За разлика од некогашните три, деновиве на битолска неонатологија се раѓаат во просек по десет новороденчиња дневно, поради затворање на породилиштето во Прилеп.

За разлика од некогашните три, деновиве на битолска неонатологија се раѓаат во просек по десет новороденчиња дневно, поради затворање на породилиштето во Прилеп. Во битолската клиничка болница сега покрај родилки од Битола и околината, доаѓаат од Прилеп и Крушево и нивните околни села, што доведува до преангажираност на битолските гинеколози и неонатолози.„Состојбата на нашето одделение е на некој начин пореметена, затоа што е поголем приливот на бремени жени кои доаѓаат да се пораѓаат во битолската болница и бројот на новородени е голем, а нашиот капацитет е мал, сепак мораме да се снаоѓаме, вели Мери Џарлиева, раководителка на одделот за неонатологија во болницата во Битола.Пред смртта на родилките во прилепската болница, во битолска неонатологија месечно имало по 110 новороденчиња.  Бројот на новородени во февруари кој е пократок од другите месеци се искачил на 127, а во март нивниот број се очекува да биде уште поголем.„За десет дена овој месец има 60 новородени, што би било 180 до крајот на месецот.  Персоналот е преангажиран“, вели ЏарлиеваСпоред неа, капацитетот на неонатологија е исполнет над максимумот.„Ние имаме 20 до 21 место, а во моментов имаме 28 деца“, вели ЏарлиеваМајките кои се породиле чекаат во собата за припрема пред раѓање, а нивните бебиња во адаптирана соба за нив се додека некои од родилките не го напуштат одделението.  Но, додека се чекаат слободни кревети, процесот на работа не запира.  Гинеколозите вршат нови породувања.  Очекувањата и на гинеколозите и на неонатолозите се дека состојбата брзо ќе се промени, а идните мајки за породувања ќе се испраќаат и во породилиштата во Кавадарци или Неготино./крај/тера/мп