Македонија
Ученик со нож се заканувал во училиште во Аеродром, давел и врсник

Ученик од шесто одделение во основното училиште Браќа Миладиновци во Аердором пред два месеца носел нож на часовите и им се заканувал на децата дека ќе ги убие, алармираа денес родителите од одделението.
Во писмо до медиумите тие информираа за настанот, коментирајќи дека покрај тоа што се заканувал, тој давел и дете до снемување воздух, а истепал и неколку соученици, како и наставник, а неговото поведение со години е проблематично. И покрај нивното инсистирање, ништо во меѓувреме не било преземено, велат тие.
Случајот пред два месеца бил пријавен во МВР од страна на директорката на училиштето.
„На 23 март во 11 часот телефонски во полициска станица А.В. (46), директорка на ОУ Брака Миладиновци пријавила дека на 22.03.2023 одземен бил нож од 11 годишен ученик. Полициски службеници излегле на место на настанот и бил извршен разговор со А.В. која појаснила дека на 22.03.2023 околу 09.30ч. таа и стручна служба од училиштето му го одземале ножот на ученикот, по што бил извршрн разговор од нивна страна со родителот на детето. На 23.03.2023год околу 09.30 часот истото дете со клуч од врата им се заканувал на соучениците, по што наставничката И. Н. извршила разговор до детето, по што тоа го напуштило училиштето“, велат од МВР за случајот.
Во извршен разговор подоцна со директорката, таа информирала дека секојдневно од страна на стручен тим педагог и психолог се работи со ученикот и дека од социјален работник од ЈУМЦСР е разговарано со детето.
Од друга страна, родителите, во писмото велат дека свикале итна родителска средба во присуство на директорката на училиштето, која им ветила некои санкции, меѓу кои присуство на часови од личност назначена од директорот и зголемено надгледување од страна на дежурни наставници пред нивната училница, но зборот не бил одржан.
Додаваат дека поднеле барање до дирекцијата на училиштето, Општина Аеродром и МОН, Центарот за социјала, за преместување на ученикот во друго училиште бидејќи и покрај се’ однесувањето на проблематичното дете се влошува, а директорката вчера им забранила влез во училиштето на одредени родители. Според нив, реакциите се сведени на преписки од една до друга институција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делегација на АРМ во посета на сојузната држава Вермонт, САД

Делегација предводена од началникот на Генералштабот Армијата, генерал-мајор Сашко Лафчиски, придружуван од државниот секретар во Министерството за одбрана, Елизабета Чуповска Ристова од денес ќе престојува во повеќедневна oфицијална посета на сојузната држава Вермонт, Соединетите Американски Држави.
За време на посетата која се реализира во рамки на Програмата за партнерство на САД се предвидени повеќе средби со високи претставници од Националната гарда, воениот универзитет Норвич и државата Вермонт. Делегацијата ќе се сретне и со гувернерот на државата Вермонт, Фил Скот.
Главна цел на посетата е унапредување на стратешката одбранбена соработка, размена на искуства и планирање на заеднички обуки и активности
Оваа активност претставува уште еден чекор во зајакнувањето на одбранбените капацитети и интероперативноста меѓу Армијата на Република Северна Македонија и вооружените сили на САД, во духот на сојузништвото во НАТО, соопшти АРМ.
Македонија
Споменик на Андон Лазов Јанев – Ќосето поставен на кружниот тек во Автокоманда

Споменикот на Андон Лазов Јанев – Ќосето, кој беше отстранет од пред комплексот судови, е поставен на кружниот тек во Автокоманда.
„Со поставувањето на спомен обележјето во чест на македонскиот револуционер Андон Лазов Јанев – Ќосето, оддаваме признание за неговиот неуморен дух и саможртва во борбата за слободна и независна Македонија.
Андон Лазов Ќосето, познат по својата борбеност и непокор, е симбол на македонската историја и еден од истакнатите учесници во Илинденското востание. Неговата улога во револуционерното движење е од непроценливо значење за денешната слобода и независност на нашата држава“, објави градоначалничката на Град Скопје, Данела Арсовска.
Споменикот претходно беше поставен пред комплексот судови, а беше отстранет од претходникот на Арсовска, Петре Шилегов.
Арсовска во 2023 година информира дека доставила иницијатива до Советот на Град Скопје за повторно поставување на спомен-обележјето на македонскиот револуционер Ќосето, на нова локација, кај хотелот „Континентал“ односно на крстосницата помеѓу булеварот Александар Македонски и булеварот Беласица.
Споменикот на контроверзниот Андон Лазов-Ќосето (1855-1953), беше поставен пред судовите во 2014, кога градоначалникот беше Коце Трајановски. Ќосето е еден од петте споменици кои Град Скопје ги доби како донација од Здружението за духовно обединување на Сетинци, Попадинци и Крушоради од Лерин. По доаѓањето на функција на ексградоначалникот Петре Шилегов споменикот беше отстранет оти било утврдено дека е дивоградба, односно нема решение за негово поставување.
Откако беше тргнат, споменикот беше однесен во магацин на „Металски завод-Тито“ во Скопје. На неговото место беше засадено дрво гинко, посветено на човековите права со изгравирана плочка донирана од збратимениот град Нирнберг, на која е испишан текстот од членот 10 од Декларацијата за човекови права на Обединетите нации.
Тој член гласи: „Секој има потполно еднакво право на праведно и јавно судење пред независен и непристрасен суд, при одредувањето на неговите права и обврски и во услови на какво и да е кривично обвинение против него“.
Македонија
Во изминатото деноноќие имало 51 пожар во Македонија, денеска се активни осум

