Македонија
Дачиќ: Мора да направиме сè Европа да не се исплаши од Западен Балкан

Мора да направиме сè Европа да не се исплаши од Западниот Балкан поради илегалната миграција и лажните азиланти бидејќи тоа може да ја загрози европската иднина на овој регион.
Мора да направиме сè Европа да не се исплаши од Западниот Балкан поради илегалната миграција и лажните азиланти бидејќи тоа може да ја загрози европската иднина на овој регион.
Ова денеска во Скопје го изјави министерот за внатрешни работи на Србија Ивица Дачиќ, по средбата со македонската министерка за внатрешни работи Гордана Јанкулоска, на која разговарале за големиот број на граѓани од Јужна Србија и Македонија кои побараа азил во земјите од Европската унија.
Министерката за внатрешни работи на Македонија истакна дека бројката на азиланти веќе се намалува.
„Ќе продолжиме со несмалено темпо во делот што се однесува на информирањето на граѓаните за вистинската содржина на визната либерализација и за проблемите кои што можат да настанат пред се лично за нив доколку се неуспешни баратели на азил со оглед на миграционата политика на ЕУ“ изјави Јанкуловска.
Дачиќ најави истрага за тоа дали постои некоја форма на организиран криминал од страна на одредени луѓе или агенции кои посредуваат за добивање на лажен азил.
„Има повеќе агенции. Некои од нив се од територијата на Јужна Србија, Прешево,а поголемиот број се од Македонија и ќе направиме контрола дали во нивните активности имало криминал, лажно да се доаѓа до нелегален азил или во прашање се туристички активности“ рече Дачиќ.
„Во осум случаи изречени се мерки, најчесто парични казни, но и одредени забрани за работа на туристичките агенции кои беа предмет на проверка. Исто така, утврдено е дека две агенции имале договори со други агенции од соседната држава. Сите овие се занимавале со превоз на патници“, рече Јанкулоска.
Според неа, врз основа на оперативните сознанија кои ги има македонската и српската полиција ќе биде направена подлабока проверка, да се утврди дали тие туристички агенции освен она што е нивна легална дејност нуделе и дополнителни услуги.
Според податоците на МВР, 409 македонски граѓани заминале да бараат азил во Белгија, додека според српската полиција 400 граѓани заминале да бараат спас во Белгија, а околу 500 до 600 граѓани во Шведска.
Синоќа, првата група од 23 жители на липковскиот регион, кои неуспешни барале азил во Белгија, се врати во Македонија. Станува збор за лица што доброволно ја напуштија земјата и организирано, на сметка на Белгија, се вратија дома.
Властите во Брисел веќе најавија дека луѓето што нема доброволно да ја напуштат Белгија, ќе бидат принудени на свој трошок да се вратат дома. /крај/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ЦУК: Пожарот во Самоков веднаш изгаснат, објектите на фабриката не беа во опасност

Пожарот во Самоков е локализиран и веднаш изгаснат. Во ниту еден момент немаше опасност од негово ширење кон објектите на фабриката Самоков, соопшти Центарот за управување со кризи.
Од РЦУК Македонски Брод претходно стигна информација дека е настанат пожар во населбата Самоков, во фабриката „Сувенир“, а опожарен е магацин со хемикалии. Во информацијата беше наведено дека електричната енергија во фабриката е исклучена.
Македонија
„Седи Боби, кец!“, му рече Арсовска на Стефковски за проблемот со водата, па доби одговор

Градоначалничката на Град Скопје, Данела Арсовска, преку објава на својот официјален профил на Фејсбук, му возврати на градоначалникот на општина Гази Баба, Бобан Стефковски, кој претходно ги прозва Градот и ЈП „Водовод и канализација“ – Скопје, за прекините во водоснабдувањето во неколку скопски населби. Тој побара итна интервенција од Градот, предупредувајќи на можни протести ако состојбата не се реши веднаш.
Арсовска му одговори на Стефковски дека и по три години на функција сè уште не прави разлика што е во надлежност на Градот, а што на Општина Гази Баба. Таа појасни дека жителите на Црешево и Смилковци не се корисници на ЈП „Водовод и канализација“, туку на ЈКП „Гази Баба“ – претпријатие под општинска надлежност.
„Ова по три години ќе го знаеше ако паузираше еден ден од сликање по фолклорни манифестации за да сработиш нешто“, напиша Арсовска, посочувајќи дека со средствата добиени од владите на Ковачевски и Мицкоски, Стефковски можел да изгради нова водоводна мрежа за тие населби.
Во продолжение, Арсовска рече дека Град Скопје во изминатите три години не добил ниту еден денар од централната власт, а дека Владата ѝ должи на ЈСП Скопје осум милиони евра.
Градоначалничката ја заврши објавата со саркастичен тон: „Седи Боби, кец!“
Ситуацијата дополнително ја заостри реториката меѓу градоначалниците на Скопје и Гази Баба, отворајќи нова рунда меѓусебни обвинувања. По објавата на Арсовска, повторно се огласи Стефковски кој и’ одговори дека надлежноста за Смилковци и Црешево ја знае многу добро, па ја повика да каже зошто жителите од Автокоманда, Железара, Триангла, Маџари и Ченто немаат вода? За крај по однос на делењето оценки, Стефковски на социјалните мрежи напиша дека граѓаните и’ дале оценка на парламентарните избори на Арсовска. Тогаш таа освои вкупно 3.438 гласови.
Македонија
Гори кај Прилеп, Македонски Брод, Чашка и Велес – пресек на состојбата со пожарите

На територијата на државата се евидентирани вкупно осум пожари на отворен простор, од кои активни се четири, соопшти Центарот за управување со кризи.
Во Општина Прилеп, гори кај селото Бешиште. Се работи за приземен пожар во квалитетна мешана шума. Активен е пожарот и кај Општина Македонски Брод, с. Црешнево, м.в. Церо Поле – пожар во деградирана дабова шума и грмушки. Во Општина Чашка беснее шумски пожар под Солунска Глава, помеѓу местата викани Изворите на Бабуна и Бабина Дупка (моментално нема активен пламен, само чад на карпест дел). Во Општина Велес пожарот избувна во ниска вегетација.
Изгаснати се 4 пожари: Општина Врапчиште, с. Врањовци – ниска вегетација, ѓубриште; Општина Липково, с. Лојане – ниска вегетација и стрниште; Општина Карбинци, с. Радање – блок (површина) посеана со жито и ниска вегетација и ОпштинаАрачиново, с. Орланци – ниска вегетација и отпаден материјал.