Македонија
Бонева: Уставниот суд и нанесе силен удар на младата македонска демократија

Пратеничката Силвана Бонева во името на владеачката ВМРО-ДПМНЕ денеска изрази револт против новата одлука на Уставниот суд со која лустрација ќе се врши од 1945 до 1991 година.
Пратеничката Силвана Бонева во името на владеачката ВМРО-ДПМНЕ денеска изрази револт против новата одлука на Уставниот суд со која лустрација ќе се врши од 1945 до 1991 година.
„Убедени сме дека Уставниот суд сака македонската демократија и понатаму да биде зауздана и таа понатаму да биде заложник на пајаковата мрежа која што ја сплетоа околу општеството соработниците на тајните служби“, истакна Бонева.
Според ВМРО-ДПМНЕ новата одлука на Уставен суд е повратен удар на соработниците на тајните служби, кои како што рече Бонева: „кодошеа, кршеа човекови права, уништуваа човечки судбини и на тој начин се пресметуваа со политичкиот противник“.
Одлуката на Уставниот суд Бонева рече дека е штетна за Ребублика Македонија со образложение дека Законот за лустрација не се однесувал на поранешниот систем, туку само на оние кои кршеле човекови права од идеолошки причини.
Од ВМРО-ДПМНЕ тврдат дека и по 1991 година имало многу афери од луѓе кои кршеле човекови права од идеолошки причини, а сеуште не се расчистени.
Уставниот суд укина делови од членот 2 и членот 8 и со новата одлука која ја донесе во периодот по 1991 година во земјата важат демократски вредности и постојат правни механизми со кои може да се утврди одговорноста на лицата што соработувале со безбедносните служби./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Муцунски на средба со помошникот државен секретар на САД за Европа и Евроазија, Андрју Стоу

Во рамки на работната посета на Вашингтон, министерот за надворешни работи и надворешна трговија, Тимчо Муцунски, оствари средба во Стејт департментот со помошникот државен секретар на САД за Европа и Евроазија, Андрју Стоу.
„На средбата се разговараше за постигнувањата во изминатите 30 години од воспоставувањето на дипломатските односи меѓу Република Северна Македонија и Соединетите Американски Држави, стратешкото партнерство, политичката и секторската соработка, како и потенцијалот за нивно понатамошно продлабочување“, соопшти Министерството.
Соговорниците заеднички ги потврдиле одличните билатерални и пријателски односи, засновани на вредностите на безбедност, демократија и слобода. Министерот Муцунски упатил благодарност за континуираната поддршка од САД во трансформацијата на општеството, зајакнувањето на капацитетите и спроведувањето на неопходните реформи.
На средбата станало збор и за силното сојузништво во НАТО, активната соработка во мултилатералните организации и заедничкиот придонес кон регионалната и глобалната стабилност и безбедност.
Македонија
Викендов сончево и топло време

Утре наутро ќе биде ведро и посвежо, преку денот претежно сончево. Ќе дува слаб до умерен ветер од северен правец, информира УХМР.
Минималната температура ќе биде во интервал од 4 до 15, а максималната ќе достигне од 25 до 31 степен.
Во Скопје, сончево со слаб до умерен ветер од променлив правец.
Минималната температура ќе се спушти до 10, а максималната ќе достигне до 31 степен.
За време на викендот и во првите денови од следната седмица ќе се задржи сончево и топло време со постепен пораст на температурата на воздухот. Потоа ќе настапи зголемување на облачноста.
Македонија
Викендов посебен сообраќаен режим кон манастирот во Калишта

За време на одржувањето на големиот православен празник „Рождество на Пресвета Богородица“ – „Мала Богородица“кој на 20 и 21.09.2025 година се празнува во манастирот во струшкото село Калишта, ОВР Струга, ќе спроведе посебен сообраќаен режим.
Утре (20.09.2025) од 18 часот се до завршување на предвидените верски церемонии, сообраќајот за влез кон манастирот ќе се одвива преку магистралниот пат А-2 Струга-Ќафасан со исклучување кај селото Франгово по локалниот пат до хотел „Изгрев“ односно до манастирот а за излез од манастирот према Струга, сообраќајот ќе се одвива по регионалниот пат Р-1208, Радожда-Струга преку селото Калишта.
Истиот режим на сообраќај ќе биде и на ден 21.09.2025 (недела) со почеток од 08 часот наутро, се до завршување на церемонијата во попладневните часови.
„Со цел, непречено одвивање на сообраќајот во овие околности, апелираме до верниците да го почитуваат сообраќајниот режим и насоките на полициските службеници“, велат од охридската полиција.