Македонија
ЦУК: Поплави и штети од пороен дожд и град и препорака за внимателност при нагли метео-промени
Центарот за управување со кризи информира дека вчера имало повеќе дојави за поплавувања и штети од пороен дожд, град, а и од ветер, на објекти, куќи, земјоделски површини, на патишта и на автомобили во државата.
Регионалниот ЦУК Куманово информира дека поради обилните поројни врнежи од дожд и град во Липковскиот Регион на 21.5.2024 година, имаше зголемување на нивото на Липковска Река поради што дојде до заматување на водата за пиење. Поради тоа, во текот на вчерашниот ден, 22.5.2024 година, беше прекината дистрибуцијата на водата до граѓаните сѐ до моментот на надминување на состојбата. Од страна на ЦУК вчера рано наутро било побарано инспекциските служби и Центарот за јавно здравје – Куманово да излезат на самото место, да направат увид, да земат мостри за анализа и да донесат соодветно решение за понатамошна постапка, а до тогаш беше препорачано, превентивно, водата од водоводот да не се пие, што веднаш утрово беше пренесено бргу и ефикасно од медиумите. Инаку, вчера, по седницата, која почна околу 12 часот, на Општинскиот штаб за заштита и спасување во Куманово, беа донесени следните заклучоци и препораки:
„Главен проблем претставува заматувањето на водата во водоснабдувачкиот систем поради обилните дождови. Поради тоа, водата што се доставува во водоводната мрежа во Куманово исто така е заматена. Препораката до граѓаните е водата да се користи само како техничка или ако се користи, претходно да се зоврие. Препораката останува сѐ додека не се утврди дека таа е безбедна за пиење.
Се задолжува Општинскиот штаб за заштита и спасување да достави барање до надлежните институции (Агенцијата за храна и ветеринарство и Центарот за јавно здравје) за добивање решение за употреба на водата во водоводниот систем како техничка.
Во општина Ранковце, поради врнежите од дожд, има зголемување на водостојот и излевање на Крива Река во атарот на с. Опила. Од општина Ранковце, по увидот на самото место, каде што е една нива и импровизирано игралиште се поплавени, е констатирано дека тоа е нерасчистеното корито од широкораспространетата вегетација. Мерки за расчистување Општина Ранковце ќе преземе веднаш по смирување на водата во речното корито и нејзино повлекување.
Во општина Кратово, во согласност со и добиените информации од граѓани, дел од патот кај месноста База, пред мостот кон с. Куклица, поради зголемен водостој, Крива Река е излеана и е поплавен дел од патот. Висината на водата во тој дел од патот е 30-ина см, па сообраќајот се одвива отежнато“, стои во информацијата од ЦУК.
Регионалниот ЦУК Скопје известува дека преку единствениот повикувачки број за итни случаи 122 добиени се разни пријави поради обилните врнежи од дожд и град, и тоа:
– Во 13.41 часот пријава за поплава на дел од земјоделско земјиште како последица од излевање на Маркова Река во близина на мостот на улицата Горно Лисиче бб (општина Аеродром);
– Во 13.41 часот пријава дека одводниот канал на улицата Финска во населбата Ченто е затрупан и обраснат со дива вегетација. Како што посочува пријавителот, веќе двапати околните куќи и нивните подрумски простории биле поплавувани (општина Гази Баба);
– Во 15 часот пријава за поплавени дворови и подрумски простории на улицата Драчевска во Драчево поради запушени одводни шахти (општина Кисела Вода);
– Во 17.50 часот пријава за поплавени подрумски простории од станбена куќа на улицата Ниџе Планина бр. 19 во Драчево (општина Кисела Вода).
– во општина Чучер Сандево има пријави за неколку оштетени куќи и моторни возила во селата Блаце и Бродец како последица од поројните врнежи од дожд и град.
Сите овие пријави, Регионалниот ЦУК Скопје, по комуникациската координација за помош во првиот момент на итните случаи, ги проследи до соодветните единици за локална самоуправа – општините за понатамошна постапка.
