Македонија
Охридското eзеро пред еколошка катастрофа
Повеќе од 750 литри во секунда отпадни води од канализација се влеваат во Охридското eзеро, а уште 550 литри во секунда непречистени води во реката Црн Дрим.
Повеќе од 750 литри во секунда отпадни води од канализација се влеваат во Охридското eзеро, а уште 550 литри во секунда непречистени води во реката Црн Дрим.
Оваа еколошка закана е последица на зголемениот испуст на вода од Охридското eзеро во реката Дрим кај Струга, што доведува до прелевање на испустните цевки на Колекторскиот систем за заштита на Охридското eзеро, кои на одредени локации се наоѓаат на метар и половина под водостојот на Дрим.
Директорот на Колекторскиот систем, Ваид Ајро, денеска за медиумите рече дека ваквата ситуација трае веќе 60 дена, што е алармантно, ваква појава е дозволена најмногу до 15 дена во годината, што значи дека само во двата изминати месеци од оваа година во езерото завршиле непречистени води колку за изминатите четири години.
„Системот за пречистување не само што е излезен од функција заради покачениот водостој на Охридското eзеро, намерно или ненамерно тоа ќе се покаже, туку бевме приморани три пати да ја исклучиме целосно пречистителната станица во Враништа поради надојдените води од реката Дрим. Тоа не смее да се прави во никој случај бидејќи се пореметува системот за биолошко пречистување на отпадните води, процес за чие повторно обновување е потребен мошне долг временски период, така што пречистителната станица во моментов работи само со 30 отсто од капацитетот“, рече Ајро, кој предупреди дека доколку и натаму продолжи индиферентниот однос на државата кон Охридското Езеро се доведува во прашање функционалноста на овој скап инфраструктурен проект.
На прес конференцијата што по повод алармантната состојба со Охридското eзеро, се одржа денеска, беше посочено дека локалните самоуправи на Охрид и Струга и МЈП „Проаква“ четири години наназад предупредуваат на проблемите со кои се соочува Колекторскиот систем, а последниот повик до надлежните државни институции бил упатен неодамна преку допис до Владата од 19 февруари.
„Ова е сериозен проблем. Ние немаме начин како да алармираме за проблемот освен вака преку медиумите. Државата треба најсериозно да ги разбере нашите пораки, за да се седне на маса и да се најде долгорочно решение за проблемот со колекторот“, рече Петрески.
Тој објасни дека во насока на решавање на проблемот е изградба на нова пречистителна станица со зголемен капацитет, осовременување на целиот систем, набавка на нови пумпи за зголемување на капацитетот, како и преземање на дел од одговорноста за трошоците за тековно функционирање и одржување на Колекторскиот систем од страна на државата.
Локалните самоуправи на Охрид и Струга со забелешка на начинот на кој што централната власт се однесува кон Охридското Езеро како национално богатство заштитено со закон. Директорот на МЈП „Проаква“ Бранислав Трпчески, потсети на еколошката катастрофа со Дојранското Езеро кога државата презеде активности за негова ревитализација и заштита, таков е случајот со Преспанското Езеро и побара државата да нема дискриминаторски однос кон Охридското Езеро, односно сите државни ресурси да се вклучат во заштита на овој природен бисер.
Независно што овој апел доаѓа во време кога привршуваат подготовките за претстојната летна туристичка сезона, сепак мора да се води сметка дека евентуално неповолните економски последици мора да бидат во втор план кога е во прашање заштита на екосистемот на Охридското Езеро, за што треба да се мобилизират сите расположливи ресурси на сите нивоа./крај/охридњуз/гм/ин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Симнете ги розовите очила и погледнете ги работниците – порачаа синдикатите до функционерите на протестот за повисоки плати, се бара 600 евра минималец
Со транспарентот „Протестираме за плата“, голем број граѓани излегоа на улиците за да го поддржат протестот на Сојузот на синдикатити и да го изразат незадоволството од ниските плати во земјава.
Синдикалците бараат зголемување на минималната плата на 600 евра, како и зголемување од по 100 евра за сите останати плати.
Претседателот на ССМ, Слободан Трендафилов, порача дека доколку барањата не бидат исполнети, ќе следуваат блокади и генерален штрајк. Тој најави и собирање 10.000 потписи со кои синдикатот би станал овластен предлагач на закон за намалување на платите на функционерите за 80 проценти и зголемување на минималната плата на 600 евра, како и зголемување на другите плати за најмалку 6.000 денари.
