Македонија
СДСМ: Парите за Скопје 2014 Груевски да ги пренамени за граѓаните
Опозициската СДСМ денеска го повика премиерот Никола Груевски да ги посети стечајците во Куманово кои со месеци штрајкуваат со глад и да се соочи со жртвите од неговото
Опозициската СДСМ денеска го повика премиерот Никола Груевски да ги посети стечајците во Куманово кои со месеци штрајкуваат со глад и да се соочи со жртвите од неговото министерување во владата на Љубчо Ѓеорѓиевски.
“Додека Црвенковски се сретнува со млекопроизводителите од битолско, пченичарите од прилепско или занаетчиите од старата скопска чаршија го повикуваат да се отрезни и наместо 200-те милиони евра народни пари да ги потроши на мегаломанскиот проект “Скопје 2014-18“, да ги искористи за решавање на нивните проблеми“-стои во соопштението до СДСМ.
Од партијата на Бранко Црвенковски потсетија на протестот кој во вторникот се случуваше пред Владата и во кој премиерот им соопшти на изгладнетите и изнемоштени стечајци дека не може да го реши нивниот проблем, бидејќи тоа не било зацртано во програмата на ВМРО ДПМНЕ.
“Наместо да ги употреби 200-те милиони евра народни пари за да ги реши проблемите на граѓаните, Груевски ќе ги задоволува личните хирови со неговиот мегаломански и забеган проект “Скопје 2014-18“, обвинија од СДСМ.
СДСМ на денешната прес-конференција го презентираше спотот Македонија 2010 година, кој според нив ја одразува реалноста во земјава./крај/со/вм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Касами: Добитници на овие избори сме ние, ДУИ има купено гласови
„Влен“ е легитимен претставник на Албанците и ги доби гласовите на Албанците, изјави Билал Касами на прес конференција.
„Добитници на овие избори сме ние, коалицијата „Влен“. ДУИ има купено гласови од загрозените гласачи кои имаат потреби од пари. „Влен“ ги доби гласовите на Албанците, вели Касами.
„ДУИ го загуби последниот легитимитет да зборува во име на Албанците, затоа на 8 мај ние ќе победиме. Овој резултат и во мандати не е голема разлика со ДУИ и на 8 мај овој резултат ќе биде во наша полза. ДУИ успеа да ја загуби последната можност, еден кандидат Албанец да биде избран на директни избори во 2024 година. Тие ќе бидат запишани со црни букви во историјата на албанскиот народ во Македонија. Ако биле заинтересирани Албанец да оди во вториот круг сигурно ќе беа координирани со нас и ќе беше возможно да биде избран Албанец. Затоа мислиме дека вредеше оваа борба“, рече Касами.
Тој се заблагодари на сите што го гласаа кандидатот Арбен Таравари и додаде дека ДУИ има изгубено гласови од помалите етнички заедници и од загрозените граѓани.
Таравари кажа дека коалицијата подоцна ќе разговара за тоа кому ќе ги даде гласовите во вториот круг на претседателските избори.
Македонија
Ванковска: Мојата цел беше не да победам, туку да вознемирам една застојана елита
Кандидатот за претседател на Македонија, Билјана Ванковска упати честитка за победниците, по завршувањето на првиот круг од претседателските избори.
„Јас сум среќна за можноста што ми ја даде Левица да зборувам слободно, чесно, отворено и радикално – да понудам нешто што мнозина не беа спремни да го прифатат како опција. Народот очигледно не е подготвен за тоа. Мојата цел беше не да победам туку да вознемирам една застојана елита. Колку успеав, ќе видите наскоро. Не сакам да бидам пророчица, но новиот претседател ќе се соочи со сето она за што предупредував“, напиша Ванковска на социјалните мрежи.
Македонија
Нема да се откажеме и нема да ги наведнеме главите, порача Ковачевски
Денеска е тежок удар за европската перспектива на Македонија, но не е доцна да се смени правецот, откажувањето не е опција за нас. Нема друга опција за нас освен патот на европска интеграција, порача вечерва лидерот на СДСМ, Димитар Ковачевски.
Додаде дека е задоволен што гласањето поминало во мирна и демократска атмосфера.
„Се надевавме на подобри резулатти, но време е да ги ставиме на страна сите разлики и да се обединиме зад идејата за европска Македонија. Занм дека многу наши поддржувачи се разочарани. Но сега не е време за откажување. Имаме уште две недели, јас ќе бидам на терен секој ден со вас, и ќе работиме за да ја добиеме поддршката за европска Македонија“, рече Ковачевски.
Порача дека нема откажување.
„Ние нема да се откажеме и нема да ги наведнеме главите, ќе продолжиме да се бориме се додека не победиме“, порача лидерот на СДСМ.
Ковачевски му упати порака и на Пендаровски.
„Ова е наша заедничка борба, ќе се бориме заедно рамо до рамо, ова е најважната битка за македонската иднина. Борбата за европска Македонија продолжува и на 8 мај, во вториот круг на претседателските и парламентарните избори. Се гледаме за две недели! Да живее европска Македонија“, рече тој.