Македонија
Шахпаска од Сараево: Интеграцијата на Ромите е наша обврска
Министерката за труд и социјална политика Јагода Шахпаска денеска се обрати на Вториот министерски состанок за интеграција на Ромите, што се одржа во Сараево, БиХ.
На состанокот, кој е во организација на Министерството за човекови права и бегалци на Босна и Херцеговина и Регионалниот совет за соработка, учествуваат министрите од Западен Балкан кои се одговорни за интеграцијата на Ромите, а преку видеопорака се обратија и Оливер Вархеи, комесар за проширување на Европската Унија, како и Михаел Рот, германски државен министер за Европа.
„Изминатиов период, од Самитот на лидерите на Западен Балкан во Познањ во јули 2019, па сè до денешниот состанок се покажа како еден од најпродуктивните периоди на регионално нивокога е во прашање унапредувањето и интеграцијата на Ромите. За Република Северна Македонија ова беше период кога на дневна основа се работеше на сите горливи теми кои се поврзани со интеграцијата на Ромите – образованието, вработувањето, домувањето, регулирање на матичната евиденција. Кога работиме заедно, кога имаме меѓусебна поддршка, кога споделуваме искуства резултати мора да има“, нагласи Шахпаска.
На панелот на кој се дискутираше за напредокот на секоја земја и за исполнувањето на преземените обврски од претходниот министерски состанок во Албанија, министерката Шахпаска информираше дека Република Северна Македонија има постигнато голем напредок во делот на предучилишното образование во кое се бесплатно се вклучени 400 деца Роми во јавните градинки, додека за средношколците и студентите Роми се поделени 700 стипендии. Истовремено, таа нагласи, дека преку конкретни проекти се работи на задоволување на потребите на Ромите за обезбедување соодветни услови за домување.
На министерскиот состанок учествуваат министрите надлежни за социјални прашања од Босна и Херцеговина, Србија, Црна Гора, Косово и Албанија, како и директорот на Канцеларијата за Иницијативи за Ромите на Фондацијата Отворено општество.
На крајот на Вториот министерски состанок беа усвоени заклучоци за натамошниот процес на интеграција на Ромите, кои се очекува да бидат поддржани на Самитот на лидерите на Западен Балкан во рамките на „Берлинскиот процес“, што ќе се одржи на 5 јули, во Берлин, Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Очекуваме во вториот круг бројката на гласови за Орце Ѓорѓиевски да биде околу 125-130 илјади
Христијан Мицкоски, претседателот на ВМРО-ДПМНЕ, се обрати од денешниот настан одржан во Валандово, во рамки на вториот круг од локалните избори кои ќе се одржат на 2 ноември 2025 година. Мицкоски се осврна на темата за локалните избори, од кои првиот круг беше одржан на 19 октомври годинава, а ВМРО-ДПМНЕ имаше победа во 33 општини. Според него, ова е историски резултат во независна Македонија, а дополни и дека кандидатот од редовите на ВМРО-ДПМНЕ за градоначалник на Град Скопје е во водство 3:1 во однос на неговиот противкандидат.
,,Ние цела кампања, од првиот ден до последниот, па и до ден денешен, ниту во еден момент не објавивме негативен спот за нашите политички противници, ниту во еден момент не водевме црна кампања, ниту во еден момент не ги нападнавме ад хоминем, ниту со ниски страсти“, вели Мицкоски.
Мицкоски зборуваше за опозицијата, која според него, од првиот ден на изборната кампања водат црна кампања, а тоа се пресликува и за време на вториот круг од изборите.
,,Тие од првиот ден, до последниот ден, па и денеска, водат црна кампања. Мене ме спакуваа во парчиња во куфер, па потоа ми велеа дека ме презираат и што ли не им се случи. И резултатот од сето тоа го видоа граѓаните на 19 октомври, само 3 општини. Ние сме демохристијанска партија, ние со добро треба да ги совладаме нашите политички противници, само така ќе покажеме дека можеме поинаку, и дека сме поразлични од другите“, рече Мицкоски.
Како што кажа Мицкоски, ВМРО-ДПМНЕ на 19 октомври освои 33 општини, а изминативе два дена, двајца од противкандидатите на кандидатите од редовите на ВМРО-ДПМНЕ се откажале, и според него веќе може да се зборува за 35 градоначалници, што е историски резултат.