„Ќе ве ставиме на тест, ќе гласате за себе наспроти луѓето кои ве гласаат вас, или ќе гласате за луѓето кои со нивниот глас ви го овозможуваат вашиот луксуз, а доколку не се случи тоа и вие ќе стоите од оваа страна на зградата, заедно со нас и ќе не поддржувате за да ви се зголеми вашата плата,“ додаде Трендафилов.
На протестот беше испратена пораката и дека Владата води најсиромашен народ и најсиромашна држава во Европа, со повик до функционерите да ги симнат розовите очила и да ја согледаат реалната состојба на работниците.
Од ССМ најавија дека протестите ќе продолжат сè додека не се исполни целта за зголемување на минималната плата на 600 евра и зголемување на сите останати плати.
Македонија
СДСМ ќе предложи зголемување на платите на работниците и замрзнување на платите на функционерите
Социјалдемократскиот сојуз ќе поднесе законски решенија во Собранието за зголемување на платите на работниците и замрзнување на платите на функционерите, соопштија од партијата.
Како што наведуваат, предлог-законите се подготвуваат имајќи ја предвид тешката положба на работниците, намалениот животен стандард на граѓаните, како и барањата изнесени од Сојузот на синдикатите. Според најавата, СДСМ ќе предложи зголемување на минималната плата на 600 евра, зголемување на платите за 100 евра во останатите сектори, како и законски решенија за замрзнување на платите на функционерите.
Од партијата наведуваат дека ги поддржуваат барањата на работниците и на Сојузот на синдикатите, истакнувајќи дека секој работник заслужува достоинствена плата за живот.
Претседателот на СДСМ, Венко Филипче, најави дека деталите за предложените законски решенија ќе ги образложи на прес-конференција.
Македонија
ДОМ: Поддршка за повисоки плати, но со одговорен и одржлив економски пристап
Демократска обнова на Македонија (ДОМ) ја препознава реалната состојба на ниски плати и растечка сиромаштија со која се соочуваат голем број граѓани и ја поддржува потребата од отворање сериозна јавна и институционална дебата за подобрување на животниот стандард на работниците.
Од партијата соопштија дека даваат поддршка на денешните протести и на заложбите на синдикатите за подостоинствен живот за сите работници.
Истовремено, ДОМ оценува дека прашањето за зголемување на минималната плата, вклучително и предлогот таа да изнесува 600 евра, е комплексно и треба да се базира на пресметки кои ја одразуваат состојбата на сите засегнати страни. Според партијата, потребно е внимателно да се согледаат реалните економски ефекти, можниот притисок врз работодавачите, особено малите и средни претпријатија, како и ризикот од дополнително подгревање на инфлацијата.
Во соопштението се наведува дека ова прашање ги отвора и пошироките структурни предизвици на пазарот на труд, како што се различните модели на формално пријавување со минимални примања, неусогласеноста меѓу реалната економска активност и официјално прикажаните приходи, како и други појави кои го прават системот нефункционален и социјално неправеден.
ДОМ нагласува дека ниските плати и сиромаштијата се сериозен проблем, но решенијата мора да бидат внимателно осмислени за да не се создадат дополнителни економски ризици и несигурност – и за работниците и за работодавачите.
Од партијата порачуваат дека е потребно реално, системско и социјално праведно решение, засновано на дијалог меѓу синдикатите, работодавачите и институциите, оценувајќи дека станува збор за надпартиско прашање кое не смее да биде предмет на дневно-политички препукувања, туку заедничка одговорност за обезбедување одржлив и достоинствен животен стандард за граѓаните.
(Видео) Симнете ги розовите очила и погледнете ги работниците – порачаа синдикатите до функционерите на протестот за повисоки плати, се бара 600 евра минималец
Со транспарентот „Протестираме за плата“, голем број граѓани излегоа на улиците за да го поддржат протестот на Сојузот на синдикатити...
Ако не се реши проблемот со превозниците, ќе трпи цела Европа, порача Николоски од Загреб
Заменик-претседателот на Владата и министер за транспорт Александар Николоски порача дека доколку не се изнајде решение за проблемот со превозниците...
