Верче Каранфиловска, Тамара Котевска, Симона Локвенец и Сара Робели сите ученички во втора година во скопските средни училишта “Раде Јовчевски- Корчагин“ и “Јосип Броз Тито“

Верче Каранфиловска, Тамара Котевска, Симона Локвенец и Сара Робели сите ученички во втора година во скопските средни училишта “Раде Јовчевски- Корчагин“ и “Јосип Броз Тито“ се добитнички на пофалници за најдобар есеј на тема “Корупцијата не е мојата иднина“.

Претседателката на “Транспарентност Нулта Корупција(НК)“, Слаѓана Тасева рече дека целта на проектот е да се анимираат младите и кај нив уште од рана возраст да се создаде свест дека станува збор за штетна појава која може да ја загрози нивната иднина.

Тасева додаде дека борбата против корупцијата е предизвик за сите генерации при што кај возрасните таа е изразена во потребата да се изгради здраво општество во кое сите убаво ќе живееме додека за младите ова е можност да сфатат дека станува збор за сериозен проблем кој може да им наштети“-истакна Тасева.

Директорите на скопските средни училишта “Раде Јовчевски- Корчагин“ и “Јосип Броз Тито“ рекоа дека станува збор за одлична иницијатива која треба да продолжи и понатаму.

Идејата за есеите е дел од проектот “Културата на законот наспроти корупцијата“, кој го спроведува Транспарентност НК ,со подршка на Норвешката амбасада во Македонија.

Пофални зборови за целата идеја искажа и норвешкиот амбасадор во земјава Кјетил Паулсен кој рече дека покрај јакнењето на јавната свест клучна работа е да се донесуваат повеќе закони кои ќе ја третираат оваа негативна појава. /крај/вм