Македонија
ЦУК: Најмалку 45 пожари на отворено, од коишто три сѐ уште се водат активни

Центарот за управување со кризи информира дека во последното деноноќие имало вкупно 2.147 повици на Единствениот број за итни случаи 112, од коишто „реални“ повици биле 44,76%, а 55,24% биле за други потреби на граѓаните што не биле итни.
Кон Полиција биле упатени 54,65%, кон Итната медицинска помош 28,73%, а кон пожарникарите 15,77% од реалните повици кон 112 во ЦУК. Збирот повици што биле за комбинирано решавање од „реалните“ повици во ЦУК, 0,85% со другите 53,02% што се именувани како „неитни повици“, биле вкупно 1.189 на број и биле предмет на примање, селективна обработка во ЦУК, а и на директно координирање за нивно решавање со други институции од Системот за управување со кризи, согласно природата на пријавените итни случаи.
ЦУК информира дека пожари на шуми и на вегетација на отворено, во последното деноноќие имало над 40 регистрирани по пријава. Пожарникарите гаснеле и отпадоци, ѓубришта и запалени контејнери на отворено на територијата на државата.
ЦУК информира дека од евидентираните 45 пожари на отворено во последното деноноќие, три се уште се водат како активни утрово.
Регионалниот ЦУК Скопје, известува дека пожарот кај село Виниче Општина Гази Баба, што започна на ден седми февруари се уште е активен. Утрово нема информација за тоа дали некој интервенира на истиот, велат од ЦУК.
Регионалниот ЦУК Штип, информира дека пожарникарите од ТППЕ Пробиштип во во атарот на село Јамиште (што започна на ден 06.02.2024 година, (кој беше локализиран околу 18:00 часот на ден 07.02.2024 година) вчера околу 13:30 часот (08.02.2023 година), повторно бил активиран и истиот се ширел кон територијата на Општина Кратово. Ситуацијата со пожарот се следела од страна на ТППЕ Пробиштип и ЈП „Национални шуми“ – подружница „Пробиштип“, како и од страна на ТППЕ Кратово, а се контактирало и со локалното население за евентуална потреба од интервенција. Во утринските часови на терен заминале по една екипа од ТППЕ Пробиштип, од Кратово и од Кочани, известува ЦУК.
Регионалниот Тетово, известува дека од Единствениот број за итни повици Е-112 во 16:07 часот е добиена информација за пожар над село Беловиште (Општина Јегуновце), поточно над ресторан „Бела Виста“ при што горела дабова и букова шума, Веднаш биле известени се Националниот парк „Шар Планина“ коишто вчера од 16:15 до 17:25 часот интервенирале со двајца вработени, како и едно лице од РЦУК Тетово. Во 20:30 часот, добиена е информација дека пожарот повторно е активиран, за што се известени НП „Шар Планина“, но поради тешко пристапното место истите не интервенираа во текот на ноќта. Во утринските часови мал тим ренџери од националниот парк дејствувал и го локализирал пожарот, по што ќе се внимава пак да не се активира. За оваа состојба запознаени се и ТППЕ Тетово, но поради непристапен терен тие не се во можност да интервенираат, соопшти ЦУК.
Инаку, паралелно гасејќи пожари во населените места, најмалку 42 изгаснаа пожарникарите од вкупно 45-те евидентирани пожари на отворено, на места и со помош на локално население, од: Скопје (3), Битола (9), Прилеп (2), Крушево, Демир Хисар, Струмица, Гевгелија, Валандово, Радовиш, Македонски Брод, Свети Николе (3), Кочани (3), Виница (2), Делчево, Берово, Куманово (6), Крива Паланка, Ранковце, Тетово и пожарникарите од Гостивар (2).
Центарот за управување со кризи апелира да не се пали вегетација на отворено, а појавата на пожар што побрзо да се пријавува на Единствениот повикувачки број за итни случаи 112 во ЦУК, како и другите итни случаи особено кога граѓаните имаат животозагрозувачки ситуации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Филипче на конгрес на СПД во Берлин: Средба со германскиот вицеканцелар Клингбајл

Претседателот на Социјалдемократскиот сојуз на Македонија, Венко Филипче, денеска, ќе присуствува на конгресот на германската Социјалдемократска партија (СПД), кој под слоганот „Промената започнува со нас“ се одржува во Берлин, Сојузна Република Германија, соопшти утрово СДСМ.
Во рамки на конгресот претседателот Филипче ќе има средба со актуелниот вицеканцелар на Германија и сојузен министер за финансии, Ларс Клингбајл кој воедно е и ко-претседател на СПД. Предвидени се и билатерални средби со европски политичари и функционери присутни на конгресот.
На конгресот, на кој, меѓу другото, ќе се избира и новото раководство на СПД, ќе присуствуваат истакнати актуелни германски политичари и функционери, како и претседатели на социјалдемократски партии од Европа.
Поканата за присуство на Филипче на овој конгрес од СДСМ ја сметаат за израз на заедничката заложба за европска иднина, социјална правда и регионална соработка, засновани на вредностите на социјалдемократијата – еднаквост, солидарност и демократија.
Македонија
УХМР: Денес температури до 36 степени и ветер кој на места ќе дува и со над 70 километри на час

Управата за хидрометеоролшки работи за денес прогнозира сончево време со мала до умерена локална облачност. Ќе дува умерен до засилен ветер од северен правец кој локално може да достигне и над 70 километри на час.
Максималната температура ќе биде во интервал од 27 до 36 степени.
Во Скопје, сончево со мала до умерена облачност и со умерен до засилен северен ветер. Максималната температура ќе достигне до 34 степени.
Македонија
Од следната недела забрана за камиони над 15 тона на државните патишта за време на викенди и во денови со екстремно високи температури

Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури,извести Авто-мото сојузот на Македонја (АМСМ).
Збраната ќе важи во термините:
петок од 17:00 – 22:00 часот,
сабота од 09:00 до 18:00 часот и
недела од 09:00 до 22:00 часот.
Во деновите со екстремно високи температури, определени од Министерство зa здравство, забранaта ќе важи и од понеделник до четврток во период од 11:00 до 17:00 часот.
Ограничувањето не се однесува на возила кои превезуваат животни, цвеќе, хуманитарна помош, жито и житни култури и леснорасиплива стока, нафта и нафтени деривати, превоз на опасни материјали и возила кои вршат превоз за компании кои имаат склучено договори за изведување на проекти на државните патишта со Јавното претпријатие за државни патишта.
На магистралниот пат А2 делница: Скопје – Охрид – Скопје (со важност до 01 септември) се забранува движење на тешки товарни возила чија вкупна маса преминува 7,5 тони за време на викендите, во следните интервали:
петок од 15:00 – 22:00 часот,
сабота од 07:00 до 12:00 и од 18:00 до 24:00 часот и
недела од 07:00 до 22:00 часот.
Од АМСМ велат дека овој посебен режим на сообраќај се воведува во текот на летото со цел избегнување на застојот во сообраќајот на патната делница кон најпосетуваното туристичко место во Република Македонија, намалување на застоите на пунктовите за наплата на патна такса и воопшто побрз проток на возилата и непречено движење на туристите.
И ова ограничувањето не се однесува на возила кои превезуваат живи животни, цвеќе, хуманитарна помош, жито и житни култури и леснорасиплива стока.