Македонија
Шаќири: Од 1 септември ќе имаме бесплатни учебници, кои навреме ќе бидат доставени до учениците

Министерот за образование и наука, Јетон Шаќири, истакна дека од 1 септември ќе има бесплатни учебници и тие навреме ќе бидат доставени до учениците.
На прашањето дали учениците навреме ќе добијат учебници, Шаќири рече: Од 1 септември ќе имаме бесплатни учебници, се работи на законското решение, со кое сите технички проблеми и сите законски ограничувања ќе бидат решени“.
На новинарско прашање дали тоа значи дека учебниците ќе бидат бесплатни, министерот за образование одговори дека од 1 септември има одобрено учебници.
„Од 1 септември имаме одобрено учебници, немаме забелешки во тоа дека немаме учебници за печатење, ќе почнеме постапка и за дигитална форма на учебници. Од 1 септември оваа година сите учебници ќе бидат доставени до сите ученици и тоа ќе треба да се случува и со новата концепција“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).