Секојдневно, ДУИ шири ниски и бесрамни лаги против владењето на „Вреди“, обидувајќи се да ја измами јавноста со празни тврдења за наводно намалување на застапеноста на Албанците во институциите. Но вистината е поинаква, а фактите говорат јасно, велат од „Вреди“.

Како што додаваат, истата таа ДУИ што денеска зборува за застапеност, била 20 години на власт и за тоа време ги оставила Албанците со нула застапеност во многу клучни државни институции.

„Еве неколку докази за оваа хипокризија:
0 Албанци во Специјалната единица „Тигри“
0 Албанци во Специјалната единица „Волци“
0 Албанци во Единицата за брза интервенција
0 Албанци во Дирекцијата за слободни економски зони
0 Албанци во Академијата на науките
0 Албанци во Агенцијата за филм.

ДУИ нема право да зборува за застапеност, таа е партијата што ја предаде Охридската рамковна спогодба и крвта на мачениците кои се бореа токму за правична застапеност и еднаквост во секоја институција“.

Според „Вреди“, за ДУИ, Албанците во овие институции биле еднакви на нула.

„Вреди“ нема повеќе да дозволи лагите да станат стандард. Ќе продолжиме да ја кажуваме вистината, да ја разобличуваме секоја институција каде Албанците се исклучени и да работиме за вистинска еднаквост.
А колку „Вреди“ се грижи за Албанците, покажува и фактот што само за една година владеење го донесуваме Законот за правична и соодветна застапеност, кој покрај подобрувањето на застапеноста, гарантира и поквалитетен кадар, професионалци со реално влијание во носењето одлуки“.

Албанците не се бројки за манипулација, ниту нули за игнорирање.

ДОСТА СО ЛАГИ! ОТКРИЕНИ СТЕ!

Центарот за управување со кризи информира дека во моментов се активни девет пожари, меѓу нив и пожарот на депонијата во Визбегово, како и во Чучер Сандево.

Од ЦУК напоменуваат дека пресекот е изработен врз основа на информации од регионалните центри. Од Регионалниот центар – Скопје се добиени податоци само за периодот од 20:00 до 07:00 часот.

Состојба со пожари на отворен простор (09/10.07.2025 до 07:00 часот)
Вкупно активни пожари: 63, од кои:
• Активни: 9
• Под контрола: 4
• Локализирани: 1
• Изгаснати: 49

Активни пожари (9):
1. Чучер Сандево – Блаце (ниска вегетација)
2. Шуто Оризари – с. Визбегово (депонија)
3. Прилеп – с. Бешиште, м.в. Бешишки Рид (мешана шума)
4. Македонски Брод 1 – помеѓу с. Црешнево и с. Локвица (дабова шума и грмушки)
5. Македонски Брод 3 – с. Рамне (ниска вегетација, пожар проширен од фабрика „Самоков“)
6. Македонски Брод 4 – с. Слатина (мешана шума)
7. Македонски Брод 5 – с. Ковче (мешана шума)
8. Чашка – под Солунска Глава, м.в. Изворите на Бабуна и Бабина Дупка (чад во карпест дел)
9. Дојран – с. Николич (нискостеблеста шума)

Локализиран пожар (1):
1. Кочани – м.в. Бабиште, помеѓу с. Јастребник и с. Полаки (ниска вегетација и мешана шума)

Пожари под контрола (4):
1. Делчево – Градска депонија „Острец“
2. Виница – с. Драгобраште (ниска вегетација и нискостеблеста шума)
3. Крива Паланка – с. Градец и с. Лозаково (борова, дабова и багремова шума)
4. Желино – с. Ларце – различна локација (мешана шума)

Изгаснати пожари (49):
• Скопски регион: Гази Баба (Смилковско), Шуто Оризари, Куманово (11 локации), Чучер Сандево
• Пелагониски регион: Прилеп (7), Битола, Могила, Крушево (2)
• Вардарски регион: Велес (5), Кавадарци, Росоман
• Источен регион: Кочани, Виница, Делчево, Пробиштип (3), Чешиново-Облешево
• Североисточен регион: Ранковце, Кратово, Старо Нагоричане (2)
• Југоисточен регион: Радовиш, Ново Село, Дојран
• Повардарски регион: Свети Николе (3)
• Полошки регион: Желино (2), Теарце, Гостивар, Јегуновце.

Регионалниот центар за управување со кризи на Град Скопје, по добиеното известување од ЈП Водовод и канализација, информира дека денеска:

· поради уличен дефект ф 300 мм на улицата Борис Трајковки бр.73, прекинато водоснабдување ќе имаат корисниците од улицата Борис Трајковски краците 7, 9 и 11 и дел од улицата Борис Трајковски од 09:00 часот до завршување, општина Кисела Вода;

· поради уличен дефект ф 80 мм на улицата Луј Пастер бр.3, прекинато водоснабување ќе имаат корисниците на дел од улицата Луј Пастер и дел од Кино Култура од 09:00 часот до завршување, општина Центар.