Регионалниот ЦУК Штип известува дека во с. Уларци, општина Чешиново – Облешво, како последица од поројните врнежи дошло до преполнување на каналите за наводнување. Атмосферската вода навлегла во веќе полните канали за наводнување, кои биле спремни за сеидба на оризот. Поплавени биле повеќе дворови и објекти. Комуналното претпријатие од опшината Чешиново – Облешево работи на расчистување на тесните грла од каналите, при што на нивно барање. најверојатно, ќе добијат помош со градежна механизација од соседните општини.
Голема внимателност се препорачува при појавата на локалните, кратки, но нагли метео-промени, да се избегнува движење во засеци во природата, суводолици и многу блиску до речни корита, а и особена внимателност при грмежите и молњите, односно при силните електрични празнења: да не се престојува на отворен простор и под осамени дрвја.
Сите итни случаи, според ЦУК, се пријавуваат на единствениот повикувачки број за итни случаи 112 во ЦУК, особено кога граѓаните имаат животозагрозувачки ситуации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Министерството за енергетика покрена 17 постапки за наплата на долгови од 32,8 милиони денари
Министерството за енергетика, рударство и минерални суровини воспостави системски пристап за заштита на државата во сите судски постапки и за првпат активно покренува тужби за наплата на долгови од должници, соопшти министерката за енергетика рударство и минерални суровини, Сања Божиновска.
„За првпат, воспоставуваме системски пристап со кој државата активно се брани во сите постапки и истовремено се покренуваат нови тужби за наплата на долгови од должници. Во изминатите години државата била оставена без активна правна заштита – не биле оспорувани клучни докази, не биле преземани мерки за застареност на побарувањата и не биле бранети државните позиции. Министерството го менува тој пристап: активно се вклучува во секоја судска постапка, бара стручни вештачења, ја координира одбраната со Владата, иницира постапки за наплата на долгот на државата. Обврска ни е да ги штитиме средствата на граѓаните и ставаме ред во правните постапки“, вели Божиновска.
Министерството за енергетика, рударство и минерални суровини со превземањето на надлежностите затекна шест судски предмети по поднесени Тужби за вкупна вредност од 421.862.824,00 денари, поднесени против Министерство за Економија.
„Правниот сектор при МЕРМС, уште при превземање на предметите изврши увид во истите и зема учество во судските постапки преку превземање на правни дејствија. Веќе има конкретни резултати: две тужби против државата во вредност од 315 милиони денари се одбиени, со што буџетот е заштитен од огромни трошоци, а вкупната вредност на предметите против Министерството е намалена од 421,8 милиони на 106,8 милиони денари“, рече Божиновска.
Секторот за правни работи при увидот во преземената документација утврдил дека воопшто нема поднесени тужби против должници (физички и правни лица) за наплата на долг кој произлегува од неплатен надомест. Сепак, во соработка со Секторот за минерални суровини, беше констатирано дека постојат повеќе застарени побарувања по основ на концесиски надомест, како и побарувања за неплатен концесиски надомест за кои не се поведени судски постапки, а има основ државата да бара исплата.
„Министерството покрена 17 постапки за наплата на долгови во вкупна вредност од 32,8 милиони денари, од кои дел веќе се завршени со спогодби и позитивни пресуди. Истовремено на Управен суд се водат околу 20 предмети поврзани со концесии, од кои веќе има позитивна пракса за одбивање на тужби и предлози за времена мерка“, велат од Министерството.
Македонија
МВР го објави регистарот на напади врз новинари
Министерството за внатрешни работи на својата веб-страница постави линк до регистарот на напади врз новинари кој води до страницата на Здружението на новинари на Македонија каде е објавен регистарот. Овој регистар прикажува случаи на повреди на правата на новинари — со детали за видот на нападот, локацијата, статусот на пријавата и постапката.
„Безбедноста на новинарите за Министерството за внатрешни работи е еден од врвните приоритети и во изминативе години интензивно се работи на ова поле, а видливи се и резултатите од ваквата посветеност. Меѓу другото, беше одредена и контакт-точка, што многу придонесе за побрзо и поефикасно расчистување на случаите што се поврзани со новинарите. Се разбира, во координација со ЗНМ, Министерството за внатрешни работи продолжува да работи на ова поле“, велат од МВР.
