Педесетина стоматолози од Велес, Битола и Скопје денеска повторно протестираа пред Фондот за здравство во Скопје со барање за исплата на парите од капитацијата од децата до 14 години.

Педесетина стоматолози од Велес, Битола и Скопје денеска повторно протестираа пред Фондот за здравство во Скопје со барање за исплата на парите од капитацијата од децата до 14 години.

Исто така бараат децата до 14 години да бидат згрижени во јавното здравство. Учесниците во протестот беа примени на состанок со директорот на Фондот Маја Пернанџиева- Змејкова но не било ништо решено.

„Обврската на фондот да ги направи финансиските пресметки ја има реализирано и во многу кратко време ќе ги достави пресметките до Министерството за здравство кое што треба го презентира ситуацијата пред владата каде што ќе се дефинираат следните чекори“ изјави портпаролот на фондот Дејан Гацев по состанокот.

Стоматолозите велат дека парите од капитацијата која се плаќа за децата до 14 години треба да им биде доделена на нив, но фондот тврди дека нема пари за да им исплати на училишните стоматолози.

„Проблемот е во фондот. Од први јануари требаше да бидеме под државна капа а од тој ден немаме ни работа. Родителите веќе се известени дека стоматолошките услуги ќе бидат бесплатни за децата но сега престанаа да доаѓаат.

Се работи за бројка од 500 000 деца. Со пресметката што ја направија тие можат да не исплатат“ изјави Д-р Семра Физловска од Битола.

Постои закон дека децата до 14 години имаат право на бесплатни здравствени услуги но моментално тоа не важи и тие плаќаат за своите услуги. Тој закон не е спроведен иако е донесена одлука од владата и потпишана од Министерот за здравство, нагласија учесниците во протестот. /крај/сл