Македонија
Македонија ќе се приклучи кон Метeо-аларм системот на Европа

Управа за хидрометеоролошки работи (УХМР) на Р.Македонија денеска го презентираше Метeо-аларм од Светската метеоролошка организација, на кој ќе му се придружи за полесно справување со несаканите природни појави.
Управа за хидрометеоролошки работи (УХМР) на Р.Македонија денеска го презентираше Метeо-аларм од Светската метеоролошка организација, на кој ќе му се придружи за полесно справување со несаканите природни појави.
„Деновиве сме сведоци на едни такви појави, метеоролошки феномени и ние велиме дека кога метеорологијата ќе се симне на земјата тогаш се евидентни последиците од поплави и други несакани влијанија“, вели Зоран Димитровски, државен советник за управата на хидрометоролошки работи и додава дека и пожарите се тука присутни во летните месеци, а се е тоа резултат на метеоролошките феномени и вредности на параметрите кои достигнуваат високи вредности односно над просечните вредности кои се својствени за Македонија.
За заштита и полесно справување од такви несакани појави Македонија се приклучува кон Метeо-аларм системот кој има за улога да предупреди кога се заканува некоја природна катастрофа или несакана природна појава.
„Во наредниов период ќе направиме напори да го имплементираме овој Мето-аларм систем во нашата управа, а со тоа и ќе влеземе како членки на европскиот метeо-аларм систем кој е на Светската метеоролошка организација“, изјави Димитровски и истакна дека целта на овој систем е да се избегнат несаканите појави, ќе има пред се внатрешна и меѓународна соработка од Западен Балкан, тој исто така вели дека Македонија побрзо ќе се адаптира на европските стандарди и ќе ги разменуваат податоците меѓусебно.
Од австрискиот Институт за метеорологија и геодинамика, г-дин Михаил Штаудингер вели дека истражувал и заклучил дека е во голема корист за Македонија ако се приклучи на овој Метeо-аларм систем кој се има покажано како многу ефикасен во Европа.
„Тука сум да ги истражувам можностите на Македонија за приклучување кон другите земји во овој Метeо-аларм систем, кој и е потребен“, изјави г-дин Штаудингер./крај/ин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без струја делови од Кисела Вода

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, дел од корисниците од ул. 1523, објектите на фирмите Пастор, Орнамакс и други во нивна близина, корисниците од бул. Борис Трајковски од бр. 77 до бр. 85, како и корисниците лоцирани помеѓу објектите на фирмите Циле Инжињеринг и Интеграф. (општина Кисела Вода)
Македонија
Шукова: Време е за резултати, уреден Бутел, нови паркови, подобар превоз и вода за сите

Кандидатката за градоначалник на Град Скопје од СДСМ, Каја Шукова, вчера одржа митинг во Бутел, каде пред жителите порача дека Скопје мора да се гради со дела, а не со празни зборови.
„Вечерва не сум тука само како кандидатка за градоначалничка на Скопје. Тука сум, пред сè, како човек што верува во овој град и во луѓето што го прават Бутел дом,“ изјави Шукова.
Таа се осврна на реалните проблеми со кои се соочува општината запуштеното корито на Серава, недоволната инфраструктура, недостигот на јавен превоз и дотраената водоводна мрежа и истакна дека решенијата веќе се подготвени.
„Серава ќе стане место на кое ќе се гордееме уредено корито, пешачки и велосипедски патеки, зелена зона за сите. Новите паркови и 10.000 засадени дрвја ќе го вратат сјајот што Скопје го имаше пред децении,“ нагласи таа.
Посебен акцент стави и на водоснабдувањето и инфраструктурата:
„Денес, 60 проценти од питката вода се губи во системот. Време е за модернизација и стабилно снабдување со вода за секој дом. Новите мостови, клучки и булевари ќе го поврзат Бутел со целиот град и ќе овозможат безбедно и побрзо движење,“ рече Шукова.
Таа потсети дека во изминатите години градот беше заложник на неработење и популизам:
„Четири години ВМРО-ДПМНЕ ги запоставуваше општините. Време е за резултати, а не за слики и празни зборови. Половина од нашите проекти може веднаш да се реализираат,“ додаде таа.
Во својот говор, Шукова повика на единство и одговорност:
„Бутел не смее да биде изолиран. Бутел е почетна точка на модерното Скопје место каде што се инвестира, се гради и се слуша секој граѓанин.“
Македонија
Претежно облачно со врнежи од дожд, повремено пообилни

Времето денеска ќе биде претежно облачно со повремени врнежи од дожд кои ќе бидат пообилни во западните делови, каде се очекува локално да наврнат и над 25 l/m²дожд. Ќе дува слаб до умерен ветер од југоисточен правец.
Минималната температура ќе биде во интервал од 7 до 12, а максималната ќе достигне од 11 до 15 степени.
Во Скопје, претежно облачно со повремени врнежи од дожд, повремено пообилни. Ќе дува слаб до умерен ветер од југоисточен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Во сабота времето ќе биде променливо облачно со повремени локални врнежи од дожд со послаб интензитет. Потоа следува претежно стабилно време со потпросечни температури за овој период од годината.