Македонија
Пролетен ден: Сите за еднаков свет
Денеска во ЕУ ИНФО ЦЕНТАР – Делегација на Европска Унија ќе се одржи Аукција на уметнички дела изработени од учениците со посебни потреби и оштетен вид од училиштата ДУРДМОВ “Димитар Влахов” и ПОУ “Д-р. Златан Сремец” за “Пролетниот ден во Европа” со наслов Сите за еднаков свет!.
Денеска во ЕУ ИНФО ЦЕНТАР – Делегација на Европска Унија ќе се одржи Аукција на уметнички дела изработени од учениците со посебни потреби и оштетен вид од училиштата ДУРДМОВ “Димитар Влахов” и ПОУ “Д-р. Златан Сремец” за “Пролетниот ден во Европа” со наслов Сите за еднаков свет!. Аукцијата ќе ја отворат Ерван Фуере, Евроамбасадор на Делегација на Европска Унија и Ѓорѓе Иванов, Претседател на Република Македонија.
Поканети се амбасадори, министри и бизнисмени кои активно ќе земат учество во аукцијата. Уметничките дела со почетна цена од 500 денари и ќе бидат наменети за Училиштата.
Поддржувачи на Пролетен ден во Европа 2010 се: Претседателот на Република Македонија, Делегацијата на Европската Унија, Град Скопје, Општина Центар, Министерство за внатрешни работи.
Генерален спонзор е T-Mobile, а покровител е Mc Donald’s и сендвичарница 7ца.
За прв пат овој настан беше инициран од Претседателот Борис Трајковски. Традицијата продолжува!
Се надеваме дека и Вие со вашето присуство и медиумско покривање ќе дадете придонес во одбележувањето на “Пролетниот ден во Европа” и инклузијата на луѓето со посебни потреби.
На традиционалните организатори AЕГЕЕ-Скопје, Балкан Идеа, МОФ и Млади Европски Федералисти, годинава се приклучува и Федерација на млади-Скопје, здружение на 12 невладини младински организации: Млади за млади, АИЕСЕК, ЕМСА, ИАЕСТЕ, ХЕРА, ССФОН, ЕЛСА, АЕГЕЕ, КОПРУ, БЕСТ, ЕЕСТЕК, БЛУ СКАЈ.Настанот се случува истовремено во повеќе Европски градови и е традиција почитувана и во нашата земја. Целта на “Пролетен ден во Европа” е да се претстави платформа за младите, преку која им е дадена шанса за искажување на нивната хуманост и чуство за давање помош на оние на која им е најпотребна. Воедно, 2010 година е прогласена за година на хуманост и социјална грижа на Европско ниво, со што им се дава можност на млaдите од Република Македонија да го доживеат и да се приклучат на европскиот начин на живот, но и да ја искажат својата определба за европска Македонија./крај/со/ит
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Бојмацалиев: МВР работи исклучиво по закон за фер, слободни и демократски избори
Дополнителниот заменик министер за внатрешни работи Митко Бојмацалиев, заедно со директорот на Бирото за јавна безбедност Сашо Тасевски и државната секретарка Магдалена Несторовска го посетија Оперативниот Штаб во МВР во рамки на ОА „Претседателски и парламентарни избори 2024”, на кој присуствуваа и претставници на Амбасадата на Соединетите Американски Држави, ОБСЕ и ОДИХР.
Во оваа прилика Бојмацалиев ги поздрави гостите од САД, ОБСЕ и ОДИХР и уште еднаш потенцираше дека на колегите во Оперативниот Штаб им посочил да се работи исклучиво согласно законските норми и прописи, а со цел гарантирање на безбедноста на фер, слободни и демократски избори, впрочем како што се работело и досега од 2017 година навака, без забелешки за изборниот процес.
Притоа, Бојмацалиев беше брифиран за текот на изборниот процес, за активностите и мерките кои ги презема МВР во делокругот на своите надлежности.
„Бев информиран дека гласањето не беше започнато на неколку места во предвиденото вре,е, а на неколку е почнато со задоцнување или прекинато, на различни подрачја, сите поради технички проблем со читачот на отпечаток на прст. На подрачје на СВР Скопје во врска со пријава за испукана димна бомба, од страна на тим на антитероризам извршена е проверка, подигната е направата и објектот е предаден на Претседателот на Избирачки одбор. На подрачје на СВР Куманово регистрирани се два настани и тоа пријава за организирано носење на гласање на стари лица и поставен штаб во близина на гласачко место. За време на предизборниот молк, во периодот од 06,00 до 07,00 часот, регистрирани се три настани на подрачје на СВР Скопје за испишани графити”, информираше Бојмацалиев.
Македонија
Приведен охриѓанец кој го фотографирал гласачкото ливче
Полицијата во Охрид го приведе А. И. (48) затоа што го фотографирал гласачкото ливче на избирачкото место 1271 во Охрид.
По целосно документирање на настанот, против него ќе биде поднесена соодветна пријава, информираа од СВР Охрид.
Македонија
ОЈО Делчево истражува обид за изборен поткуп со бесплатно вградување водомери
Основното јавно обвинителство Делчево истражува предмет за изборен поткуп со бесплатно поставување водомери. Обвинителот Џељаљ Бајрами, претседател на комисијата на Јавното обвинителство за следење евентуални кривични дела поврзани со изборите, извести дека се издадени наредби за увид во службената документација на Јавното претпријатие „Комуналец“ во Делчево.
„Во текот на вчерашниот ден во Основното јавно обвинителство Делчево е заведен предмет по барање на Министерството за внатрешни работи за кој се побрани наредби за вршење увид во службената документација на Јавното претпријатие ’Комуналец’, со цел да се проверат наводите за евентуално сторено кривично дело поткуп при избори и гласање. Се работи за наводно поставување водомери во поголем број населени места во таа општина. Дадена е наредба за проверка на службената документација во претпријатието. Доколку се утврди дека има елементи за сторено кривично дело поткуп при избори и гласање, предметот ќе се процесира понатака“, рече обвинителот Бајрами.
Во Основното јавно обвинителство Радовиш денес е пријавено дека во село Бучим еден од гласачите наводно го покажал гласачкото ливче кон еден од набљудувачите од една политичка партија. И за овој настан обвинителот Бајрами рече дека се дадени насоки за проверка на наводите и доколку постојат елементи за сторено кривично дело, и овој предмет ќе се процесира.
Обвинителот Бајрами рече дека од аспект на Јавното обвинителство на Република Северна Македонија денешниот изборен ден се одвива без поголеми нарушувања и нерегуларности.