Во соработка со режисерка Ана Јакимска и фотографот Александар Чокревски, „Лајка“ ја лансира кампањата „Дали си ти мојот дом?“, посветена на вдомување на долго задржаните кучиња кои со години чекаат свој човек.

Кампањата преку моќни фотографии ги прикажува кучињата во топли, секојдневни сцени – моменти во кои недостасува само еден елемент за сликата да биде целосна: новиот сопственик што ќе им подари љубов и дом.

Овие кучиња не се бројки, туку личности со свои приказни, емоции и надежи.

„Со оваа кампања сакаме да допреме до срцата на луѓето и да им покажеме дека секој дом има место за уште еден член – особено за оној што најмногу чека“, велат од „Лајка“.

Преку „Дали си ти мојот дом?“ јавноста ќе има можност да ги запознае најдолго задржаните штитеници на Лајка, да ја види нивната нежна страна и да дознае како да им подари нов почеток.

Министерството за енергетика, рударство и минерални суровини, врз основа на Програмата за заштита на ранливи потрошувачи на енергија за 2025 година објави Јавни огласи за поддршка на домаќинства кои спаѓаат во категоријата ранливи потрошувачи на енергија, преку доделување на:

1. Право на купен и вграден инвертер клима уред со моќност од 3,5 kW и енергетска класа од најмалку А+

2. Финансиска поддршка за потрошена електрична енергија за лица кои припаѓаат на категоријата ранливи потрошувачи

Огласот има за цел да обезбеди заштита на ранливите потрошувачи кои се наоѓаат во состојба на енергетска сиромаштија, преку унапредување на енергетската ефикасност и подобрување на квалитетот на живеење на домаќинствата кои исполнуваат утврдени критериуми за ниски приходи или се социјално ранливи.

1. Критериуми за доделување на инвертер клима уред

Категории на домаќинства:

• Домаќинства со ниски приходи, чиј вкупен нето месечен доход во 2024 година не го надминувал:

Ø 25.000 денари за едночлено домаќинство

Ø 31.000 денари за домаќинство со два члена

Ø 37.000 денари за домаќинство со три члена

Ø 43.000 денари за домаќинство со четири и повеќе члена

• Домаќинства во кои единствен приход е пензија, а вкупниот нето месечен доход во 2024 година не го надминувал:

Ø 15.700 денари за едночлено домаќинство

Ø 19.800 денари за домаќинство со два члена

Ø 23.700 денари за домаќинство со три и повеќе члена

Едно лице може да поднесе само едно барање за едно домаќинство.

Правото на инвертер клима уред не може да го остварат домаќинства кои во изминатите 5 години користеле субвенција за набавка на клима уред или печка на пелети, како и оние кои имаат приклучок на систем за централно греење.

Министерството ќе врши мониторинг и контрола на спроведувањето на јавниот оглас и има право да го укине решението доколку се утврдат неправилности или неусогласност со условите од Програмата.

2. Критериуми за финансиска поддршка за потрошена електрична енергија

Категории на домаќинства:

1) Со едно или повеќе лица со тешка или длабока интелектуална попреченост

2) Со најтешка телесна попреченост

3) Со потполно слепо лице

4) Со потполно глуво лице

Едно лице може да поднесе само едно барање за едно домаќинство.

3. Потребна документација

За доделување на инвертер клима уред:

· Пополнетo барањe (обрасци 1 и 2)

· Изјава, заверена на нотар

· Фотокопија од лична карта на барателот

· Фотокопија од лични карти за членовите на домаќинството – за полнолетни лица или изводи од матични книги за малолетни лица во домаќинството, извод од матична книга на венчаните, потврда за развод или посмртница и

· Фотокопија од последна сметка за електрична енергија за 2025 година

За доделување на финансиска поддршка за потрошена електрична енергија:

· Пополнето барање (обрасци 1, 2, 3 и 4)

· Изјава за веродостојност на податоците, заверена на нотар

· Фотокопија од решение за стекнато право на корисник на посебен додаток

· Фотокопија од последна сметка за електрична енергија за 2024 година и

· Фотокопија од лична карта на барателот и

· Фотокопија од лични карти за членовите на домаќинството – за полнолетни лица или изводи од матични книги за малолетни лица во домаќинството, извод од матична книга на венчаните, потврда за развод или посмртница и

4. Начин на доставување на документацијата

Обрасците и изјавата се достапни на веб-страницата на Министерството, во делот Јавни огласи. Документацијата се доставува по пошта или лично на адреса:

ул. „Македонија“ бр. 27 – 1000 Скопје.

Контакт телефони: 071 319 074; 070 381 162;

Е-пошта: [email protected]

5. Рокови за аплицирање

• За доделување на инвертер клима уред – рокот за аплицирање е 60 дена од денот на објавување на јавниот оглас, односно до 5 октомври 2025 година.

• За финансиска поддршка за потрошена електрична енергија – рокот за аплицирање е 30 дена од денот на објавување на јавниот оглас, односно до крајот на август 2025 година.

Матурантите кои не ја положија државната матура во јуни денеска го полагаат првиот задолжителен екстерен испит по мајчин јазик и литература. Вториот изборен екстерен испит е закажан за 14 август.

Денеска, испитот по мајчин јазик ќе го полагаат 352 ученици на македонски јазик, 225 на албански и девет на турски јазик. На испитот за 14 август се пријавени 779 ученици за англиски јазик, еден за француски, двајца за германски, 27 за математика и еден за естетика.

Од вкупниот број пријавени, 265 се од гимназиско образование, 835 од стручни средни училишта, а 18 матуранти се од средно уметничко образование.

Просечната оценка од јунската сесија на двата екстерни испити е 3,69, што е повисоко од минатогодишните 3,26. Најголем успех е забележан кај мајчините јазици и математика, каде средната оценка изнесува 4,14.