Контакт

Македонија

Јакимовски: Советниците на ГРОМ ќе продолжат да ги поддржуваат градоначалниците на ВМРО-ДПМНЕ

Објавено пред

Градоначалникот на општина Карпош Стевчо Јакимовски му порача на претседателот на ВМРО-ДПМНЕ Христијан Мицкоски дека советниците од неговата партија во сите општини ќе продолжат да ги поддржуваат и ќе гласаат за ветените проекти и програми на градоначалниците на ВМРО-ДПМНЕ, за разлика од советниците на ВМРО-ДПМНЕ во Карпош, кои упорно ја опструираат работата на општината.

dobivaj vesti na viber

Јакимовски го прашува Мицкоски дали чувствува одговорност за опструкцијата што ја прави во општините во кои што тој нема градоначалник, вклучувајќи го и градоначалникот на Скопје, којшто очигледно веќе не го чувствува за свој.

„Сакам да му порачам на мојот колега Муцунски од општина Аеродром дека нема потреба и натаму да прави обиди за купување  советник од ГРОМ, под изговор за наводна грижа за негово работно ангажирање. И ова е порака не само до него туку до сите градоначалници, не само од ВМРО-ДПМНЕ туку од која било партија. Таму каде што советникот на ГРОМ е одлучувачки, советниците на ГРОМ немаат добиено наредба да ги опструираат градоначалниците и нивните одлуки. Ќе продолжиме така, немате потреба од никакво купување, напротив, секаде ќе бидете поддржувани  со цел да ги исполните ветувањата коишто ги дадовте на граѓаните во општините во коишто ја добивте власта. Сакам јасно да ви кажам дека вака работам јас и Граѓанската опција за Македонија – ГРОМ. Ние секаде ќе ве поддржуваме, за разлика од вас коишто нè опструирате во општина Карпош и 2025 година, граѓаните ќе можат да направат разлика, меѓу вас, кои сте поддржувани, и мене, којшто во континуитет ме опструирате.

Во исто време, сакам да му порачам на господинот Христијан Мицкоски, за бетонизација на Карпош, не може во мене да најде квалитетен соговорник. Искрен да бидам, тој не е квалитетен соговорник за многу работи. Но, се прашувам, како тој е квалитетен соговорник за градоначалникот на Ѓорче Петров, господинот Александар, и таму се договараат да се изгласа цела населба, со 50 нови станбени згради, од кои и 17-катници. И да му повторам, и советникот од ГРОМ исто така гласаше, со цел да не врши опструкција на градоначалникот на Ѓорче Петров, и ние ќе продолжиме така. Но, во исто време сакам да му порачам на господинот Христијан Мицкоски дека будно ќе следиме каде  и во кои општини ќе се носат урбанистички планови за наводна бетонизација на општините, и сето тоа ќе го претставуваме пред граѓаните, со цел да се види неговата лицемерна и лажна политика, зад којашто практично се крие само опструкција и ништо повеќе во општина Карпош. И сакам само да го прашам, чувствува ли одговорност за тоа што се случува во Скопје. Чувствува ли одговорност за неговите неодговорни политики? И чувствува ли одговорност за опструкцијата што ја прави во општините во коишто тој нема градоначалник, вклучувајќи го и градоначалникот на Скопје, којшто очигледно веќе не го чувствува за свој. И очигледно дека ова е негов начин и модел на функционирање, опструкција во општините, опструкција во столицата на Р Македонија, опструкција во Собранието на Р Македонија“, вели Јакимовски.

Додава дека граѓаните јасно ќе препознаат кој е конструктивен и кој нуди решенија за нивните проблеми, „а кој само кенка, како дете пред исфрлање  сипаници и сè му пречи и е против сè, а демек кога ќе дојде на власт, тој ќе ги решел сите проблеми“.

„За жал, она како ги демонстрира, како ја води локалната самоуправа и градот Скопје е вистински пример за тоа каков хаос ќе направи ако не дај Боже еден ден, го превеземе водството во РМакедонија“, истакнува Јакимовски.

Македонија

Филипче: Бошњачката заедница е нераскинлив дел од нашето мултиетничко општество

Објавено пред

Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).

dobivaj vesti na viber

Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.

Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.

„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.

„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.

Прикажи повеќе...

Македонија

Промена на времето: УХМР за утре најавува дожд, силен ветер и драстичен пад на температурите

Објавено пред

Управата за хидрометеоролошки работи најавува значителна промена на времето утре – дожд, засилен ветер и пад на температурата.

dobivaj vesti na viber

Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.


ИЗВОР: УХМР

Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.

Во Скопје, утре ќе има повремени врнежи од дожд, локално со појава на ретки грмежи и силен ветер.

Од четврток се очекуваат нови врнежи од дожд.

Прикажи повеќе...

Македонија

Претседателката Сиљановска Давкова се сретна со генералниот секретар на Советот на Европа, Алан Берсе

Објавено пред

Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.

dobivaj vesti na viber

На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.

Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.

Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.

На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.

Прикажи повеќе...

Најново

Свет4 часа

(🔴 Во живо) Ескалација на конфликтот меѓу Израел и Хезболах, нова огромна експлозија го потресе Бејрут

Од минута во минута за најновите случувања на Блискиот исток! 🕑 21:10 Камала Харис: Хасан Насралах беше терорист со американска...

