Очигледно наместо да зборуваме што е потреба за граѓаните, очигледно дебатата е кој обезбедил, што обезбедил, кој што не направил, кој што направил, се со цел да се одбиваат амандманите, истакна пратеникот на СДСМ Јован Митревски, на амандманската расправа за Буџетот на седницата на комисијата за финансирање и буџет.

Митревски нагласи дека го повлекува амандманот со кој треба да се обезбедат шест милиони денари за санација на дивата депонија кај Мауцхер, Охрид, како и наредниот амандман.

Ве повикувам, како колеги пратеници од опозицијата. Досега ниту еден амандман не е прифатен. Ова не се има случено во историјата на Собранието, рече Митрески, додавајќи дека не може ништо од ова што е напишано да не биде прифатено, како што имаше ситуација, минатата недела на тоа што сами од власта си го пишувле во прграмата, сега ќе излезе дека и амандманите што пишувале како опозиција сега не се прифатливи.

Ве повикувам колеги пратеници размислете, до крајот на амандманската расправа да видиме како може како пратеници избрани од граѓаните да промениме ова што е предлог буџет, затоа што на крајот буџетот на државата го носи собранието, порача пратеникот на СДСМ Јован Митревски.

Ве информирам дека задутре во советот на Општина Новаци е закажана седница на која ќе се формира Претпријатие за регионална депонија и врз основа на таа одлука сите општини ќе може да си партиципираат за овој проект. Имаме посветена Влада, имаме одговорен градоначалник кој кажа дека депонијата ќе се огради, ќе се осветли, ќе се постави видео надзор и ќе се покрие со 4 илјади кубици земја. Владата е сериозна, веќе е откочен проектот и фаза по фаза ќе се реши проблемот со депонијата Буково“, истакна на денешната Комисија за финансии и буџет, на амандманската расправа за Предлог-буџетот за 2025 година, пратничката од ВМРО-ДПМНЕ, Лидија Петкоска.

Покрај ова, таа истакна и дека претходната власт нема ништо направено во однос на регионалната депонија во Буково, и дека сето што е ветено од нив останува неисполнето и покрај тоа што биле обезбедени средства, па така проблемот го наследила сегашната власт која успешно се справува со сето тоа.

„Поранешната министерка за животна средина вети дека до 2024 година оваа регионална депонија ќе биде отворена. Но како што велат, каде што СДС ветува појдете со мала торбичка, па ова ветување остана во наследство на владата предвидена од ВМРО-ДПМНЕ, која пак за разлика од претходната влада, во рекорден рок од само три месеци, успеа да го откочи проектот. Значи при обезбедени средства од Светска банка не се направи ништо од ветеното“, рече Петкоска.

Како пратеник од Валандово сакам да дадам едно кратко потсетување на граѓаните, поднесениот амандман само ја покажува неспособноста за работење на опозицијата. Односно, последните седум години бевте централна власт, а веќе седум години имате и локална власт во Валандово, вели Јулија Тушевска, пратеничката од редовите на ВМРО-ДПМНЕ, на денешната амандманска расправа на Комисијата за финансирање и буџет.

Таа појаснува дека локалната власт во Валандово е предводена од градоначалник кој доаѓа од редовите на СДС и истиот не успеал да го реализира проектот за изградба на пречистителна станица за отпадни води, а сега опозициската СДС поднесува амандман токму за ова.

„Имено, во финансираните проекти од Владата за оваа година и Валандово е општина која доби средства за изградба на капела на градски гробишта во износ од 18 милиони денари. Ова ја покажува посветеноста на Владата на ВМРО-ДПМНЕ и коалицијата дека сите општини, без разлика на која политичка определба спаѓа локалната власт, ќе добијат средства“, јасна е Тушевска.

Тушевска истовремено информира дека во наредната година ќе бидат обезбедени уште 250 милиони евра за Општина Валандово, па така и самата општина ќе биде во можност да аплицира за проектот за пречистителна станица и истиот да го добие.

„Така да, тргнувајќи од оваа година и во наредните, на сите општини им се отвораат нови можности да ги реализираат приоритетните проекти и да им се подобрат основните услови за живеење и создавање нови можности за граѓаните“, заклучува Тушевска.