Македонија
Јавен повик за субвенционирање чистење оџаци во Скопје
Град Скопје упати јавен повик за субвенционирање домаќинства и други субјекти на подрачјето на град Скопје за чистење оџаци за 2018 година.
Повикот е во тек, почна на 25 септември, а трае 60 дена од денот на објавувањето, заклучно со 22 ноември и се реализира по принципот прв дојден, прв услужен.
Со овој повик Град Скопје ќе им надомести дел од трошоците на домаќинствата и на други субјекти за чистење на оџаците во износ од 1.000 денари, а на јавниот повик може да учествуваат физички и правни лица чие живеалиште, односно седиште, е на подрачјето на град Скопје.
За надоместување на дел од трошоците и докажување дека критериумите за учество се исполнети, барателот до Град Скопје треба да ги достави следниве документи:
– Барање за надоместок (барањето може да се подигне во архивата на Град Скопје или да се обезбеди од интернет-страницата на Градот: HYPERLINK http://www.skopje.gov.mk, www.skopje.gov.mk);
– Доказ за жителство на град Скопје: фотокопија од лична карта или пасош;
– Доказ за правен субјект: тековна состојба не постара од 6 месеци;
– Потврда за реализирано чистење оџак, потпишана од стручното лице што го исчистило оџакот;
– Фискална сметка од фирмата регистрирана за дејност чистење оџаци (шифра 81.22, во согласност со Националната класификација на дејности). Фискалната сметка треба да биде издадена во периодот од почетокот на јавниот повик до денот на завршувањето на повикот; и
– Фотокопија од трансакциска сметка/жиро-сметка.
Барањето за искористување на правото за надоместок на дел од трошоците, заедно со потребната документација, треба да го достави во затворен плик до Град Скопје, булевар Илинден бр. 82, во архивата на Град Скопје, секој работен ден од 8.30 до 15 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Илинден и Ѓорче Петров денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09:00 до 13:00 часот, улица Бунарџик. (Општина Илинден)
– во периот од 09-00 до 15-00 часот, дел од корисниците на улиците: Мице Козар и Ѓуро Салај. (Општина Ѓорче Петров)
Македонија
Сончево и релативно топло со мала до умерена облачност
Сончево и релативно топло со мала до умерена облачност. Во утринските часови наместа ќе има зголемена облачност која во текот на денот ќе се намали. Ќе дува слаб ветер од северен правец. Минималната температура ќе биде во интервал од -2 до 3, а максималната ќе достигне од 12 до 17 степени.
Во Скопје, претпладне во делови од котлината ќе има услови за појава на слаба магла. Во текот на денот времето ќе биде сончево со мала до умерена облачност и претежно тивко. Минималната температура ќе се спушти до 1, а максималната ќе достигне до 14 степени.
Времето во наредниот период
Продолжува период на стабилно и релативно топло време. Во текот на ноќите и во утринските часови ќе има појава на магла на одредени места и зголемена облачност која во текот на денот ќе се намалува.
Македонија
Сообраќајот на граничниот премин Евзони (ГП Богородица) се одвива нормално
Сообраќајот на ГП Евзони (ГП Богородица) се одвива нормално, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

