Денеска се отпочнува со подготвителни работи за изградба на една од најголемите технолошки-индустриски развојни зони во земјава во која ќе се обезбедат услови за изградба на 50-ина

Денеска се отпочнува со подготвителни работи за изградба на една од најголемите технолошки-индустриски развојни зони во земјава во која ќе се обезбедат услови за изградба на 50-ина фабрики и ќе се вработат над 10 илјади луѓе.

Со овие зборови премиерот Никола Груевски денеска во Штип го означи почетокот градежните работи на една од најголемите индустриски зони во земјава.

“Со денешниот камен темелник го одбележуваме почетокот на првата фаза од изградбата на инфраструктурата која опфаќа изградба на главната сообраќајница во должина од 2,2 километри, изведба на водоводна инсталација, на атмосферска и фекална канализациона мрежа. Овие активности планираме да се завршат во рок од една година и за  нив ќе бидат инвестирани повеќе од седум милиони евра, истакна премиерот Груевски.

Меѓудругото премиерот нагласи дека дополнителен мотив за привлекување на инвеститори е и добрата транспортна поврзаност на оваа зона која се наоѓа во близина на железничката пруга и новиот автопат во Штип.

Задоволство од почетокот на градежните работи изразија и вицепремиерот Владимир Пешевски, директорот на Дирекцијата за технолошки индустриски развојни зони Марјан Иванов, митрополитот г.Иларион и градоначалникот на општина Штип Зоран Алексов.

Премиерот Груевски денеска ќе присуствува и на свеченоста по повод денот на основањето на Универзитетот „Гоце Делчев“ во Штип, а ќе ги пушти во употреба и спортската сала изградена од Агенцијата за млади и спорт, како и интернетот во собите во Студентскиот дом во Штип./крај/вм