Македонија5 часа

Промена на времето: УХМР за утре најавува дожд, силен ветер и драстичен пад на температурите

Управата за хидрометеоролошки работи најавува значителна промена на времето утре – дожд, засилен ветер и пад на температурата. Утре под...

Свет7 часа

Анкетите покажаа изедначеност на Трамп и Харис во клучните држави за победа на изборите

Резултатите од истражувањето спроведено од Њујорк тајмс и колеџот Сиена покажаа дека кандидатите на претседателските избори во САД, републиканецот Доналд...

Регион9 часа

(Видео) Невреме во Словенија: по обилните дождови се излеа река, поплавени патишта, подруми и ниви

Реката Соча и нејзините притоки на запад од Словенија се излеаjа по обилните дождови во областа Бовец и поплавија патишта,...

Економија9 часа

(Видео) Битиќи: Со Законот за нефер трговски практики на СДСМ ќе поевтинат 2.500 производи

„Денес имаме причина да се гордееме! Законот за нефер трговски практики, кој беше подготвен од СДСМ и донесен на 13...

Македонија9 часа

(Видео) Лефков: СДС како власт ги користеле институциите за испумпување на пари преку тендери

„СДС како власт ги користеле институциите за испумпување на пари преку тендери“, рече денеска на прес-конференција, Миле Лефков, пратеник и...

Македонија10 часа

АХВ спроведе вонредни контроли во Кавадарци, недоследности се најдени кај три ресторани и една месарница – изречени се парични казни

Инспекциските служби на Агенција за храна и ветеринарство (АХВ) неделава спроведоа вонредни инспекциски контроли и кај оператори со храна во...

Македонија11 часа

Средба на министерот Муцунски со МНР на Република Индија, Џаишанкар

Министерот за надворешни работи и надворешна трговија, Тимчо Муцунски, на маргините на 79-то Генерално Собрание на Обединетите нации, оствари средба...

Свет11 часа

Убиен e лидерот на Хезболах, соопшти израелската армија

Израелската армија соопшти дека лидерот на Хезболах, Хасан Насралах е убиен. Во објава на X, израелската армија ИДФ соопшти дека...

Свет13 часа

(Видео) Ураганот во САД однесе 44 животи, речиси 5 милиони граѓани без струја

Бројот на жртвите од ураганот Хелена, кој ги погоди САД, се зголеми на 44, а 4,6 милиони луѓе се без...

Свет13 часа

(Фото+видео) Израел изврши огромни напади врз Бејрут – има загинати и повредени

Најмалку шест лица се убиени во најновите воздушни напади, а 91 е ранет, според либанското Министерство за здравство, кое соопшти...

Македонија1 ден

Сомнеж за труење со храна во основното училиште„Ѓорѓија Пулевски“во скопски Аеродром: затворена е кујната

Наредено е затворање на кујната, по добиено известување за сомнеж за труење со храна на 8 деца во основното училиште...

Македонија1 ден

Орбан има предлог за изнаоѓање решение со Бугарија, му го кажал на Мицкоски

Следен чекор е Северна Македонија да се спогоди со Бугарија, изјави унгарскиот премиер Виктор Орбан при посетата во Охрид за...

Македонија1 ден

Oрбан: Историска грешка е што преговорите на Северна Македонија со ЕУ сè уште не се почнати

Унгарскиот премиер Виктор Орбан, кој престојува во дводневна посета на земјата, оцени дека е историска грешка што Брисел сè уште...

Македонија1 ден

Водата во Гостивар неисправна за пиење, најдена е ешерихија коли

Од ЕЛС – Гостивар известуваат дека со најновите микробиолошки анализи водата од јавниот водовод моментно не е безбедна за пиење....

Македонија1 ден

„Македонија го доживеа најголемиот пораз со ЕУ“, велат од партијата на Љубчо Георгиевски

Како што и се очекуваше, Македонија го доживеа најголемиот пораз од времето кога прва во регионот како најуспешна држава во...

Македонија1 ден

Радев за одлуката на ЕУ да преговара за прием на Албанија: Логични последици од она што се случува во Скопје и Тирана

Бугарскиот претседател Румен Радев ја дефинира одлуката на Европската Унија за почеток на пристапните преговори со Албанија, но не и...

Свет1 ден

(Видео) Ураганот Хелен ја опустоши Флорида: поплавени куќи, урнати дрвја, милиони без струја

Ураганот Хелен, кој ослабе од категорија 4 на категорија 1 откога ја опустоши Флорида, ќе продолжи да предизвикува бранови опасни...

Македонија1 ден

Кривична против ексдиректор на Затвор Струмица: им наредувал на затворски полицајци да ослободуваат осуденици

СВР Струмица, до Основното јавно обвинителство Струмица, поднесе кривична приjава против 40-годишниот Б.Ц. од Струмица поради постоење основи на сомнение...

Свет2 дена

Макрон: Би било грешка Нетанјаху да одбие прекин на огнот во Либан

Францускиот претседател Емануел Макрон изјави дека би било „грешка“ за израелскиот премиер Бенјамин Нетанјаху да го одбие примирјето предложено за...