Македонија
Шекеринска: За шест месеци ги зголемивме платите на 90 илјади граѓани
![](https://makfax.com.mk/wp-content/uploads/2018/06/radmila-sekerinska.jpg)
Заменик-претседателката на СДСМ, Радмила Шекеринска, вчера беше меѓу граѓаните на Охрид, каде што оствари средби со поддржувачи на партијата.
Како што информират од владејачката партија, на средбата со граѓаните се разговарало за мерките од програмата на Владата, за придобивките од приближувањето на Македонија кон ЕУ и НАТО, како и за други актуелни прашања.
„Новата Влада промовира нов стил на транспарентно функционирање во чиј центар се граѓаните и нивните потреби, го слуша гласот на граѓаните и дејствува во интерес на граѓаните“, рекла Шекеринска.
На средбата потпретседателката на СДСМ изјавила дека само во првите 6 месеци Владата успеала да ги зголеми минималната и просечната плата за 90 илјади граѓани.
„Доколку продолжиме со овој ритам, без никаков сомнеж до крајот на 2019 година просечната плата ќе достигне до 30.000 денари. Ја укинавме радиодифузната такса, ја вративме евтината тарифа за струја, парите ги враќаме кај граѓаните. Знаеме, ова е само почеток, посветени сме на подобрување на животот на сите наши граѓани и резултатите ќе бидат повидливи многу бргу“, рекла Шекеринска.
Таа се осврнала и на евроинтеграцискиот процес и враќањето на Македонија на патот на интеграциите потенцирајќи го значењето за граѓаните од членството во ЕУ и НАТО.
„За кус период видовме што значат за економијата пријателството со соседите и соработката во комбинација со вистинските економски политики. За првите три месеци од годинава имаме 235 милиони евра странски инвестици во земјата, рекордно за изминатите 12 години. Инвестициите значат повеќе пари, повеќе можности за нови работни места и за повисоки плати. Кога зборуваме за ЕУ и НАТО, зборуваме токму за тоа, подобар и поквалитетен живот на граѓаните, функционални институции, правна сигурност, безбедност и повеќе пари кај граѓаните“, нагласила Шекеринска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Црвена Младина со герила акција пред седиштето на СДСМ: Вратите на Левица се отворени за сите вистински левичари
![](https://makfax.com.mk/wp-content/uploads/2024/07/crvena-mladina-gerila-akcija.jpg)
Црвената Младина со герила акција пред седиштето на СДСМ за време на внатрепартиските избори за претседател.
„Во период кога партијата се соочува со криза на лидерство и членството е во бунило, ние, како авангарда на работничката класа, одлучивме да подадеме рака на малкумината искрени и чесни левичари кои веруваме дека ги има во СДСМ“, велат од Црвената Младина.
„Со акцијата, им порачавме на сите вистински левичари во СДСМ дека вратите на Левица се отворени за нив. Спремни сме да ги пречекаме сите кои се борат за праведно и солидарно општество. На присутните им поделивме пристапници за членство во политичката партија Левица. Црвена Младина ќе продолжи со своите активности и ќе стои на страната на работниците и ситр угнетени. Нашата борба е борба за социјална правда, еднаквост и слобода“, соопшти Црвената Младина.
Македонија
Изгаснат пожарот во станот во Ѓорче Петров
![](https://makfax.com.mk/wp-content/uploads/2023/02/Pozarnikari-Skopje.jpg)
Пожарот кој се случи во станбената зграда на улицата Виа Игнација број 8 во општина Ѓорче Петров е локализиран и изгаснат, извести директорот на Центарот за управување со кризи, Стојанче Ангелов.
Во пожарот нема повредени лица, додаде тој.
Македонија
Мицкоски се сретна со хрватската амбасадорка: Македонија и Хрватска треба да ги искористат капацитетите на заедничкото пријателство
![](https://makfax.com.mk/wp-content/uploads/2024/07/tiganj-mickoski.jpg)
Премиерот Христијан Мицкоски информираше дека денеска се сретнал со амбасадорката на Република Хрватска, Нивес Тигањ.
„Ги потврдивме исклучителните пријателски односи меѓу двете држави“, кажа Мицкоски и додаде дека изразил благодарност за поддршката која ја добива државава од пријателска Хрватска.
„Македонија и Хрватска треба да ги искористат капацитетите на заедничкото пријателство“, рече премиерот.