Поради пад на температурите дојде до замрзнување на коловозите во северозападниот регион на државата во текот на изминатото деноноќие. Беа примени поголем број пријави од возачи и граѓани, информираат денеска од Центарот за управување со кризи (ЦУК).

– Од ПС за ВПС – Тетово се регистрирани четири сообраќајни незгоди со материјална штета. Две на автопатот Тетово – Гостивар – една верижна сообраќајна незгода со учество на 10 возила, потоа една на локалниот пат Пирок – Боговиње, една на патот Тетово – село Требош. За една од сообраќајните незгоди не е побаран увид. Од БПС – Гостивар се пријавени вкупно 15 сообраќајни незгоди, од кои на 10 е извршен увид од страна на увидна екипа, додека за пет не е побаран увид поради договор меѓу оштетените страни, појаснуваат од ЦУК.

Примени биле бројни пријави од жители на Тетово и Гостивар, како и од околните населени места, за замрзнати споредни и локални улици.

– Регионалниот центар за управување со кризи – Тетово стапи во контакт со надлежните лица од општините Тетово, Гостивар и Желино, од каде беше потврдено дека се ангажирани фирми за зимско одржување и дека на терен се врши посолување на патиштата по приоритети. Пријави беа примени од населбите Фазанерија и Циглана во Гостивар, како и од селата Долна Ѓоновица и Корита. Од тетовскиот регион пријави имаше од село Селце – под Шар Планина и од повеќе улици во градот Тетово. Во Тетово беше активиран Кризниот штаб и извршено е посолување на повеќе локални патишта, додаваат од ЦУК.

По пријава за замрзнат коловоз на локалниот пат Желино – Сириќино, ЈКП „Желино“ интервенирало и извршило посолување на критичните делници.

– Од „Македонија пат“ – секциите Тетово, Попова Шапка и Гостивар, информираа дека континуирано се на терен и вршат посолување на автопатите и регионалните патни правци под нивна надлежност. Поради снежни врнежи, на патниот правец Лисец – Попова Шапка е воведена задолжителна употреба на зимска опрема. По 22:30 часот не се примени нови пријави од граѓани, додаваат од ЦУК.

Од ЦУК апелираат до возачите на зголемена внимателност, прилагодување на брзината и задолжителна употреба на зимска опрема.

Во периодот од 17 до 21 часот по македонско, односно од 18 до 22 часа по грчко време, по пауза од три дена поради празниците, грчките  земјоделци повторно ќе го блокираат граничниот премин Евзони кон нашата земја за влез и излез од Грција за сите видови возила.

Земјоделците низ цела Грција од денеска повторно започнаа со постепени блокади, додека пак утре напладне кај патарините Малгара во близина на Солун ќе се одржи состанок на кој ќе присуствуваат претставници од сите блокови низ земјата и ќе се одредат следните чекори.

Поради пад на температурите во текот на изминатото деноноќие дојде до замрзнување на коловозите во северозападниот регион на државата, што доведе до зголемен број на пријави од граѓани и возачи, информира денеска Центарот за управување со кризи (ЦУК).

Во полициската станица во Тетово се регистрирани четири сообраќајќи, а во гостиварската полиција 15 сообраќајни незгоди.

„Две сообраќајки се случиле на патот Тетово – Гостивар, една на патот Пирок – Боговиње и една на патот Тетово – селот Требош. За една сообраќајка не е извршен увид. За пријавените сообраќајќи во полицијата во Гостивар, за 10 е извршен увид, додека за пет е направен договор меѓу оштетените страни“, се вели во соопштението на ЦУК.

Според ЦУК, примени се и бројни пријави од граѓани од градовите Тетово и Гостивар, како и од околните населени места за замрзнати споредни и локални улици.

Регионалниот центар за управување со кризи – Тетово стапи во контакт со надлежните од Општините Тетово, Гостивар и Желино, од каде е потврдено дека се ангажирани фирми за зимско одржување, како и дека на терен сее врши посолување на патиштата по приоритети.

Од „Македонија пат“ – секции Тетово, Попова Шапка и Гостивар информираат дека се врши посолување на автопатите и регионалните патни правци што се под нивна надлежност.

Поради врнежи од снег, на патниот правец Лисец – Попова Шапка е воведена задолжителна употреба на зимска опрема.

ЦУК апелира до возачите да бидат внимателни и да ја прилагодуваат брзината на возење, како и да поседуваат задолжитеелна зимска опрема во возилата.