Македонија
Јанушев: Шијем ти га Ѓуро, стани Таче да те види сала и кажи дека новата коалиција е само за останување на власт

Пратеникот од ВМРО-ДПНЕ Игор Јанушев од собраниската говорница рече дека ова што го гледаме последните неколку дена не наликува ни на квази-политика, туку наликува на папагал политика.
„ЕУ, ЕУ,ЕУ е единствено што овие од власта знаат да го кажат. ЕУ не е политика на желби туку на вредности. ТВ премиерот рече дека одлуката е како ќе опстанеме како држава. Јас ќе му кажам, шијем ти га Ѓуро. Стани Таче да те види сала и кажи дека одлуката за нова коалиција е само за останување на власт и да завржиме со циркусот“, рече Јанушев.
Јанушев, покажа 20 страни, како што рече полни со критики на Алијанса и Таравари за ДУИ, цитирајќи една од нив, дека ослободување од ДУИ ќе значи ослободување од Енвер Хоџа, а сега гледаме како се приклонува кон Енвер Хоџа заради една куќа во Тафталиџе.
„Единствените кочничари за ЕУ сте вие и затоа престанете со празното дробење слама“, додаде тој..
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.