Од таму информираат дека формирањето на националниот комитет за заштита на новинари претставува меѓуресорско тело комбинација од владини институции и невладини организации меѓудругото поврзани во новинарската фела. Процесот на формирање е во тек и по неговото финализирање една од примарните задачи ќе биде носењето на Национален акциски план за заштита на новинарите. Ова е процес кој се спроведува во рамки на кампањата на Советот на Европа Safety of Journalists, во координација со националната контакт точка.
Од МВР велат дека координацијата помеѓу полицијата, обвинителството и новинарските организации е на високо ниво и тоа многу придонесува за брзо и ефикасно решавање на случаите кои се однесуваат на новинарите.
„Ваквата соработка треба да продолжи и во наредниот период со цел понатамошно ефикасно расчистување на било каков случај на напад врз медиумски работник. Водејќи се од мотото „Секогаш може подобро“, полицијата, обвинителството и новинарските организации во голема мера во блиска иднина ќе ја зголемат и подобрат веќе постоечката висока меѓусебната соработка“, велат од Министерството.
МВР апелира до сите новинари доколку се соочат со закани, вербални или физички напади, или друг вид на притисок, веднаш да ги пријават случаите. Министерството за внатрешни работи е обврзано да ги санкционира сторителите и да го заштити правото на јавноста за слободно информирање.
Македонија
(Видео) Израелската војска упадна на бродовите што пловат кон Газа, уапсена е Грета Тунберг
Израелските сили се качија на неколку бродови од флотилата „Глобал Сумуд“ и ги превезоа активистите во израелско пристаниште, разбивајќи протест против блокадата на палестинската територија од страна на Израел.
Грета Тунберг е видена како седи на палубата опкружена со војници, на снимка од израелското Министерство за надворешни работи и потврдена од „Ројтерс“. Шведската активистка за климатски промени е најистакнатиот патник на пропалестинската флотила.
Already several vessels of the Hamas-Sumud flotilla have been safely stopped and their passengers are being transferred to an Israeli port.
Greta and her friends are safe and healthy. pic.twitter.com/PA1ezier9s— Israel Foreign Ministry (@IsraelMFA) October 1, 2025
„Израелските војници пресретнаа меѓународна флотила која се обидуваше да достави лекови и храна во Појасот Газа. Тие се качија на бродовите кои се приближуваа кон енклавата“, соопштија организаторите на мисијата.
Флотилата, составена од повеќе од 40 цивилни бродови, носи околу 500 пратеници, адвокати и активисти, имаше план да ја пробие израелската блокада на Газа. Израелците ја започнаа операцијата кога флотилата беше на околу 90 наутички милји од енклавата. Досега се пресретнати најмалку шест брода. Објавени се снимки од бродовите „Флорида“ и „Ол Ин“, на кои се качија израелски војници. Сите членови на екипажот се однесени на копно.
„Преносите во живо од бродовите и комуникациите се прекинати. Статусот на учесниците и екипажот останува непознат. Ова е нелегален напад врз невооружени хуманитарни работници. Ги повикуваме владите и меѓународните институции да побараат нивна итна безбедност и ослободување“, објави флотилата на Инстаграм.
Флотилата за помош во Газа соопшти дека десетици нејзини бродови сè уште „пловат енергично“ кон палестинската територија и покрај тоа што биле пресретнати од израелските поморски сили.
“The last moments before we lost contact with our comrades aboard the Dutch boat Mohammed Bhar, sailing to Gaza on a humanitarian mission with the Al-Sumud Convoy to break the brutal blockade.” pic.twitter.com/S2h60huKZY
— Global Sumud Flotilla Commentary (@GlobalSumudF) October 2, 2025
The Global Sumud Flotilla boats Florida and All In have been seized by occupation forces, with all crew members taken. pic.twitter.com/bJ2rtVbiOK
— Global Sumud Flotilla Commentary (@GlobalSumudF) October 2, 2025
Флотилата Глобал Сумуд соопшти дека повеќето од нејзините бродови продолжиле да пловат кон брегот на Појасот Газа во раните утрински часови во четврток, и покрај прекините.
МВР го објави регистарот на напади врз новинари
Министерството за внатрешни работи на својата веб-страница постави линк до регистарот на напади врз новинари кој води до страницата на...
Трамп бара универзитетите да го ограничат запишувањето на странски студенти ако сакаат федерални пари
Администрацијата на претседателот Доналд Трамп побара од американските универзитети да потпишат договор што ги содржи условите за добивање преференцијален пристап...
