Последните случувања, судските пресуди, директните закани до новинарите, забраните за искажување на сопствен став, само говорат во прилог на тезата дека мракот ги голтнал сите во земјата, сметаат од оваа организација.

Последните случувања, судските пресуди, директните закани до новинарите, забраните за искажување на сопствен став, само говорат во прилог на тезата дека мракот ги голтнал сите во земјата, сметаат од оваа организација. „Сите ние тука сме сведоци дека под кринката на наводната одбрана на таканаречените национални и државни интереси на голем дел од нас ни е забрането да зборуваме. И не само што ни е забрането, туку ни е влеан страв во коски. Не смееме да протестираме, не смееме да напишеме било што, а да не бидеме етикетирани, не смееме да си го заработуваме лебот со нашите занаети. Не е национален интерес да се молчи,“ смета Ѕвездан Георгиевски, Директор на Цивил Медиа – Центар за медиуми и слобода на говорот, кој вели дека новинарите како никогаш досега се портпароли на одредени центри на моќ. „Речиси три децении сум професионален новинар и можам со целото мое искуство да потврдам дека во полошо време за мојата професија не сум живеел,“ вели Георгиевски. Роберто Беличанец пак, смета дека законите или легислативите не се решение за говорот на омраза, туку само работата во праксата ќе даде резултати. „Говорот на омраза треба да стане не само законски неприфатлив, туку и морално неприфаќан и осудуван,“ смета Беличанец. Од Цивил Медиа сметаат дека бескрупулозните начини на вербална пресметка со неистомислениците, во служба на еднократни политички цели, преку јазикот на омразата доведува до дерогирање на слободата на говорот и политичката култура во земјата. „Крајно време е да се пружи поголем отпор. Цивил Медиа ја замислувам на начин кој нема да објаснува и нема да толкува што ни се случува и нема да предупредува за што станува збор, туку ќе биде организација која мора да ги менува работите,“ најави на денешната прес конференција за новинарите, Ѕвездан Георгиевски./крај/ко