Македонија
Ѓорчев: СДСМ и Зоран Заев го штитат Курто Дудуш во сите негови насилства

„Денеска имаме ново продолжение, каде што Курто Дудуш спрема претепаното лице упатува навреди, закани и омаловажување со говор на омраза. Имаме цела низа и цела композиција на однесување, кое е крајно загрижувачко. Јасно е дека има киднапирања, претепувања и катастрофално однесување“, изјави Влатко Ѓорчев, пратеник на ВМРО-ДПМНЕ во Собранието.
Според него, во јуни минатата година имавме директна изјава од Зоран Заев, кој самиот рече дека ако се потврди случајот со Курто Дудуш, лично ќе му побарал оставка. Случајот со Курто Дудуш не само што се потврди туку тој се повторува и на дневна основа, а гледаме дека нема никаква реакција.
„Пораката е повеќе од страшна. Ќе ги кажам работите во композиција, кои се однесуваат на Курто Дудуш. Курто Дудуш како пратеник директно пред камери рече дека членската книшка на СДСМ е нова лична карта, нова возачка дозвола и дека со членската книшка на СДСМ ќе се добива социјална помош.
Курто Дудуш како дел од својата кампања е посредно и непосредно поврзан со претепувањето и кршењето череп на својот противкандидат за време на локалните избори. Курто Дудуш во својата канцеларија како градоначалник на СДСМ претепа и киднапира лице, сега со истото лице се исмева, на истото лице му се заканува. Каква е реакцијата? Нема реакција, туку, напротив, тој е заштитен од Зоран Заев и СДСМ, а Оливер Спасовски го посетува во неговата канцеларија. Значи, пораката од ова е повеќе од јасна.
СДСМ ги заштитува насилниците. СДСМ ги заштитува оние што се изживуваат врз луѓето, нема никакви последици врз нив, а напротив, тоа голем ризик и за претстојните парламентарни избори. Луѓето како Курто Дудуш и Зоран Заев треба да си заминат. И двајцата треба да си поднесат оставка и Македонија треба да биде нормална земја. Ова не се случува и не е нормално да биде редовна состојба и несанкционирана во кое било демократско општество“, вели Ѓорчев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити: Буџетот на Чаир, Бујар би го потрошил за една недела, државниот ревизор му ги извади валканите алишта на виделина

Кандидатот за градоначалник на Чаир од коалицијата „Вреди“, Изет Меџити, денеска реагираше на начинот на кој поранешниот министер Бујар Османи ги менаџирал јавните пари, предупредувајќи дека злоупотребите и вештачки надуените цени во тендерите се директна опасност за секоја институција и за буџетот на граѓаните.
„Ако само замислиме дека со вакви цени, со вакви рекетирања, Бујар ќе ја косеше тревата во Чаир исто како во салата ‘Борис Трајковски’, тогаш е јасно дека буџетот на општината ќе се проголта за една недела. Со таков начин на лошо менаџирање, наставниците ќе останеа без плати, а граѓаните без основни услуги“, изјави Меџити.
Тој се повика на последниот извештај на Државниот завод за ревизија, кој како што оцени, констатирал сериозни злоупотреби при организацијата на дводневен самит, за кој биле потрошени околу два милиони евра државни пари.
„Овде не станува збор за мои зборови или политички обвинувања. Овде зборуваат фактите, документите и официјалните извештаи. А кога еден министер троши два милиони евра за дводневен самит, додека граѓаните се мачат со инфраструктура, образование и основни услови, тоа е непростливо“, нагласи Меџити.
Тој потсети и на времето кога Османи беше министер за здравство, споменувајќи дека во Гинеколошката болница во Чаир тогаш добил прекар „пациентот“ – што според него е симболичен показател за неуспешното раководење со институциите.
Меџити кој денес оствари посета на ОУ “Васил Главинов” порача дека Чаир заслужува транспарентно управување, реални инвестиции и грижа за граѓаните, а не злоупотреби и тендери со рекетирање.
„Граѓаните имаат право да знаат каде завршуваат нивните пари. Моја обврска како иден градоначалник е да ја вратам довербата и да го заштитам буџетот на Чаир од вакви злоупотреби“, заклучи тој.
Македонија
На Табановце се чека околу 30 минути

Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен, поради летните одмори се бележи зголемена фрекфенција на возила, на ГП Табановце времето на чекање за излез од државата е околу 30 минути, додека на останатите граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утре ќе се прска против комарци во Скопје

Од Градот Скопје известуваат дека утре (петок), во раните утрински часови ќе се изврши авионска дезинсекција на подрачјето на градот Скопје против ларви од комарци.
Доколку временските услови не го дозволуваат вршењето на дезинсекцијата, ќе се прска првиот нареден ден, кога ќе бидат поволни временските услови, во истиот термин.
Се известуваат пчеларите навреме да ги преземат потребните мерки за заштита на пчелите.