Бојан Маричиќ избран за нов претседател на Државната изборна комисија
Поранешниот вицепремиер за евроинтеграции и министер за правда во Владата на СДСМ, Бојан Маричиќ, е избран за нов претседател на...
Запленети 150 килограми марихуана, ја транспортирале со шлеп возило од Струга до Свети Николе
Јавен обвинител донесе наредба за спроведување на истражна постапка против три лица за кои постои основано сомнение дека сториле кривично...
По ревизорскиот извештај, Обвинителството отвори предмет за Општина Охрид
Јавното обвинителство отвори предмет по извештајот на Државниот завод за ревизија за Општина Охрид, во кој утврди дека се граделе...
(Видео) Филипче: Имам информација дека следи ново задолжување од 300 милиони евра
Претседателот на СДСМ, Венко Филипче, на одговор на новинарско прашање информираше дека следува ново задолжување од 300 милиони евра, a...
Левица: Премиерот со џемпери од по 2.000 евра барањата за минимална плата ги прогласи за „политичка агенда“
Левица го осуди настапот на премиерот Мицкоски, со кој легитимните синдикални барања за зголемување на минималната плата ги оцени како...
По срамниот настап во Собранието, Џихан Ахмед ја повлече кандидатурата за членка на комисијата за заштита од дискриминација
Џихан Ахмед ја повлече својата кандидатура за член на Комисијата за спречување и заштита од дискриминација, откако нејзиниот настап во...
Независниот полициски синдикат против мешање на политиката и партиите во работничкиот протест
Згрозени сме од мешањето на политиката и поддршката која опозициските партии преку повици и мобилизирање на членството оркестрирано ја даваат...
Затоа за граѓаните на Македонија нема покачување на платите, не работат „приватно“ како Мицкоски, велат од СДСМ
„ВМРО го вработилo, па така во „приватниот бизнис“ Христијан Мицкоски бил директор на ЕЛЕМ, па советник на Груевски, па еве...
„Обвинителството да не молчи, Заев и Филипче ги злоупотребиле државните институции за насилно преземање на болницата Жан Митрев“, велат од ВМРО-ДПМНЕ
„Сведоштвото на Жан Митрев јасно покажува дека Заев и Филипче брутално ги злоупотребиле институциите. Заев и Филипче смислиле план и...
Фицо шокиран од Трамп: „Тој е опасен и полудел“
Словачкиот премиер Роберт Фицо им рече на лидерите на Европската унија на самитот минатата недела дека неговата средба со Доналд...
(Видео) Трамп: Уште една прекрасна армада прекрасно плови кон Иран токму сега
Американскиот претседател Доналд Трамп изјави дека „уште една“ американска воена флота е на пат кон Иран. „Патем, уште една прекрасна...
(Видео) Санти мраз во Њујорк, има мртви, температурите под нулата: Бура ги опустошува САД
Санти мраз и делумно замрзнатите делови од реката Хадсон беа пријавени по силната зимска снежна бура во вторник, 27 јануари,...
(Видео) Американска конгресменка нападната со непозната течност во Минеаполис
Американската конгресменка, Илхан Омар, беше нападната со непозната течност за време на јавна трибина во Минеаполис во вторник. Полицијата соопшти...
Русија бара територијални отстапки од Украина, Зеленски сака средба со Путин
Украинскиот претседател Володимир Зеленски е подготвен директно да преговара со лидерот на Кремљ, Владимир Путин, за чувствителни прашања како дел...
Колку Руси и Украинци загинаа во војната? Анализа откри застрашувачки бројки
Бројот на руски и украински војници убиени, ранети и исчезнати во речиси четиригодишната војна би можел да достигне два милиони...
Намалена видливост поради магла на неколку патни правци
Поради протест блокирани се повеќе гранични премини за влез и излез од државата на товарни моторни возила. Како што известуваат...
(Фото) Ѓорѓиевски: Кејот на Вардар ќе добие нов лик
Градоначалникот на град Скопје, Орце Ѓорѓиевски, вчера вечер, преку социјалните мрежи порача дека кејот на Вардар ќе добие нов лик....
МНР со реакција до Бугарија: Македонија останува подготвена за дијалог што ќе се води во духот на европските вредности, Европа се гради со доверба и резултати, не со етикетирања и политички квалификации
Македонското Министерство за надворешни работи реагира на денешното соопштение објавено на веб-страницата на Министерството за надворешни работи на Република Бугарија....
