Македонија
Шахпаска: Го ветивме и реализиравме концептот – парите назад кај граѓаните

За три години, покажавме вистинска грижа за граѓаните, а ВМРО-ДПМНЕ покажа грижа само за Груевски, истакна Јагода Шахпаска, носителка во ИЕ 3.
„Наместо помош и поддршка на најранливите категории граѓани, ВМРО-ДПМНЕ со години го држеше нивото на социјална помош на срамно ниско ниво и ја злоупотребуваше во партиски цели пред избори. За три години, СДСМ преку социјалната реформа не само што ја зголеми социјалната помош 300 отсто туку воведе и детски и образовен додаток и го прошири опфатот на деца. Понудата за новиот четиригодишен мандат е уште повисока социјална помош за 34.000 домаќинства и детски додаток за 65.000 деца. Исто така, за три години, СДСМ го реши проблемот со стечајците, кои ВМРО-ДПМНЕ ги игнорира. 12.000 стечајни работници денес добиваат по 8.000 денари месечно, а набргу добиваат и домашна платежна картичка од 9.000 денари. За време на 11-те години на ВМРО-ДПМНЕ решен им беше статусот на само 4.000 стечајци“, рече Шахпаска.
Додаде дека СДСМ го ветил и реализирал концептот парите назад кај граѓаните, а за тоа зборуваат и 28 милиони евра, кои ги враќаат назад преку 324.000 граѓани преку домашната платежна картичка и ваучерот за туризам.
Покрај стечајците, вели Шахпаска, картичка со 9.000 денари ќе добијат и пензионерите со пензија до 15.000 денари, самохраните родители, како и невработените, кои не се активни баратели на работа.
Спомена и дека се намалени нотарските и трошоците за извршителите, а со отписот на камати на долгови за физички лица избришани се 10 милиони евра долгови на граѓаните. Ги намаливме и казните до 75 отсто, а воведовме опомена пред казна, додаде Шахпаска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Скршен од тага“: Роберт Билбилов сподели фотографии со Андреј од „ДНК“

Продуцентот и музичар Роберт Билбилов објави фотографии со Андреј од „ДНК“ и само кратко напиша „Скршен од тага“.
Во големиот пожар што се случи вчера во Кочани загинаа 59 луѓе, а над 150 се повредени.
Македонија
„Не можам да престанам да те плачам, вака не се договоривме“: Елена Ристеска со емотивни зборови се прости од Сара Пројковска, Андреј „ДНК“ и колегите

Пејачката Елена Ристеска со емотивни зборови се прости од Сара Пројковска и Андреј Ѓорѓиевски кои загинаа во огромниот пожар во Кочани.
„Не прифаќам и нема никогаш да прифатам дека те нема! Саре сестрице моја, толку многу поминавме заедно со тебе и Ана, толку убави спомени, толку концерти, толку бендови сменивме ние три, ти беше таа која не ми дозволи да се откажам од музиката кога се разочарував! Ти- добрица, ферчина, другарчина, позитивна, пожртвувана и како човек, и како колега и како мајка на златни две деца. :((( Тоа заразно смеење со тебе нема никогаш да го извадам од главата! Тоа најубаво пеење ќе продолжи да го придружува Тоше, таму на небото. Ама Саре вака не се договоривме! Се договоривме дека ќе пееме и понатаму! Се договоривме да се видиме! Вака не!!! Не сакам да верувам, не сакам!!! Не прифаќам! Сестро моја, ти беше упорна и борбена да смениме 100 бендови, ама да не се откажеме! На крајот ти се откажа! :((( Ама зошто вака?!?! Зошто?? Не можам да престанам да те плачам, нема никогаш да те преболам! Нема! Најдобрата личност во живот што сум ја сретнала, чесна, добра, секогаш фер и коректна, секогаш поддршка, секогаш грб мој! Емотивна, убава и во душата и во лицето. Солзиве не застануваат, никогаш нема да застанат. Не не и не!!!“, напиша Елена.
„Не можам да престанам да плачам, Андреј ни со тебе така не се договоривме, планиравме нова песна со ДНК..:((( Турнеи две имавме заедно, концерти, дружби… не можам да прифатам и не можам!!! Филипе, како бре да прифатам дека те нема, може свиревме неколку пати ама многу се почитувавме, златен човек беше… без зборови сум… исто и Александар :((( Жути веста за тебе ме докрајчи, ме срози, колку концерти беше мој тонец за 22 години, секогаш звук перфектен, кога ќе те видев зад миксета раат бев, знаев дека ќе биде добар концерт, секогаш му викав на Здравко- Жути пушти ми го да озвучува! Александар Ефремов ми ги сликаше последните концерти во Кочани. :((( Немам зборови, само солзи… Мартин Буцо, Ѓорги, Сара и сите златни деца, млади и полни со живот… боли и кине душа ова се’… не знам дали некогаш ќе се опоравиме од оваа болка по вас!!! Цела Македонија плаче и тагува! Примете сочувство сите што загубивте блиски! Брзо опоравување на Ана и Панчо им посакувам!“, напиша Ристеска покрај заедничките фотографии со Сара и Андреј.
Македонија
(Видео) Посебно место на гробиштата во Кочани за починатите од пожарот во дискотеката „Пулс“

Гробиштата во Кочани се прошируваат поради големиот број починати во пожарот од дискотеката „Пулс”.
Жртвите ќе бидат погребани во посебен дел од кочанските гробишта.
„Ројтерс“ објави видео од багерите кои веќе се на терен и ги копаат гробните места.
Претходно, од општина Кочани соопштија дека на колегиумот што се одржал утринава, упатена е препорака до Управниот одбор на КЈП Водовод да донесе одлука за проширување на парцелите во Градските гробишта и да се определи посебно место за починатите во пожарот.
Исто, упатена е препорака и да се донесе одлука за бесплатно доделување парцели за починатите и за погребните услуги коишто се во надлежност на КЈП Водовод, соопшти Општина Кочани.
Во пожарот загинаа 59 млади луѓе, осомничени се 22 лица, а Обвинителството бара краткотраен притвор за 14 лица.