Македонија
Колекторот единствен спас на Пештани

Пуштање во употреба на колекторот е единствениот спас од подземните води за охридското село Пештани, во спротивно, прашање на време е кога ќе бидат загрозени темелите на куќите во ова туристичко место.
Пуштање во употреба на колекторот е единствениот спас од подземните води за охридското село Пештани, во спротивно, прашање на време е кога ќе бидат загрозени темелите на куќите во ова туристичко место. Со ваква порака мештаните на Пештани го пречекаа денеска вицепремиерот и министер за финансии Зоран Ставрески, кој денеска го посети охридскиот регион. „Од она што можев да го видам во Пештани ситуацијата е сериозна. Има проблем со септичките јами поради тоа што не е направен колекторот“, изјави Ставрески ветувајќи дека владата ќе стори се што е во нејзина моќ за да им помогне на мештаните. „Главниот проблем од она што го слушнав од мештаните е колекторот“, рече Ставрески изразувајќи жалење што колекторот не е направен и покрај ветувањата на охридскиот градоначалник Александар Петрески и лидерот на СДСМ Бранко Црвенковски. „Ние ќе испратиме екипи со цистерни за да помогнат краткорочно да се исцрпи водата, но конечното решение е кај градоначалникот“, рече Ставрески нагласувајќи дека владата останува посветена во решавањето на проблемот во Пештани. /крај/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Побаран притвор за четири лица во врска со пожарот во Трубарево

Скопското Обвинителство поведе постапка против четири лица поради сомнение за загрозување на животната средина и природата со отпад, во врска со пожарот што избувна во Трубарево, а за кои од судија на претходна постапка вечерва ќе побара определување мерка краткотраен 48-часовен притвор за обезбедување докази.
Станува збор за 56-годишен управител и сопственик на две фирми, 22-годишна управителка на трето правно лице, 42-годишен раководител на подружница и 59-годишен вработен во правно лице. Воедно се испитува потенцијалната одговорност и на други лица.
Во текот на денот јавниот обвинител издаде повеќе наредби за прибирање докази, по кои сè уште постапуваат надлежните органи. Се очекуваат и резултатите од мерењата на загадувањето што ги спроведува Министерството за животна средина.
Македонија
Се користи специјална пена врз песокта за да се доизгасне чадењето во Трубарево

Од опожарениот простор во Трубарево моментално има слабо чадење само од неколку места кои веќе се затрупани, информира директорот на Дирекцијата за заштита и спасување, Стојанче Ангелов.
Како што истакна, врз песочната покривка се фрла специјална пена со цел целосно сопирање на чадењето и спречување на повторна појава на пожар.
Македонија
Чадењето од Дрисла значително намалено, останува да се догасне третина од површината

Чадењето од депонијата Дрисла е значително намалено, информира директорот на Дирекцијата за заштита и спасување, Стојанче Ангелов.
Kaко што рече, изработен е дополнителен земјен пат со кој е отсечен ѕидот на депонијата од заезерената површина со отпадни води полни со запаливи гасови. Овој дел сè уште чадe, но во многу помал обем во споредба со првиот ден од пожарот.
Затрупувањето продолжува и утре, најавува Ангелов, а преостаната е помалку од третина од почетно опожарената површина.