Телевизијата на Ватикан по грешка го нарече бугарскиот премиер Бојко Борисов македонски, пренесува Bgnes.

Телевизијата на Ватикан по грешка го нарече бугарскиот премиер Бојко Борисов  македонски, пренесува Bgnes. Во извештајот за јавноста, од посетата на Борисов кај папата Бенедикт  XVI се вели дека Светиот отец прифатил делегација од Македонија. „Бенедикт  XVI ја прими македонската делегација на највисоко ниво од Македонија. Повод за средбата беше празникот на православните апостоли и патрони на Европа, браќата Свети Кирил и Методиј, истакна папата за време на состанокот“, се вели во репортажата. „Тие – Кирил и Методиј – претрпеа страдање и непријателство, но ги надминаа сите напади со силата на својата вера и непобедливата верба во доброто,“ посочува телевизискиот материјал. Секоја година по повод 24 мај, папата прифаќа бугарска делегација, која оваа година беше предводена од премиерот Бојко Борисов. Веднаш по бугарската, во Ватикан пристигнала и македонската делегација, поради што според бугарските медиуми, најверојатно била предизвикана забуната. Посетата на Борисов во Италија беше одбележана од уште еден гаф. Владината делегација во бугарскиот авион беше пречекана на аеродромот Чампино во Рим со бугарско знаме кое било свртено обратно, односно со црвената боја нагоре. По увидот на фотографиите од новинарите, домаќините итно го симнале знамето, го поставиле во правилната насока и повторно го подигнале – со белата боја одозгора./крај/бг/ко