Македонија
Шаќири се правда за доцнењето на учебниците: Имавме проблеми од графичко-техничка природа и корекции од самите автори

Учебниците во сите училишта во Скопје се доставени. Ова го истакна министерот за образование, Јетон Шеќири, прецизирајќи дека во училиштата стигнати се и учебниците за шесто одделение.
Шаќири рече дека и покрај првичните најави дека учебниците ќе бидат доставени до крајот на септември и почетокот на октомври, рокот бил пролонгиран поради технички проблеми. Во таа насока, министерот појасни дека се појавиле одредени ситуации кога требало материјалите да се досредат од аспект на графичка и техничка природа, но имало и случај кога при крајот на доставата авторите на учебник побарале корекција. Шаќири не кажа за кој учебник станува збор.
Сепак, заклучи министерот, кога стигнуваат навремено програмите, се стигнува и со учебниците, а годинава, вели, се разликува од претходната во однос на доставата. Во таа насока, тој бара најдоцна до крајот на ноември да бидат доставени наставните програми за седмо одделение за да може навремено да бидат изработени и отпечатени учебниците за наредната учебна година.
Прашан за учебникот по историја за петто одделение, кој беше повлечен, Шакири објасни дека бил формиран авторски тим, а од универзитетите бараат да назначат претседател на рецензентите, а потоа ќе бидат готови и доставени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по претежно влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утрово ведро и посвежо, преку денот ќе биде сончево и потопло

Во поголем дел од земјава утрово ќе биде ведро и посвежо, во источните делови променливо облачно со услови за слаб локален дожд. Преку денот времето ќе биде сончево и потопло со мала до умерена облачност. Ќе дува умерен, долж Повардарието и во источните делови засилен ветер од северен правец (над 70 km/h).
Минималната температура ќе биде во интервал од 3 до 11, а максималната ќе достигне од 16 до 24 степени.
Во Скопје, сончево и потопло со мала до умерена облачност. Ќе дува умерен до засилен северен ветер. Минималната температура ќе се спушти до 7, а максималната ќе достигне до 24 степени.
Времето во наредните денови
Во следните денови времето ќе биде променливо облачно и нестабилно со локален пороен дожд, грмежи и засилен ветер, а дневните температури ќе бидат во постепен пораст.
Македонија
Дел од општина Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 11 до 13 часот, корисниците од викенд населба село Кучково, општина Ѓорче Петров.