Македонија
Чулев: Владата спречува пополнување на работните места и нормално функционирање на МВР

Владата, од една страна, секојдневно ме обвинува дека сум виновен за нејзините неуспеси поврзани со ширењето на коронавирусот, а од друга, и во ваква состојба Оливер Спасовски и неговите послушници во МВР не успеваат да се издигнат над партиските интереси, вели техничкиот министер Наќе Чулев, кој на „Фејсбук“ напиша дека во услови на пандемија и прогласена вонредна состојба МВР со владин заклучок се обврзува да ги стопира огласите со кои се пополнуваат дел од испразнетите работни места.
Според Чулев, ова покажува дека за власта политиката и партиските интереси повторно се поважни од здравјето и животот на граѓаните.
„ДКСК и Управниот суд донесоа одлука и пресуда со која се поништи одлуката на Владата за поништување решенија за распоредување донесени од моја страна и ја потврдија законитоста на моето постапување, но Владата и понатаму продолжува спротивно на законот да се меша во работењето на Министерството за внатрешни работи и да го опструира нормалното функционирање“, нагласува Чулев.
Според него, ваквата постапка на Владата претставува грубо мешање во работата на Министерството за внатрешни работи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
На Табановце и Богородица времето на чекање за влез во државата е околу 1 час

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини Табановце и Богородица времето на чекање за влез во државата изнесува околу 1 час. На останатите гранични премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Претпладне сончево, попладне наместа нестабилно со локален дожд и грмежи

Претпладне сончево со умерена облачност. Попладне наместа ќе биде нестабилно со локален дожд и грмежи. Ќе дува слаб до умерен ветер од југоисточен правец. Минималната температура ќе биде во интервал од 6 до 12, а максималната ќе достигне од 19 до 26 степени.
Во Скопје, сончево со умерена облачност и со слаб до умерен југоисточен ветер. Попладне во делови од котлината ќе има развој на нестабилна облачност со услови за пороен дожд и грмежи. Минималната температура ќе се спушти до 8, а максималната ќе достигне до 26 степени.
Времето во наредните денови
Од среда на повеќе места ќе биде нестабилно со повремени врнежи од дожд, локално поројни, проследени со грмежи. Дневната температура ќе биде во постепено благо опаѓање.
Македонија
Карпош, Ѓорче Петров и Сопиште денеска без струја

Од ЕВН Македонија АД известуваат дека денеска без електрична енергија ќе останат:
· Oд 08:00 до 16:00 часот, дел од корисниците во Стопански Двор. (Општина Ѓорче Петров);
· Oд 09:00 до 13:00 часот,ул.24 с.Сопиште КАЈ ИЦЕ МАК (Општина Сопиште);
· Oд 09:00 до 14:00 часот, дел од корисниците на ул.Ванчо Мицков,во Долно Нерези (Општина Карпош) ;
· Oд 10:00 до 14:30 часот, дел од потрошувачите на ул.Женевска (Општина Карпош).