Македонија
„Ќе гласам према народот“ – Панчо Минов за уставните измени

Пратеникот од ГРОМ, Панчо Минов, за „Макфакс“ одговори дека за уставните измени во Собранието ќе гласа така како што гласал народот. На прашањето дали ќе гласа за уставните измени со кои треба да се примени договорот од Преспа, Минов кратко одговори: „Према народот, како?!“
На дополнително прашање дали тоа значи дека нема да гласа за промената на Уставот во Собранието, Минов само дополни „Вие ме прашавте, јас ви одговорив“. Минов рече дека до денеска власта не го консултирала во обидот да го убеди да гласа за уставните промени за договорот со Грција. Минов, кој беше избран за пратеник на изборите во 2016 како дел од коалицијата предводена од ВМРО-ДПМНЕ, беше против Законот за употреба на јазиците.
„Макфакс“ го консултираше пратеникот Зеќир Рамчиловиќ, но тој не одговори на телефонскиот повик. Тој беше избран за пратеник на парламентарните избори во 2016 година од АВАЗ во коалицијата „За подобра Македонија“, предводена од ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.