Македонија
Членови на ВМРО-ДПМНЕ на Фејсбук бараат итни реформи и демократизација на партијата

„ВМРО ДПМНЕ – посилно за нови победи“ – под ова име на Фејсбук е отворена група во која лица кои тврдат дека се членови и симпатизери на партијата бараат реформи и демократизација со цел „враќање на силата и угледот на ВМРO ДПМНЕ како столб на Македонија“.
„Ние веруваме дека силно и демократско ВМРО ДПМНЕ ќе биде најсилната политичка партија во Република Македонија која брзо ќе се врати на власт со цел заштита на македонските национални интереси“, пишува во групата.
Извесен Александар Михајлоски во групата напишал: „Ако сакаме да ја вратиме силата и угледот на ВМРО-ДПМНЕ итно ни требаат суштински реформи за демократизација на партијата. За сите членови кои ми пишаа во инбокс дека биле шиканирани поради лајк и став на ФБ треба да знаете дека секое вознемирување на работно место заради политичка мисла и искажан став е мобинг” и за брзо време тие што го прават тоа ќе се срамат од постапките“.
Михајлоски пишува дека во групата има адвокати кои стојат на располагање за бесплатна правна помош и дека ВМРО-ДПМНЕ „ќе се демократизира и како најсилна политичка партија повторно ќе се врати на власт“.
Од она што е достапно на интерент, може да се забележи дека Михајлоски бил претседател на Правната комисија и на Комисијата за надворешна политика во ВМРО-ДПМНЕ, бил член на Централниот и Извршниот комитет, и на Унијата на млади сили. Бил уредник на гласникот на УМС, „Завет“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Немаат симптоми лицата кои биле во контакт со заразените со мајмунски сипаници

Контактите на лицата позитивни на мајмунски сипаници не развиле никакви симптоми на заболување.
Институтот за јавно здраваје информира дека нивни епидемиолози стапиле во комуникација со контактите и тие немаат симптоми, додека позитивните лица се во добра состојба.
Од тука велат дека нема нови сомнителни случаи кои што се испратени за тестирање, ниту нови позитивни случаи.
Институтот за јавно здравје денес отвара две нови телефонски линии за информирање за Mpox од кои едната за консултации на граѓани, а втората за консултација на здравствени работници
По двата потврдени случаи, се проценува дека засега ризикот за ширење на оваа болест во нашата држава останува низок.
Македонија
Собранието в среда ќе гласа за предлогот Трајко Славески да биде нов гувернер

В среда, 28 мај, ќе се одржи седницата за избор на гувернер на Народната банка (НБРМ).
Според информациите објавени на веб страницата на Собранието, сендицата ќе почне во 11 часот, а изборот на гувернер е прва точка на дневниот ред.
За оваа позиција претседателката Гордана Сиљановска-Давкова го предложи актуелниот претседавач на Советот на Град Скопје, професорот Трајко Славески. Од нејзиниот кабинет по предлогот истакнаа дека при носењето на одлуката, претседателката се водела од стручноста и компетентноста, дигнитетот и интегритетот, како и реалната можност за именување на кандидатот.
ВМРО-ДПМНЕ најави поддршка за Славески, додека опозициската СДСМ соопшти дека нема да го поддржи, нарекувајќи го партиски кадар.
Славески, доколку биде избран за гувернер, ќе си замине од функцијата во Град Скопје.
Македонија
„Марш за ангелите“ – во Кочани утре нов марш на семејствата на настраданите во пожарот

Седмиот „Марш за ангелите“ за настраданите во пожарот во дискотеката „Пулс“ ќе се одржи утре во Кочани.
Маршот на кои семејствата повторно ќе побараат неселективна правда ќе почне во 16:05 часот од Паркот на Револуцијата и ќе продолжи кон Трговскиот центар по што учесниците ќе се упатат кон општинската зграда, а оттаму кон Полициската станица и пред Основниот суд и Обвинителството во Кочани.
Поддршка на маршот даде и движењето „Кој е следен?” кое организира бесплатен автобуски превоз од Скопје до Кочани.