Во текот на изминатото деноноќие, 27/28.07, на територијата на Република Северна Македонија се регистрирани вкупно 51 пожар, од кои осум се активни, седум се под контрола, а 36 се изгаснати, информира Центарот за управување со кризи.
АКТИВНИ ПОЖАРИ: 8
1. Општина Василево, Радовиш и Берово – с. Нивичино, на планината Голем Готен и Малешевските Планини (нискостеблеста шума, смрека, грмушки и ниска вегетација).
2. Општина Прилеп – с. Бешиште, м.в. Бешишки Рид, крак кон с. Градешница (опш. Новаци) и крак кон граница со Р. Грција (мешана шума).
3. Прилеп и Кавадарци – помеѓу селата Царевиќ, Смолани, Радобил, Дрен (опш. Прилеп), и Галиште, Трстеник (опш. Кавадарци) (мешана шума и нискостеблеста вегетација).
4. Општина Македонски Брод – помеѓу селата Црешево, Локвица и Крапа (деградирана дабова шума, грмушки и ниска вегетација).
5. Општина Желино – помеѓу селата Церово и Групчин (нискостеблеста и деградирана шума).
6. Општина Крива Паланка – с. Нерав (висока борова шума).
7. Општина Кичево – с. Горно Црско (ниска вегетација и ниска шума).
8. Општина Македонска Каменица – с. Ќосевица (борова шума).
ПОЖАРИ ПОД КОНТРОЛА: 7
1. Старо Нагоричане и Куманово – с. Облавце, Бељаковце, Довезенце, Орах и Руѓинце, со ширење кон с. Димонце и Коњух (опш. Кратово) (ниска вегетација).
2. Општина Петровец – с. Средно и Долно Коњаре (мешана шума).
3. Општина Петровец – Катланово (ниска вегетација).
4. Македонски Брод 1 – с. Грешница (мешана шума и сува трева).
5. Македонски Брод 2 – с. Латово (ниска вегетација и деградирана шума).
6. Општина Штип – помеѓу селата Драгоево и Селце (нискостеблеста шума, прнар и сува трева).
7. Општина Карбинци – с. Јунузлија (шума).
ИЗГАСНАТИ ПОЖАРИ: 36
1. Шуто Оризари – ул. Нов Живот (ѓубриште)
2. Арачиново – с. Орланци
3. Сарај – с. Глумово
4. Зелениково – с. Гумалево
5. Битола – с. Велушина
6. Битола – с. Меџитлија
7. Битола – ул. Игњат Атанасовски
8. Битола – с. Српци
9. Прилеп – м.в. Млекара Софија (2 интервенции)
10. Прилеп – с. Мало Коњари
11. Долнени – с. Сивје
12. Долнени – с. Долнени
13. Долнени – с. Секирци
14. Кривогаштани – с. Крушеани
15. Струмица – с. Баница и нас. Софилари
16. Струмица – с. Колешино (Колешнски водопади)
17. Василево – с. Сушево кон Добрашинци
18. Гевгелија – с. Моин – с. Ново Коњско
19. Охрид – с. Вапила
20. Струга – с. Ново Село и с. Делогожда
21. Кичево – кај РЕК Осломеј
22. Македонски Брод – с. Требовље
23. Велес – влив на река Бабуна
24. Свети Николе – с. Преод
25. Свети Николе – с. Долно Ѓуѓанци
26. Свети Николе – с. Стањевци
27. Пробиштип – с. Гајранци
28. Куманово – с. Тромеѓа
29. Куманово – ул. Октомвриска револуција
30. Липково – с. Отља
31. Брвеница – с. Радиовце
32. Боговиње – с. Камењане кон с. Јеловјане
33. Гостивар – с. Чајле
34. Гостивар – с. Чегране
35. Гостивар – нас. Циглана
36. Врапчиште – с. Градец