Македонија
ЈП „Паркови и зеленило“: Интензивно уредување на кејот на Вардар
Екипите на ЈП „Паркови и зеленило“ деновиве вршат интензивни активности на уредување на вегетацијата на кејот на реката Вардар во координација со Град Скопје и другите јавни претпријатија.
Уредувањето започна на потег од Железниот мост, по должина на десното течение на реката Вардар кон мостот Гоце Делчев, како и на потег од Железниот мост по должина на левото течение на реката Вардар кон вливот на Серава, како и од вливот на Серава по левото течение кон пешачкиот мост во Градскиот парк.
Eкипите, како што информираат од таму, денес продолжуваат со косење на зеленилото и уредување на вегетацијата на кејот на Вардар, на потег од паркот на езерата кон мостот Близнак, од паркот на езерата кон ПИОМ, од Камени мост кон мостот на булевар Филип Втори, како и од пешачкиот мост во Градскиот парк по течението на левата и десната страна на реката Вардар.
Екипите со соодветна механизација работат на косење на тревните површини, сечење избојци, косење на обрасната нискостеблеста вегетација, чистење на површините на косините и ширините од коритото на реката Вардар. Исто така, екипи од Секторот дрвореди извршија кастрење на диво нискостеблеста израсната вегетација.
Извршена е и санација на 27 клупи на кејот, на потег од Железниот мост до Канал 5ТВ и на 36 дрвени талпи за седење, на скали карши вливот на Лепенец во Вардар, односно нивно фарбање, прицврстување, и менување на истите онаму каде недостасува.
Во заедничка соработка со Град Скопје и останатите Јавни претпријатија посветено и редовно работиме на одржување на јавните зелени површини во градот во полза на посетителите и за целите за рекреација на граѓаните на кејот на Вардар, велат од таму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Неколку скопски општини денеска без струја
Од ЕВН Македонија АД известуваат дека денеска без електрична енергија ќе останат:
– од 08:30 до 14:00 часот, корисниците од дел од улиците: Полог и Кочанска, општина Кисела Вода;
– од 08:30 до 16:00 часот, корисниците од населените места и објектите од село Алдинци кон Солунска Глава, општина Студеничани;
– од 09:00 до 14:00 часот, корисниците од дел од ул. Македонско Косовска Бригада, општина Шуто Оризари;
– од 09:00 до 14:00 часот, корисниците од објектите во околината на зграда бр. 17 на бул. Партизански Одреди, општина Центар;
– од 09:30 до 13:00 часот, корисниците од ул. 6 во село Бардовци, општина Карпош.
Македонија
Непречен сообраќај по влажни коловози
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Времето денес облачно со повремени врнежи од дожд и засилен ветер
Времето денес ќе биде променливо облачно и релативно топло со повремени локални врнежи од дожд. Наместа врнежите ќе бидат поројни со услови за појава на грмежи. Ќе дува засилен до силен ветер од југозападен правец (над 70 km/h). Минималната температура ќе биде во интервал од 8 до 15, а максималната ќе достигне од 19 до 24 степени.
Во Скопје, променливо облачно, претпладне со повремен дожд, локално пороен. Ќе дува умерен, во делови од котлината повремено засилен ветер од јужен правец. Минималната температура ќе се спушти до 13, а максималната ќе достигне до 23 степени.
Во утре ќе има преодно стабилизирање на времето. Од недела до вторник ќе преовладува променливо облачно време со повремени локални врнежи од дожд. Во понеделник наместа врнежите ќе бидат пообилни и поројни со услови за појава на грмежи. Ќе дува засилен, повремено силен ветер од јужен правец (над 70 km/h).

