Македонија
Јаулески: Ќе поднесеме закон за субвенциониран студентски оброк за зголемување на субвенцијата од 120 на 160 денари

Денес, до Собранието ќе поднесеме закон за субвенциониран студентски оброк, со кој бараме зголемување на субвенцијата од 120 на 160 денари и исплата на средствата по истиот принцип како и минатата година, информира Јован Јаулески, пратеник од пратеничката група на ВМРО-ДПМНЕ.
„Студентите нема да земат финансиски средства за субвенциониран студентски оброк овој месец затоа што владејачкото мнозинство лани брзаше со законските измени и донесе конфузни решенија, кои оставаат правна празнина и неможност на Министерството за образование и наука да исплати средства. Ја повикуваме власта да го прифати нашиот предлог-закон и веднаш да им се помогне финансиски на студентите со цел зачувување на и онака кревкиот студентски стандард“, додаде Јаулески.
Освен студентите, вели тој, и средношколците треба да добијат соодветна финансиска поддршка и за нив се бараат по 3.000 денари месечно во периодот додека трае кризната состојба, т.е. до 30 април 2023 година.
„Владата мора да скрати од своите луксузирања за да им покаже на младите, т.е. иднината на државата, дека мисли на нив. Без младина, нема иднина. Состојбите со кои се соочуваат студентите се загрижувачки. Кај нас власта гледа да скрати, а во многу европски земји се даваат дополнителни средства за студентите. Токму затоа преку Клубот за младински прашања и политики ќе иницирам одржување јавна расправа, на која ќе бидат поканети релевантните институции, но и претставниците на студентите. Мора да најдеме одржливи решенија за проблемите со кои се соочуваат студентите“, појасни Јаулески.
Оваа власт, како што рече, ветуваше повисстуок дентски стандард, ветуваше поквалитетно образование, а ги излажа студентите. „Еве можност не само преку декларативни заложби туку со прифаќање на ова предлог-законско решение да покажат дека барем малку мислат на студентите“, потенцира Јаулески.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„40 милиони евра изгубени – дебакл на Европската агенда на сите фронтови“, велат од ДУИ

„Во сенка на големиот дебакл во Европскиот парламент поминува веста дека државата изгуби речиси 40 милиони евра од Планот за раст на Европската Унија. Овие средства не беа симболични. Тие беа наменети за поддршка на реформите што директно влијаат врз економијата, енергетиката, образованието и стандардот на граѓаните“, велат од ДУИ.
„Но, неспособноста, некоординираноста и институционалниот хаос станаа пречка дури и за повлекување на веќе одобрени фондови. Министерството за енергетика доби негативна оценка од Брисел за реформите што требаше да ги спроведе до декември 2024 година, со што државата остана без 2,1 милион евра.
Истото министерство не ги исполни ниту обврските за јуни 2025 година, со што се изгубија уште најмалку 10 милиони.
Министерството за финансии, пак, со ист таков неуспех, го загуби најголемиот дел од очекуваните 4,2 милиони евра. Три министерства, три сериозни институции, и ниту едно чувство на итност, одговорност. Северна Македонија требаше да добие 17 милиони евра за реформите до декември и уште 70 милиони за обврските до јуни. Наместо тоа, добивме празна реформска каса, изгубен кредибилитет и понижување пред европските партнери. Во време кога регионот напредува, нашата држава сама си поставува сопки, блокирајќи го патот не само кон ЕУ, туку и кон нормалноста.
Ова е дебакл на портфолиото на Министерството за европски прашања, во чија надлежност е следење, координација, контрола, подготвеност и одржување на капацитетите за апсорпцијата на странската помош, особено таа од ЕУ
Ова е модел на владеење кој произведува застој, несигурност и економска штета. Владата не ја изгуби само довербата на Брисел, таа ја губи и довербата на сопствените граѓани.
Никој не може да зборува за развој и просперитет, додека паралелно го блокира пристапот до фондови што се заслужени, не подарени.
ДУИ бара итна објаснување: кој е одговорен за оваа загуба и што ќе преземе Владата за да спречи нова катастрофа.
Зашто држава која не знае да ги искористи шансите, нема право да се жали на пречките. И додека граѓаните се соочуваат со зголемени трошоци, инфлација и институционален хаос, Владата дозволува 40 милиони евра да испарат без глас, без реакција. Тоа не е реформа. Тоа е саморазорување“, се наведува во соопштението на ДУИ.
Македонија
Без струја денеска дел од Кисела Вода

Од ЕВН Македонија АД известуваат дека денеска без електрична енергија ќе останат:
– во периодот од 12.00 до 14.00 часот, корисниците од улицата Свети Наум Охридски, општина Кисела Вода.
Македонија
Околу половина час се чека на Богородица и Табановце

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна време на чекање на Богородица 20-30 минути, на Табановце 20-30 минути, на останатите гранични премини нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.