Македонија
Селмани:Албанците во најтешка положба по 2001 година

Албанскиот народ во Македонија денес од една страна го доживува најтешкиот период на политички, економски и социјален аспект по 2001 година, изјави денеска лидерот на „Нова Демократија“, Имер Селмани.
Албанскиот народ во Македонија денес од една страна го доживува најтешкиот период на политички, економски и социјален аспект по 2001 година, изјави денеска лидерот на „Нова Демократија“, Имер Селмани.
Според него, Албанците од друга страна се соочуваат со блокирана перспектива за интеграции во НАТО и Европската унија.
„Сето ова доаѓа како резултат на погрешните политики на актуелната Влада Груевски-Ахмети, но истотака ваквата позиција ја помага и недостигот на меѓупартиски консензус на албанските политички партии за најбитните национални и државни прашања“, рече Селмани
Порачувајќи дека албанските партии треба да направат консензус по повеќе прашања како што е имплементацијата на Охридскиот договор, Селмани побара да се спречи проектот „Скопје 2014“
„Време е да го постигнеме потребниот меѓупартиски консензус за вклучување на албанскиот политички фактор во решавањето на спорот околу името помеѓу Македонија и Грција, затоа што истиот директно ја загрозува нашата евро-атлантска перспектива и надежта за подобар и посигурен живот за нашите семејства“, рече Селмани. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Променливо облачно со сончеви периоди, попладне дожд

Времето денеска ќе биде променливо облачно со сончеви периоди. Попладне ќе има услови за изолирана појава на нестабилност со краткотраен пороен дожд и грмежи. Ќе дува слаб до умерен ветер од североисточен правец.
Минималната температура ќе биде во интервал од 10 до 19, а максималната ќе достигне од 29 до 36 степени.
Во Скопје ќе биде променливо облачно со сончеви периоди. Ќе дува слаб до умерен ветер од северен правец. Минималната температура ќе се спушти до 18, а максималната ќе достигне до 36 степени.
Според прогнозата на УХМР, во следните денови ќе преовладува променливо облачно време со сончеви периоди.
-Во недела попладне ќе има изолирана појава на нестабилност со пороен дожд и грмежи. Во првите два дена од новата седмица на повеќе места ќе биде нестабилно со пороен дожд, грмежи и услови за локално невреме со засилен ветер и изолирана појава на град, информира Управата за хидрометеоролошки работи.
Скопје
Без струја утре неколку улици во Центар и Чаир

Регионалниот центар за управување со кризи на Град Скопје, по добиеното известување од ЕВН известува дека: поради технички зафати во електродистрибутивната мрежа, утре, без електрична енергија ќе останат:
· од 06.00 до 11.00 часот, корисниците на улица 6 и дел од улица 4 во Сарај. (Општина Сарај )
· од 08.00 до 14.00 часот, корисниците од дел од ул. Даме Груев и дел од ул. Свети Кирил и Методиј. (Општина Центар
Македонија
Нормализиран сообраќајот кон Граничниот премин Јажинце

Министерството за внатрешни работи ја известува јавноста дека нормализиран е сообраќајот на патниот правец Тетово – ГП Јажинце кај село Рогачево, во двата правци и граничниот премин Јажинце.
Патот беше затворен поради пожар.