Македонија
НВО бараат измени за Предлог законот за здруженија и фондации
Во Собранието на Република Македонија денеска се одржа јавна расправа по Предлог законот за здруженија и фондации на која беше оценето дека истиот дава можност за унапредување на слободите и правата за здружување, но беа побарани амандмански измени за некои одредби.
Во Собранието на Република Македонија денеска се одржа јавна расправа по Предлог законот за здруженија и фондации на која беше оценето дека истиот дава можност за унапредување на слободите и правата за здружување на граѓаните, но дека постојат и одредби кои не се јасно дефинирани, за кои беа побарани амандмански измени.
Амандманските измени беа побарани од страна на невладините организации кои беа дел од јавната расправа во организација на Националниот совет за евроинтеграции.
„Основна цел на законот е да обезбеди слобода на здружување согласно европските стандарди и практики. Текстот на законот е подготвен од работна група која е формирана во 2007 година, со учество на претставници на повеќе министерства и на НВО-секторот и со користење на компаративните искуства од повеќе соседни и европски земји. Воведена е можност за финансиска поддршка на НВО-секторот од буџетот на Владата, на општините, на општините на Скопје, и од буџетот на Град Скопје“, објасни Министерот за правда Михајло Маневски.
Она што е воведено како новина во Предлог законот е овозможувањето за основање на организации од јавен интерес кои би добивале поддршка преку царински, даночни или други олеснувања.Невладините организации на јавната дебата изразија загриженост за одредбата со која Владата ќе го овозможи основањето на таквите организации.
Ана Медарска од ФИООМ изрази сомнеж во имплементирањето на оваа одредба на законот бидејќи царинските и даночни олеснувања не се директно уредени со овој закон, туку се остава да се регулираат со прописите од даночната и царинската материја.
Кети Јандриевска -Јованова од Хелсиншкиот комитет смета дека е непотребна оптеретена процедура за основање здруженија од страна на малолетни лица и за нивно членување во организации со барањето тие да достават заверена изјава на нотар за согласност од нивниот правен застапник, а кое како што рече е во спротивност со Конвенцијата за правата на детето.
Како што истакна претседателката на Советот Радмила Шеќеринска јавната расправа беше организирана со цел донесување на квалитетен закон./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Намалувавме цени на 500 производи, Мицкоски замрзна маржа на 73, дебакл на Владата
„Мерките на владата на Мицкоски освен што се задоцнети, тие нема да имаат ефект врз цените и стандардот на граѓаните. За жал, по најавената мерка на Владата дека се замрзнуваат маржите на само 73 производи, граѓаните не треба да очекуваат некаков ефект“, велат од СДСМ.
„Оваа мерка е калкулантска политика на Владата колку да замачкаат очи дека нешто направиле под притисок на јавноста. Сега е повеќе од јасно зошто со недели Мицкоски чекаше со намалување на цените на производите. Целта била да се најде решение колку да го има и тоа е во интерес на трговците, а не во интерес на граѓаните ниту нешто посебно ќе им помогне“, посочуваат од партијата и потсетуваат дека Владата на СДСМ минатиот септември 2023 година донесе мерки за намалување на над 500 производи во 25 различни категории и реализираше антикризен пакет за помош на граѓаните вреден 662 милиони евра.
„Во соседна Србија поевтинија 700 производи, слично е во Црна Гора. Ова што го донесе како мерка Владата на Мицкоски граѓаните нема ни да го осетат и тоа е доказ дека тој нема никаков интерес да се грижи за стандардот на граѓаните. За прв пат денес стигна и информацијата дека просечната плата за јули бележи пад од речиси 1000 денари по пет години постојан раст. Се намалуваат платите, цените остануваат високи. Граѓаните заслужуваат фер третман и вистинска грижа“, завршуваат од СДСМ.
Македонија
Укината забраната за движење во шуми
По извршената процена за намален ризик за појава на шумски пожари на површините под шума и шумско земјиште од страна на ЈП „Национални шуми“ – Скопје и на нивно барање, Министерство за земјоделство, шумарство и водостопанство донесе согласност за отповикување на целосната забрана за движење во шума и на шумско земјиште.
Македонија
Мицкоски: Работиме штипската болница да биде изградена во најбрз рок
„Јас мандатот го почнав пред неполни три месеци токму од пред штипската Клиничка болница и тогаш реков во овој мандат таа ќе биде завршена. Работиме на модел. Медицинско-техничко-економски модел којшто е во фаза на, би рекол, развој и очекувам дека до крајот на оваа година сето тоа ќе биде завршено и веќе од почетокот на следната ќе почнеме со градење на Болницата“, одговори претседателот на Владата, Христијан Мицкоски на денешното новинарско прашање при посетата на Штип, во однос на изградбата на Клиничката болница и додаде:
„Проблемот е што пари нема. Парите ги украле или ги потрошиле за нешто што не требало. Требало за Болницата, но парите ги украле. За жал наследивме состојба таква каква што е, но тоа е што е, тука е, нѐ гласале граѓаните, да немаме оправдување, туку да работиме, да ја направиме работата подобра. Што е нашиот пристап? Нашиот пристап е да обезбедиме и финансирање, и допроектирање и опремување и изградба и пренос на објектот. Тоа во моментов Законот за јавни набавки не го дозволува. Ако е потребно ќе влеземе и чекор напред, ако треба мали нивелирања на Законот, само за да можеме да ги одглавиме многу проекти за коишто се почнати, парите се украдени и тие се сега споменици на едно време. Тоа правиме, иновираме, се трудиме да најдеме начин за сето ова го задвижиме и ќе успееме. Ќе успееме, јас сум оптимиста дека ќе успеаме“, дополни тој.