Министерот за финансии Зоран Ставрески денеска ги посети станарите од зградата до поранешна „Југобанка“, на кои им вети дека ќе го санира оштетувањето од паѓањето на долната конструкција и дека ќе изнајде начин за долгорочно решавање на проблемот.

Министерот за финансии Зоран Ставрески денеска ги посети станарите од зградата до поранешна „Југобанка“, на кои им вети дека ќе го санира оштетувањето од паѓањето на долната конструкција и дека ќе изнајде начин за долгорочно решавање на проблемот.

„Значи на краток рок она што може да им го ветам на станарите на зградата е дека Владата ќе ги обештети за штетата што е настаната на покривот на зградата“, рече Ставрески.

Тој додаде дека ќе им биде обезбедено обештетување за финансиската штета и дека ќе им се исплати она за што тие самите платиле да се поправи.

„На долг рок можам да кажам дека ќе преземеме мерки и за санирање на кровот да не се повтори истата работа и воедно можам да кажам дека Министерството за финансии конечно ќе ја обнови оваа зграда, односно ќе ја доизгради“, истакна Ставрески.

Тој рече дека тендерот за изградба на зградата и проектирање е веќе објавен.

„На почетокот на април ќе биде завршен тендерот. Септември или октомври ќе почнеме со изградба на зградата и еднаш засекогаш да го решиме и прашањето на безбедноста, но и прашањето на довршувањето на оваа зграда“, вели Ставрески.

Штетата е околу четири илјади евра, меѓутоа се уште не е официјално потврдена сумата со документи од градежната фирма,  кои треба биде доставени до министерството за финансии./крај/бд