Македонија
ЦУК: 32 изгаснати пожари, на две места сè уште гори
Вчера, имаше вкупно 34 пожари на отворен простор, од кои два сè уште се активни, но со намален интензитет, извести Центарот за управување со кризи.
Активни пожари има во општина Прилеп кај селото Тополчани, каде што гори ниска вегетација, и во општина Гевгелија кај село Селемли.
Како што информираше ЦУК, изгаснати се 32 пожара, во општина Студеничани 2 – село Цветово (каде што горела ниска вегетација) и кај село Студеничани (ниска вегетација и шума); општина Зелениково – село Гумалево (ниска вегетација и шума); општина Бутел – село Радишани кон село Лубанци (ниска вегетација); општина Аеродром – улица Тодор Чангов (ниска вегетација); општина Арачиново – горела депонија кај стариот пат Арачиново – Куманово; во општина Петровец горело на две места, во село Трубарево и во село Коњаре (ниска вегетација и ѓубре).
Пожари имало и во општина Гази Баба – Парк-шума „Гази Баба“ (ниска вегетација и шума); општина Илинден – улица 19 бр. 2 (ниска вегетација); општина Радовиш – покрај магистралниот пат Радовиш – Струмица (сува трева и нискостеблеста шума); општина Штип 2 пожара – кај с. Пиперово и кај с. Радање (ниска вегетација и шума); општина Охрид – с. Песочани (ниска вегетација и трње и деградирана вегетација); општина Македонски Брод – с. Драгов Дол (трње и деградирана вегетација); општина Струда, 2 пожара – на влезот во Струга и кај месноста Заграчанска Краста (сува трева); општина Кичево – с. Зајас (отпад и ѓубре); општина Битола – с. Братиндол (ниска вегетација); општина Прилеп – с. Мажучиште (ниска вегетација); општина Куманово, 3 пожари – кај с. Пчиња, покрај патот Куманово – Крива Паланка и кај с. Ново Село (ниска вегетација стрниште); општина Ранковце – с. Станча (ниска вегетација); општина Тетово, 4 пожари – кај селата Требош, Пршовце, Жеровјане (ниска вегетација) и кај с. Бродец (депонија и ѓубриште); општина Гостивар, 3 пожари кај селата Чегране и Тумчевиште и кај месноста Стари гробишта (каде што горела ниска вегетација) и во општина Свети Николе, с. Милино (ниска вегетација).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Кадровски промени на Водно, правникот Божинов и новинарот Момировски ќе раководат со претседателскиот кабинет
Претседателката на Македонија Гордана Сиљановска Давкова за генерален секретар на својот кабинет го именувала Ѓорѓи Божинов, пратник кој работел во Министерството за земјоделство, а за негов заменик новинарот Горан Момировски.
Од функциите се разрешени генералниот секретар Миле Бошњаковски и неговите заменици Билјана Радева и Тоше Зафиров, кои беа ангажирани во мандатот на доскорешниот претседател Стево Пендаровски.
Генералниот секретар Ѓорги Божинов е дипломиран правник со речиси тридецениско работно искуство во областа на правото во земјоделскиот сектор, законодавната и институционалната рамка, процесите на јавни набавки, корпоративно советување, програмите за финансиска поддршка, државна помош, како и примена и хармонизација на легислативата на Европската Унија во овие области.
Претходно, Божинов својата кариера во областа на правото ја остварува на раководни административни позиции во Министерството за земјоделство, шумарство и водостопанство.
Македонија
Вработена во МВР наплатувала по 15.000 евра за лажно посредување за социјален стан
Основното јавно обвинителство Скопје донесе Наредба за спроведување истражна постапка против 41-годишна вработена како аналитичар во СВР Скопје која е осомничена за продолжено кривично дело измама според член 247 став 4 во врска со став 1 од Кривичниот законик.
Од април 2023, искористувајќи ист траен однос и исти прилики, осомничената довела во заблуда три лица, на кои лажно им се претставила како началник во полициска станица Гази Баба и член на Комисија за доделување социјални станови.
На трите оштетени невработени лица им ветувала дека ќе им посредува да добијат социјални станови во Лисиче по цена пониска од реалната, наведувајќи ги да и исплатат по 12.000 евра за стан и 3.000 евра за посредување и изготвување документација.
Парите и ги давале во повеќе наврати, а при последната исплата на 12.500 евра, во близина на полициската станица, била затекната веднаш по предавањето на парите.
Јавниот обвинител до судијата на претходна постапка достави предлог за определување мерки на претпазливост – забрана за напуштање живеалиште, обврска повремено да се јавува кај службено лице во судот и одземање на патната исправа.
Македонија
Отфрлени се тужбите на „Европскиот фронт“ од Уставниот суд, ќе има прегласување
До доцна во ноќта Уставниот суд расправаше по тужбите на одлуките на Државната изборна комисија – ДИК за неколку избирачки места поднесени од коалицијата „Европски фронт“. Од судот соопштија за шест одлуки според кои тужбите се отфрлени како неосновани, а тоа значи, согласно одлуките на ДИК, дека ќе има прегласување на конкретни избирачки места.
„Европскиот фронт“ имаше поднесено седум тужби на одлуките на ДИК, а Управниот суд беше ограничен со роковите за нивно решавање.
Со одлуките на Управниот суд се потврдуваат решенијата на ДИК за прегласување во шест избирачки места во петтата изборна единица и едно во шестата изборна единица.
Според Изборниот законик, доколку одлуката за прегласување на едно избирачко место може да влијае на конечните резулатите од изборите, ДИК ќе организира повторно гласање 14 дена од одржувањето на изборите, односно на 22 мај.