожари; с.Татеш(стрниште) и с.Велешта(стрниште).
– Општина Струмица; Клучката кон с.Попчево на регионалниот пат Струмица –Валандово(ниска вегетација и капини)
– Општина Битола: Гермаски гробишта нас.Баир (Ниска вегетација и шума);
– Општина Чашка: 2 пожари меѓу с.Јаболчиште и с.Раштани (ниска вегетација)
– Општина Прилеп 3 пожари: кругот на ,, Црн Бор ” и,, Бин- Фут” (ниска вегетација) м.в „Расомбегово“ (ниска вегетација), с.Кошино (ниска вегетација и шума)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Марш на ангелите во Кочани: Ако нема правда за ангелите, за нивните родители и семејства, нема да има за никој

Правда мора да има, ако не ќе поставиме шатори пред судот и полицијата и нема да дозволиме никој да влегува. Ако нема правда за ангелите, за нивните родители и семејства, нема да има за никој. Ова го порача поддржувач на родителите чии деца загинаа на 16 март во дискотеката „Пулс“ во Кочани.
Тој од својата инвалидска количка го предводеше осумнаесетиот марш на ангелите. Зборувајќи пред Основниот суд во Кочани, ја обвини полицијата дека дваесет минути на влезот во градот, кај ресторанот „Национал“, држела луѓе од други општини затоа што доаѓале да ги подржат кочанчани.
– Без никакво образложение легитимирале, претресувале. И порачувам на цела Влада – помеѓу тие луѓе нема ниту еден терорист, ниту еден нарко дилер, ниту еден криминалец. Тоа се луѓе со душа и срце. Зошто се прави таков притисок, се обидувате ли нешто да скриете. Истрагата „терајте“ ја како што треба. Родителите на починатите веќе немат солзи во очите, изјави поддржувачот на родителите.
Осумнаесетиот марш на ангелите вечерва се одвиваше по истата маршрута како и претходно: Парк на Револуцијата, кафуле „Класик“, Општина, УЈП, полиција, суд, со тоа што вечерва немаше свирежи пред споменатите институции.
Родителите беа доста тивки. Сестра на починато момче во пожарот во „Пулс“ само потсети дека денеска, 16 август, навршија пет месеци откако на 16 март 62 лица ги загубија своите животи.
Македонија
Пожарот што зафати дел над селото Лојане, Општина Липково, во голем дел е локализиран и изгаснат

Пожарот што зафати дел над селото Лојане, Општина Липково, во голем дел е локализиран и изгаснат. Селото е целосно заштитено, а интензитетот на горењето во појасот на боровата шума значително е намален, информира вечерва директорот на Центарот за управување со кризи (ЦУК) Мухамед Али.
Со отворањето на патот за пристап, како што наведува, се овозможи пешадиско дејствување на екипите на „Национални шуми“, што значително придонесе кон ограничување на ширењето на огнот.
– Во акцијата беа ангажирани хеликоптер Бел-412 на МВР, две екипи на Територијалната противпожарна единица Куманово со соодветни противпожарни возила, како и екипи на „Национални шуми“ – Подружница Куманово со специјализирани возила за шумски пожари. Активно учество зема и месното население, чија помош беше од големо значење. Како директор на Центарот за управување со кризи, лично ги координирав активностите на терен, осигурувајќи соработка меѓу институциите и брза реакција за заштита на животите и имотот на граѓаните. Благодарност до сите учесници за професионалниот ангажман и посветеност, нагласи Али.
ЦУК соопшти дека вечерва до 18:00 часот на територијата на цела држава има вкупно 19 пожари на отворен простор, од кои четири се активни, а 15 се изгаснати. Освен пожарот во селата Лојане и Табановце, активни пожари има и во повеќенаменското подрачје „Јасен“, во општина Јегуновце, меѓу селата Рогачево, Јажинце, Долно Орешје, каде се зафатени пасишта и мешана шума и во кумановското село Черкези.
Македонија
На Табановце се чека 40 минути

Зголемена е фреквенцијата на возила во земјава. На граничниот премин „Табановце времето на чекање за излез е околу 40 минути, додека на останатите гранични премини од македонска страна нема подолги задржувања при влез или излез од државата.
Како што информира АМСМ, сообраќајот на државните патишта се одвива непречено, по суви коловози, а интензитетот на патиштата надвор од градските средини е зголемен.
Се препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.