Македонија
„Јунајтед груп“ се приклучува на глобалниот договор на Обединетите нации

Јунајтед Груп објави дека се приклучи на иницијативата на Глобалниот договор на Обединетите Нации (ОН). Ова е доброволна платформа за лидерство која промовира развој, имплементација и откривање на одговорни деловни практики ширум светот.
Со оваа иницијатива, Јунајтед Груп им се придружува на илјадници други компании ширум светот кои се посветени на преземање одговорни деловни активности за да го создадат светот што сите го посакуваме. Глобалниот договор на ОН е повик до компаниите да ги усогласат своите операции и стратегии со десет универзално прифатени принципи во областа на човековите права, трудот, животната средина и анти-корупција и да преземат активности за поддршка на целите и прашањата на ОН отелотворени во Целите за одржлив развој (ЦОР).
Лансиран во 2000 година, Глобалниот договор на ОН е најголемата иницијатива за корпоративна одржливост во светот, со повеќе од 15.000 компании и 3.000 останати потписнички кои не се бизниси, со седиште во над 160 земји и повеќе од 70 локални мрежи.
Викторија Боклаг, извршната директорка на Јунајтед Груп, изјави:
– “Времето е од суштинско значење, а во Јунајтед Груп ние сме посветени на интегрирање на одговорни практики во сите аспекти на нашиот бизнис и работа со нашите засегнати страни за да создадеме одржлива иднина за сите. Нашата одлука да се приклучиме на Глобалниот договор на ОН е јасен одраз на нашата посветеност кон одговорните деловни практики. Возбудени сме што работиме заедно со други компании и останати засегнати страни во оваа клучна иницијатива и желни сме да придонесеме за позитивни промени во светот.“
За Јунајтед Груп
Јунајтед Груп со седиште во Холандија е водечки телекомуникациски и медиумски оператор во Југоисточна Европа. Компанијата, која е активна во осум земји, има повеќе од 15 милиони корисници и речиси 15.000 вработени. Таа генерира речиси 2,7 милијарди евра годишни приходи. Јунајтед Груп има најширока мрежна покриеност во регионот и им нуди на корисниците најатрактивниот избор на ТВ содржини од целиот свет. Значајните инвестиции во дигиталната инфраструктура, содржината и технологијата обезбедуваат извонредност на производите и услугите што ги обезбедува на клиентите. Јунајтед Груп, во чии рамки работи компанијата Тотал ТВ во Република Северна Македонија, е во мнозинска сопственост на BC Partners, една од најголемите светски инвестициски компании, од март 2019 година.
(ПР)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.
Македонија
Мицевски: Интерпелацијата за министерот Тошковски не доби поддршка

„Интерпелацијата за министерот Панче Тошковски не доби поддршка. Очекувано од неколку причини“, напиша Никола Мицевски, пратеник од ВМРО-ДПМНЕ.
„Потребна е стабилност, а не политичко дестабилизирање. Во услови кога Владата е во фаза на спроведување важни реформи, особено во безбедносниот сектор, несериозни интерпелации создаваат дополнителна нестабилност и можат да го компромитираат спроведувањето на започнатите процеси. Јавната безбедност бара стабилност, континуитет и институционално зајакнување, а не секојдневни политички турбуленции“, додаде тој.