Израелски министер: Палестинците кои ќе останат во градот Газа ќе се сметаат за терористи
Израелската влада им нареди на сите преостанати Палестинци да го напуштат градот Газа. Израелскиот министер за одбрана, Израел Кац, рече...
Финскиот премиер предупредува на руски закани за цела Европа
Европската Унија треба да преземе невидени овластувања за да се одбрани од сè поизразените закани од Русија, изјави финскиот премиер,...
Г7: Ќе ги таргетираме оние кои ќе продолжат да купуваат руска нафта
Министрите за финансии на Г7 изјавија дека ќе преземат заеднички чекори за зголемување на притисокот врз Русија, таргетирајќи ги земјите...
(Видео) Израелската војска упадна на бродовите што пловат кон Газа, уапсена е Грета Тунберг
Израелските сили се качија на неколку бродови од флотилата „Глобал Сумуд“ и ги превезоа активистите во израелско пристаниште, разбивајќи протест...
Орбан предупредува: Една грешка и Европа гори
Третата светска војна може да започне во секое време ако една од големите сили направи грешка, изјави унгарскиот премиер Виктор...
Сијарто: ЕУ применува двојни стандарди кон Македонија и Србија, а Украина се турка на сила
Министерот за надворешни работи на Унгарија, Петер Сијарто, изјави дека Европската унија очигледно применува двојни стандарди кога станува збор за...
Украина може да го порази Путин со беспилотни подводни дронови, тврди пензиониран американски генерал
Русија може да биде протерана од Украина доколку се употребат експлозивни подводни дронови, тврди еден од водечките пензионирани американски генерали,...
Поради пад на температурите, грејната сезона почнува две недели порано
АД ЕСМ информира дека од утре, 2 октомври, започнува грејната сезона за потрошувачите приклучени на системот за централно греење во...
Крадци отворале паркомати на повеќе локации во Скопје
Денеска, во полицијата од Јавното претпријатие „Градски паркинг Скопје“ било пријавено дека во раните утрински часови две лица со употреба...
„Политико“: Бугарија би можела да му се придружи на Орбан во блокадата на Украина, за да го зачува ветото кон Македонија
Премиерот на Унгарија, Виктор Орбан, би можел да најде поддршка од повеќе земји во обидот да ја задржи блокадата за...
Јаневска на првиот академски час на УКИМ: Студирањето во својата земја е најдобар избор
Министерката за образование и наука Весна Јаневска на првиот академски час ја поздрави новата генерација студенти на Универзитетот „Св. Кирил...
Судењето за „Онкологија“ одложено, одбраната бара Коцевски да ја преземе постапката
Судењето против поранешниот директор на Клиниката за онкологија, Никола Васев, и уште двајца онколози обвинети за несовесно лекување пациенти, е...
Шукова од Аеродром им го вети на скопјани она што премиерот Мицкоски го најави минатата недела: бесплатни филтри на оџаците се добра и сериозна мерка
Кандидатката за градоначалничка на Скопје од СДСМ, Каја Шукова, денес, од Аеродром, на скопјани им вети бесплатни филтри за оџаците...
Систем за влез/излез од ЕУ: за што сè треба да се подготват патниците
Министерството за внатрешни работи ја информира јавноста дека почнувајќи од 12 октомври 2025 година, Европската Унија ќе почне со постепено воведување...
Експлозии и пукање во Минхен: едно лице загина, друго повредено
Голема полициска и противпожарна операција е во тек од раните утрински часови во северен Минхен откако се слушнале експлозии и...
(Видео) Гори една од најголемите рафинерии во Русија
Украински извори на социјалните медиуми објавија снимки од пожар во една од најголемите руски рафинерии во Јарослав. Изворите тврдат дека...
(Видео) Снимен момент кога силниот земјотрес ги погоди Филипините
Најмалку 60 лица загинаа, а повеќе од 140 се повредени во силен земјотрес со јачина од 6,9 степени по Рихтер...
Орбан: Европа е посилна од Русија, не знам зошто глумиме дека сме слаби
Унгарскиот премиер Виктор Орбан порача дека Унгарија би соборила руски беспилотни летала доколку влезат во нејзиниот воздушен простор. Еден новинар...
