Владата на денешната седница го донесе протоколот за одржување настани со медиумско присуство во услови на пандемија предизвикана од коронавирусот. Овој протокол го уредува медиумското присуство на јавни настани, односно обврските што организаторот треба да ги преземе за да обезбеди безбедна и непречена работа на медиумските работници, а воедно и на сите присутни.

Содржи два дела, општи генерални насоки, кои се однесуваат на сите јавни настани на кои организаторот предвидува медиумско присуство, и посебен дел, кој се однесува на настани што се во организација на владини институции, односно на нив има присуство на владини претставници.

Протоколот за одржување настани со медиумско присуство во услови на пандемија предизвикана од коронавирусот е изготвен во координација со Комисијата за заразни болести, со Здружението на новинарите на Македонија и со Самостојниот синдикат на новинарите на Mакедонија и во консултација со министерствата и другите ресори во состав на Владата.

Протоколот за одржување настани со медиумско присуство во услови на пандемија предизвикана од коронавирусот е објавен на веб-страницата на Владата на следниот ЛИНК.

Кадарот Владо Бучковски не е никаков скриен ас на Заев во преговорите, туку очаен обид да се најде жртва на која ќе ѝ се препише поразот на политиките на премиерот во заминување, велат од ВМРО-ДПМНЕ, откога Владата денеска го назначи експремиерот Бучковски за специјален претставник за Бугарија.

„Назначувањето на Владо Бучковски е и потврда дека во СДСМ врие и на овој начин Заев преку доделување функции се обидува да најде сојузници да ја зачува својата фотелја бидејќи со погубните политики не само што се доведува во прашање егзистенцијата на премиерското место туку и на претседателското во СДСМ“, велат од опозициската партија.

Оттука додаваат дека наместо замајување на јавноста со стари и истрошени кадри, Заев треба да одговори за што точно тајно преговара со бугарската влада овој викенд и дали е се тргува со историјата, јазикот, македонското малцинство и идентитетот.

Опозицијата прашува и зошто Заев отфрлил постигнување национален консензус за ова прашање и зошто се плаши од национално единство во разговорите со Бугарија.

Владо Бучковски е именуван за специјален претставник на македонската Влада за Бугарија.

Поранешниот премиер е именуван на оваа позиција на денешната владина седница.

Неговото назначување е во период кога Скопје прави напори за изнаоѓање решение со Софија, која се закнува со блокада на преговарачката рамка на Македонија за почеток на преговорите со Европската Унија.

Бучковски беше некогашен лидер на СДСМ, премиер и министер за одбрана. Тој по професија е правник и професор по римско право.