Македонија
Црвенковски во посета на Долна Река

Буџетските средства за градење на црква и џамија на плоштадот во Скопје, Владата подобро би било да ги даде за обновување на Манастирот „Свети Јован Бигорски“ и да го санира патниот правец до Дебар.
Буџетските средства за градење на црква и џамија на плоштадот во Скопје, Владата подобро би било да ги даде за обновување на Манастирот „Свети Јован Бигорски“ и да го санира патниот правец до Дебар. Оваа го изјави денеска претседателот на СДСМ Бранко Црвенковски за време на посетата на манастирот „Свети Јован Бигорски“. Според него, овој манастир е идентитет на македонскиот народ бидејќи тој претставува најголема наша историска драгоценост и е со векови место на нашето вековно црковно и духовно светилиште. Патот кон Дебар е пат кој го користат заедно, како Македонци, така и Албанци, Турци и други граѓани на нашава земја, рече Црвенковски. Тој притоа апелираше до Владата на Македонија и лично до премиерот Груевски како и до МПЦ и г.г. Стефан да придонесат за намалување на етничките и религиските тензии со Проектот „Скопје 2014“, преориентирајќи ги средствата за обнова на Манастирот „Свети Јован Бигорски“ и за патот кон Дебар. Лидерот на СДСМ по посетата на манаситорот ја посети џамијата во најголемото реканско село Скудриње.
Тој нагласи дека традицијата на верскиот соживот во општината Маврово-Ростуше и одличен пример за верската и етничката толеранција.
Црвенковски изјавил дека треба да се гради нешто што ги обединува луѓето, а не нешто што ги разединува. /крај/мн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
(Видео) Со див приклучок на водоводната мрежа полевал илјадници метри земјиште – Град Скопје поднесе кривична

Град Скопје информира дека денеска е откриен нов див приклучок на мрежата за питка вода на подрачјето на општина Сарај, при што сторителот незаконски се приклучил за да наводнува неколку илјади метри квадратни пластеници. За случајот е изготвена и поднесена кривична пријава.
Ваквите појави сериозно го нарушуваат водоснабдувањето во градот, особено во урбаните и руралните средини кои секојдневно се соочуваат со намален притисок и недостиг на вода. Покрај директната штета врз системот, сторителот избегнувал и плаќање за потрошена вода во висина од илјадници евра, нанесувајќи штета на Јавното претпријатие „Водовод и канализација – Скопје“, соопшти Град Скопје.
Согласно системот за мониторинг и мерење на дневната потрошувачка, во јуни е забележана енормна потрошувачка на вода, која на одредени денови достигнала рекордни 356.000 м³. Тоа претставува околу 700 литри вода дневно по жител. Високата потрошувачка најчесто се должи на нерационално користење на вода – за наводнување, перење возила и полнење базени – дел од тоа и преку нелегални приклучоци.
Град Скопје апелира до надлежните институции, вклучително и МВР и Јавното обвинителство, активно да се вклучат во процесот на справување со дивите приклучоци и заштита на системот за водоснабдување. Се додава и дека неказнивоста води кон безредие, а граѓаните заслужуваат безбеден, редовен и правичен пристап до вода.
Македонија
(Видео) Мицевски: Кандидатите на СДС се истите од претходните избори, избрани по волја на Заев

Пратеникот и член на Централниот комитет на ВМРО-ДПМНЕ, Јане Мицевски, на прес-конференција одржана на 5 јули, изјави дека кандидатите на СДСМ за претстојните локални избори се истите кои се појавиле и во претходните два изборни циклуси.
Според него, тоа претставува доказ дека, како што рече, „Зоран Заев ги одбира кандидатите, а Венко Филипче ги потврдува“.
Мицевски ги посочи примерите на неколку актуелни кандидати, меѓу кои и кандидатот за градоначалник на општина Јегуновце, Дарко Блажевски, кој повторно е предложен од СДСМ. Тој го обвини Блажевски за неисполнети проекти и за, како што рече, „лична корист од ветените јавни проекти“.
„Во Јегуновце беше ветен културен дом, а на крајот стариот објект премина во негова сопственост“, рече Мицевски, додавајќи дека и во другите населени места, како Јанчиште и Жилче, дел од ветените проекти не биле реализирани додека Блажевски бил на функција.
Во своето обраќање, Мицевски оцени дека СДСМ се соочува со недостиг на нови и квалитетни кадри и затоа повторно ги кандидира истите лица. Тој додаде дека граѓаните, според ВМРО-ДПМНЕ, даваат поголема поддршка на нивните кандидати.
Македонија
(Видео) СДСМ Куманово: Димитриевски влезе во коалиција со Мицкоски за да се спаси од судски прогон

Соња Тодоровска од СДСМ Куманово, се осврна на одлуката на Обвинителството да се откаже од постапката против Максим Димитриевски.
Според Тодоровска, повлекувањето на Обвинителството го открило, како што рече, вистинскиот договор меѓу Димитриевски и Христијан Мицкоски. Таа обвини дека Димитриевски добил заштита од актуелната власт, а неговото коалицирање со ВМРО-ДПМНЕ го оцени како обид да избегне одговорност.
„Максим Димитриевски не е коалициски партнер, туку тој е декор, инструмент, политичка маска“, рече Тодоровска, додавајќи дека, според СДСМ, неговиот ангажман е воден од бизнис интереси и внатрепартиски договори.
Во изјавата беше нагласено дека, според СДСМ Куманово, граѓаните веќе го препознале политичкиот профил на Димитриевски и дека „на Куманово и на Македонија ѝ се потребни чесни луѓе со став и интегритет“.
Тодоровска порача дека „правдата може да биде одложена, но нема да биде избегната“ и најави дека ќе има одговорност.