,,Тоа што е зад нас, еден факт кој што е немилосрден. Тоа се бројки. После првиот круг, ВМРО-ДПМНЕ и коалицијата која што ја предводи ВМРО-ДПМНЕ освоија 33 градоначалници. Изминативе 2 дена, два противкандидати на нашите кандидати за градоначалници е откажаа, така што веќе можеме да зборуваме за 35 градоначалници“, истакна Мицкоски и додаде:
,,ВМРО-ДПМНЕ и коалицијата водат, имаат веќе освоено градоначалник или се во круг како второпласирани, но тоа се во 6 општини каде што е многу мала, но и значителна разлика во вкупно 59 општини. До сега ваков историски резултат во независна Македонија не се случил“.
Мицкоски се осврна и на трката за градоначалник на Град Скопје, каде, како што рече, кандидатот од редовите на ВМРО-ДПМНЕ, има предност 3:1 во однос на неговиот противкандидат, а истакна и дека очекува бројката на гласови за кандидатот на ВМРО-ДПМНЕ да биде околу 125-130 илјади во вториот круг од изборите.
,,Како коалиција предводена од ВМРО-ДПМНЕ, имаме победа или мнозинство во 58 општини во Македонија, и конечно на крај да споменам дека идниот градоначалник нашиот главен град, Скопје, има предност од 3:1 во однос на неговиот противкандидат, 92-3 илјади наспроти 30 илјади. И убедлива победа за Советот на Град Скопје, но истовремено очекуваме после вториот круг бројката на гласови за Орце Ѓорѓиевски да биде околу 125-130 илјади“, нагласи Мицкоски.
Мицкоски додаде и дека ова е една од најточните и најпрецизни кампањи, со јасна порака, јасна визија и јасна дефиниција, што според него, ќе се постигне во годините кои следат.
,,Вие сте нашата инспирација, вие сте нашиот мотив, да продолжиме да се бориме, бидејќи вреди да се бори човек за секој еден кој што остана тука дома, да се бориме заедно за нашата татковина заедничка Македонија“, заклучи Мицкоски.
Македонија
Камчев: Реконструкција на водоводната мрежа и изградба на модерни забавни паркови за децата во Валандово
Ви благодарам на поддршката којашто ја добивме во првиот круг. На 2 ноември одиме на голема победа за Валандово, за целата општина, за сите населени места, истакна Ѓоко Камчев, кандидат за градоначалник на општина Валандово од редовите на ВМРО-ДПМНЕ, кој се обрати од денешниот настан одржан во Валандово.
Камчев истакна дека во наредните 4 години ќе се реализираат важни проекти кои ќе го подобрат животот на граѓаните во Валандово. Тој најави реконструкција на водоводната мрежа во сите населени места како и изградба на забавни паркови за децата во сите населени места.
„Ќе имаме можност да ја реализираме програмата, да го реализираме она што го ветуваме уште пред првиот круг, да ја реконструираме водоводната мрежа во сите населени места, да изградиме модерни забавни паркови за децата во сите населени места, да направиме еден вистински развој на општината, да ја придвижиме економијата“, вели Камчев.
Камчев им се заблагодари на граѓаните за постигнатиот резултат во првиот круг и ги повика во вториот круг масовно да излезат на гласање и да го заокружат бројот 9 за развој на општина Валандово.
Македонија
Богдановиќ: Герасимовски ги пушти низ вода сите што од СДСМ гласаа за него во првиот круг
Герасимовски ги пушти низ вода сите што од СДСМ гласаа за него во прв круг, објави поранешниот градоначалник на Општина Центар, Саша Богдановиќ.

„Чекам денес да се јават сите душегрижници кои коси кубеа за Горан како голем сдсмовец. Истите ги пушти низ вода а посебно подржувачите, членовите и симпатизерите на СДСМ во Центар. Ги пушти низ вода сите што од СДСМ гласаа за него во прв круг. Не е ни чудо и претходно менуваше партии. А тоа го покажуваат и бројките за листата за Град Скопје и кандидатот Каја Шукова.
Од машинерија направи моторкултиватор. И тоа само со единствена негова цел и интерес“, објави Богдановиќ.

