Македонија
СДСМ: На здравството му е потребна итна инфузија
Прв пат по десетина години во законски утврдениот рок не е исплатена ниту една плата во јавните здравствени установи. Образложението што на вработените им е дадено е дека „налогот за исплата е во трезорот на државата“.
Прв пат по десетина години во законски утврдениот рок не е исплатена ниту една плата во јавните здравствени установи. Образложението што на вработените им е дадено е дека „налогот за исплата е во трезорот на државата“.
Дали тоа значи дека трезорот е празен и дека државата нема пари за основните функции, прашува опозицијата, откако јавните болници и установи остана без пари бидејќи Фондот за здравство не им ги префрли мајските буџети.
„Баталете споменици, баталете ја авантурата наречена барок, не трошете 200 милиони евра за глупости, дајте повеќе пари за живите, за здравјето на луѓето. Здравјето нема цена. Оставете ги здравствените работници достоинствено и професионално да ја вршат работата за која се едуцирани. Бидете Премиер, престанете да изигрувате и матичен лекар и аптекар.
Последиците се лоши по населението“ изјави Андреј Петров, секретар на партијата.СДСМ денеска во Собранието ќе поднесе предлог-закон за дополнување на Законот за здравствена заштита, со кој се воведува систем на акредитација и квалитет на здравствените институции.
„Со оваа законска мерка, ќе се спречи страдањето на македонските граѓани во здравствени институции кои не ги исполнуваат основните услови“ додаде Петров./крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.