Македонија
Џафери: Соработката со Јордан е на ниско и незадоволително ниво
Претседателот на Собранието, Талат Џафери, оствари средба со новоименуваниот амбасадор на Кралството Јордан, Исмаил Иса Исмаил Рифаје, кој нерезидентно ја покрива Македонија од Анкара, Република Турција. Како што соопшти собраниската прес-служба, на средбата присуствувал и пратеникот Мухамед Зекири, кој воедно е и претседател на пратеничката група за соработка со парламентите на земјите од Блискиот и Средниот Исток.
Џафери истакнал дека, иако дипломатските односи со Јордан се воспоставени уште во 2000 година, Македонија сè уште нема акредитирано амбасадор во Јордан и тоа ја отежнува можноста за реализација на заемни посети на разни нивоа и можноста за поинтензивна економска и трговска соработка, која, за жал, е на ниско и незадоволително ниво.
„Претседателот на Собранието на Република Македонија ја потенцира важноста на парламентарната дипломатија, која е помалку оптоварена со протоколарни процедури, и апелира парламентарците на двете земји, преку групите за соработка, да ја воспостават и унапредат меѓусебната комуникација и во исто време изрази подготвеност како претседател на Собранието да ја охрабри оваа соработка“, се вели во соопштението за средбата.
Амбасадорот Рифаје се заблагодарил на топлиот прием и можноста да оствари средба со претседателот на Собранието и искажал готовност за време на својот мандат да вложи сериозен напор за почнување заемни политички консултации, кои би биле појдовна основа за почнување на соработката во многу области, како економија, трговска размена и туризмот, и исто така ја потенцирал и важноста од соработка во областа на одбраната и безбедносниот сектор.
Пратеникот Мухамед Зекири, како што соопштија од Собранието, ја нагласил потребата од олеснување на визниот режим помеѓу двете земји, нешто што би придонело кон интензивирање на економската, меѓутоа, секако, и туристичката соработка. На крајот соговорниците се согласиле да го искористат својот авторитет како политички претставници на двете земји да дадат придонес во поттикнување и продлабочување на севкупните билатерални односи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Весна Петрушевска за таткото на Тоше Проески: Никола, гушни го од мене, кажи му колку го сакавме
Актерката Весна Петрушевска се огласи на социјалните мрежи по веста дека починал таткото на Тоше Проески, Никола Проески.
„Никола, гушни го од мене, кажи му колку го сакавме, твојата бескрајна љубов кон Тоше беше една огромна тага. Барем сум малку мирна дека се видовме за Бадник. Топол и мил човек. Многу ми е жал. Најискрено сочувство до семејството“, напиша Петрушевска.
Македонија
Маричиќ: Преговорите со ЕУ ни носат реформирање на јавната администрација и стабилен судски систем
Секретарот за меѓународна соработка на СДСМ и кандидатот за пратеник Бојан Маричиќ во својата изјава за медиуми посочи дека СДСМ е најсериозната и единствената политичка опција во Македонија која може да обезбеди продолжување на преговорите со ЕУ.
„Со отворање на поглавјата, со сплотеност и со дисциплина за реформите, влегуваме во финиш на промените кои ни носат европски стандарди и европски квалитет на живот. Преговорите ни носат задолжително реформирање на јавната администрација и подобрување на стручноста на државните службеници. Стабилен и доверлив судски систем, заштита на човековите права и борба против корупција. Ова ќе го обезбедиме низ преговорите, со помош од ЕУ. Со отворање на поглавјата се отвораат и нови фондови на ЕУ за подобрување на нашиот живот. Фондови за економски мерки, за земјоделство, за инфраструктура, за животна средина, за култура, за образование, за млади и уште многу повеќе“, рече Маричиќ.
Како што додаде, до крајот на 2025 година очекува за македонското општество, за граѓаните и за државата, да се искористат околу 500 милиони евра од ИПА2 и уште 200 до 300 милиони евра од ИПА3, пари доделени од Европската Унија.
„За македонските земјоделци имаме над 210 милиони евра годишен од ИПАРД 3 за следните четири години. Сега зависи само од нас. Сега е потребно да дадеме глас ЗА продолжување на преговорите со ЕУ, ЗА реформи, ЗА европски фондови, ЗА европска иднина на Македонија.” – изјави Маричиќ.
Македонија
Стоилковски: Дали предметот на ЈО е одговорот како Каевски на 30 години стекна стан и 4 милиони во банка?
Дарко Каевски ниту еднаш не одговори во јавност, како со првото вработување, како партиски подмладок за директор на АМС, на 30 години набилда четири милиони во банка и сопствен стан? СДС ниту еднаш не објасни како дојде до концептот голтари влезени во политиката, а потоа милионери. Почитувани, одговорот можеби е во предметот на ЈО. Предметот на ЈО за работата на Дарко Каевски како директор на АМС можеби е и поттикот тој толку ревносно да настапува против членови и раководството на ВМРО-ДПМНЕ, најгласен во нападите и ширењето дезинформациите, но можеби е и причина за неговиот рапиден раст во СДС, до пратеник и портпарол, вели Наум Стоилковски, портпарол на ВМРО-ДПМНЕ.
– Отпочната е постапка за сомневања за противзаконско работење и злоупотреба, дека спортските федерации, клубовите и спортистите добивале ваучери, а одредена фирма ги реализирала под услов дел од парите потоа да ги добие назад преку даночно ослободување. Почитувани, Македонија тоне во корупција и криминал, тоне во партизација, ликови како Дарко Каевски стануваат милионери, а неговите врсници се иселуваат од татковината. Почитувани, со вашиот глас за ВМРО-ДПМНЕ на изборите, ќе гласате ваквите ликови како Зоран Заев, Ковачевски, Венко Филипче, и нивните наследници како Дарко Каевски, да им биде испитан имотот и да одговораат за евентуални злоупотреби. Промените се во Твои раце, Македонија повторно твоја – рече Стоилковски.