Македонија
Милошоски: Атина да покаже дека Агендата 2014 е реален проект
Грција со свои дела и постапки да покаже дека Агендата 2014 е реален проект, повика шефот на македонската дипломатија, Антонио Милошоски денеска од Сараево.
Грција со свои дела и постапки да покаже дека Агендата 2014 е реален проект, повика шефот на македонската дипломатија, Антонио Милошоски денеска од Сараево. Милошоски, по средбата со својот босански колега, Свен Алкалај, повика Грција „да не ги злоупотребува ирационалните и билатерални проблеми за рационални потреби за целиот регион и кредибилитетот на ЕУ“. „Ако е тоа реален проект, тогаш Македонија е прва земја која може да биде дел од таа успешна приказна што би можела да почне овде во Сараево или на крајот на шпанското претседателство со една одлука која би се донела со консензус дека Македонија треба да ги почне преговорите за членство“, рече Милошоски. Шефот на македонската дипломатија утре во Сараево ќе учествува на состанокот „ЕУ – Западен Балкан“, што ќе се одржи на иницијатива на шпанското претседателство. /крај/ач
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Укината забраната за движење во шуми
По извршената процена за намален ризик за појава на шумски пожари на површините под шума и шумско земјиште од страна на ЈП „Национални шуми“ – Скопје и на нивно барање, Министерство за земјоделство, шумарство и водостопанство донесе согласност за отповикување на целосната забрана за движење во шума и на шумско земјиште.
Македонија
Мицкоски: Работиме штипската болница да биде изградена во најбрз рок
„Јас мандатот го почнав пред неполни три месеци токму од пред штипската Клиничка болница и тогаш реков во овој мандат таа ќе биде завршена. Работиме на модел. Медицинско-техничко-економски модел којшто е во фаза на, би рекол, развој и очекувам дека до крајот на оваа година сето тоа ќе биде завршено и веќе од почетокот на следната ќе почнеме со градење на Болницата“, одговори претседателот на Владата, Христијан Мицкоски на денешното новинарско прашање при посетата на Штип, во однос на изградбата на Клиничката болница и додаде:
„Проблемот е што пари нема. Парите ги украле или ги потрошиле за нешто што не требало. Требало за Болницата, но парите ги украле. За жал наследивме состојба таква каква што е, но тоа е што е, тука е, нѐ гласале граѓаните, да немаме оправдување, туку да работиме, да ја направиме работата подобра. Што е нашиот пристап? Нашиот пристап е да обезбедиме и финансирање, и допроектирање и опремување и изградба и пренос на објектот. Тоа во моментов Законот за јавни набавки не го дозволува. Ако е потребно ќе влеземе и чекор напред, ако треба мали нивелирања на Законот, само за да можеме да ги одглавиме многу проекти за коишто се почнати, парите се украдени и тие се сега споменици на едно време. Тоа правиме, иновираме, се трудиме да најдеме начин за сето ова го задвижиме и ќе успееме. Ќе успееме, јас сум оптимиста дека ќе успеаме“, дополни тој.
Македонија
Трипуновски: Доделени договорите од ИПАРД III-програмата
Денеска во просториите на Агенцијата за финансиска поддршка и рурален развој, министерот за земјоделство, шумарство и водостопанство Цветан Трипуновски заедно со директорот на агенцијата Илија Стоилев доделија договори од ИПАРД III програмата за 2021-2027.
Договорите се однесуваат на мерката 1 –Инвестиции во основни средства на земјоделските стопанства и мерката 7 – Диверзификација на фарми и развој на бизниси.
Финансиската поддршка се состои од 75% средства од ЕУ буџетот и 25% средства обезбедени од буџетот на Македонија.
Вкупната финансиската поддршка во рамките на ИПАРД III програмата од мерката 1 изнесува 18.893.333 евра, односно 1.171.764.533 денари, додека за мерката 7 изнесува 11.400.000 евра, односно 707.028.000 денари.
Денеска се потпишаа 30 договори од вкупно 76 од мерката 1 за кои вкупно прифатливите трошоци по договор изнесуваат 214.737.900,00 денари односно 3.494.514 евра, додека кофинансираната сума изнесува 141.279.000,00 денари односно 2.299.000 евра. Од мерката 7 се пишуваат 6 договори за кои вкупно прифатливите трошоци по договор изнесуваат 90.379.675,00 денари, а додека кофинансираната сума изнесува 54.488.543,00 денари, односно 886.713,00 евра.
“Владата и Министерството за земјоделство, шумарство и водостопанство веруваат во потенцијалот на македонското земјоделство а со тоа и на земјоделците. Континуирано се прават заложби за подеднаков развој на земјоделството на секој дел од државата.
Со потпишување на договорите им посакавме успешна реализација на инвестициите и понатамошно беспрекорно работење, плодна соработка со агенцијата и министерството. Ги охрабруваме и останатите земјоделци да се вклучат во програмите за финансиска поддршка£, се истакнува во соопштението.